Nawˬ˗euˬ nymˇ jiˇ k’awꞈ byawˬ nya cehˇ nya

Yeˬhawˇbaˬ nymˇ jiˇ yawˬ jiˇ na luꞈ˗ahˇ laˬ k’aˬ bi cehˇ mawꞈ˗eu meh. (Ja ceuˬ 127:3-5; Dawˬtsoˆ 9:9; 11:9) Ehˇ k’awꞈ tiˬ poˆ na miˇ tsaˬ zaˬ deuˬ nyehꞈ suꞈ laˇ-eu miˇ neh maˬ ehˇ, nymˇ jiˇ laꞈ k’oeˇ jawˇ-eu deuˬ neh mˇ˗euˬ baˬ da neh maˬ ehˇ, aˬ dui-ahˇ laˬ k’aˬ maˬ bi cehˇ ni pyeuꞈ nya-eu meh. Toˆ˗ehˇ naˇ nymˇ jiˇ laꞈ k’oeˇ jawˇ˗eu deuˬ aˬ yawꞈ g’aˬ yawꞈ laˬ k’aˬ cehˇ ni aˬ joˆ˗ehˇ jahˇ nya˗eu nga?

K’aˬ dzeˇ zaˬ deuˬ naˇ, miˬ zaˬ˗ahˇ yaw zeu ya taˬ baw. (1 Beˬtuˆluˆ 3:7) Miˬ zaˬ˗ahˇ aˇ yamˬ ya biꞈ˗awˇ maˬ mˇ nya gaˇ keuˆ ni maˬ ka tiˇ-eu uˬ taꞈ, aˬ yawꞈ neh nymˇ jiˇ laꞈ k’oeˇ k’aˇ mˇ k’aˇ shaˇ˗euˬ jeˬ˗ahˇ aˇ poeˬ taˬ baw˗awˇ, guiˬ lahˬ huiˬ miˇ-a lehˇ mˇ mawˇ nehˬ. (Gawˇlawˇsehˇ 3:15) K’oeˇ naˇ aˬ yawꞈ˗ahˇ nui gaˬ mˇ mawˇ nehˬ˗awˇ ja ceuˬ nehˬ.—Dawˬdaˬ 31:28, 31.

Miˬ zaˬ deuˬ naˇ, k’aˬ dzeˇ zaˬ˗ahˇ ya caw ba˗awˇ g’aˬ biꞈ. (Dawˬdaˬ 31:12) Aˬ yawꞈ k’aˬ dzeˇ zaˬ˗euˬ dawˬ ya naˇ haˬ˗awˇ, ya mˇ caw˗eu meh. (Gawˇlawˇsehˇ 3:18) Aˬ yawꞈ k’aˬ dzeˇ zaˬ nehˬ˗ehˇ ngehˬ cawˬ˗awˇ, yaw muiˬ paw dzeˇ dzaˬ˗ahˇ ngehˬ keuˆ˗eu meh.—Dawˬdaˬ 31:26.

Aˬ da aˬ ma deuˬ naˇ, zaˬ deuˬ˗ahˇ aˇ yamˬ ya biꞈ. (Dawˬmehˬmehˬ˗eu 6:6, 7) K’oeˇ naˇ zaˬ˗ahˇ gaˬ˗eu lehˇ ehˇ nehˬ. (Maꞈtehˬ 3:17) Zaˬ deuˬ˗ahˇ nui gaˬ keuˆ-awˇ g’oˆ shaw nehˬ-eu laꞈ k’oeˇ mehˬ nehˬ.—Eˇpeˇsu 6:4.

Zaˬ deuˬ naˇ, aˬ da aˬ ma deuˬ˗ahˇ yaw zeu ya baw˗awˇ ehˇ dawˬ ya naˇ haˬ. (Dawˬdaˬ 23:22) Zaˬ deuˬ yawˬ ha aˬ joˆ-ehˇ noeˬ˗awˇ aˬ joˆ˗ehˇ g’eh luꞈ˗eu lehˇ aˬ da aˬ ma˗ahˇ bi siˬ-eu g’aˬ duˬ, ya ja nehˬ-eu meh. Zaˬ deuˬ, aˬ da aˬ ma mehˬ nehˬ tsoˆ nehˬ laˇ ngeh ha geuꞈ˗awˇ, yaw zeu ya taˬ baw˗eu meh.—Dawˬdaˬ 19:20.

Nawˬ-euˬ nymˇ jiˇ laˬ k’aˬ cehˇ laˇ ni leh jeh lehˇ ehˇ˗eu biˬdiˬoˬ haw g’aˬ naˇ, naˇ haˬ˗eu jeˬ heu deuˬ˗ahˇ dawˬ k’oꞈ biꞈ.

Aˬ dui aˬ yawꞈ g’aˬ yawꞈ, nymˇ jiˇ laꞈ k’oeˇ laˬ k’aˬ bi cehˇ ni aˬ jeˬ jahˇ nya˗eu nga?