Mehˬ nehˬ tsoˆ nehˬ˗eu jeˬ, Yeˬhawˇbaˬ˗euˬ nui gaˬ˗ahˇ mawˇ laˇ

Mehˬ nehˬ tsoˆ nehˬ˗eu heu naˇ, nui noeˬ nui duˇ hawˇ˗eu zaˬ siˬ nui gahˇ biꞈ gaˇ ehˇ mawꞈ˗eu uˬ taꞈ, diˬ gaˇ ehˇ gaˇ jiˇ ehˇ mawꞈ˗eu meh. Yeˬhawˇbaˬ aˬ yawꞈ ha geuꞈ˗eu jeˬ˗ehˇ uˬ duˬ tahˬ nya˗eu gʼaˇ duˬ, aˬ dui˗ahˇ mehˬ˗eu tsoˆ˗eu meh. (Loˇmaˆ 12:1; Heˬbyehˇ 12:10, 11) Tiˬ poˆ na mehˬ nehˬ tsoˆ nehˬ˗eu jeˬ aˬ dui˗ahˇ bi naˇ laˇ˗eu kʼawꞈ, aˇ nah naˇ aˬ dui tsaˬ˗eu dawˇ˗eu jeˬ mˇ nya˗awˇ, Miˬyehˇ˗euˬ guiˬ lahˬ jiˇ za nya˗eu meh. (Dawˬdaˬ 10:7) Nui noeˬ nui duˇ biꞈ˗eu gʼaˬ hawˇ˗eu bi mehˬ bi tsoˆ˗euˬ gʼaˬ aˬ jeˬ noeˬ taˬ paˬ˗ehˇ gʼeh˗eu nga?

Nui noeˬ nui duˇ biꞈ˗eu gʼaˬ. Aˇ muˇ˗ahˇ sheuˬ gʼeh˗eu deuˬ, aˬ da aˬ ma deuˬ hawˇ˗eu nui deuˬ, Yeˬhawˇbaˬ˗ahˇ dzaw geuꞈ˗awˇ gʼawˬ shaˬ gaˬ˗eu laꞈ kʼoeˇ nui noeˬ nui duˇ biꞈ. (Yeˬlaˬmiˇ 46:28) Coeˬ leˇ paˬ˗ehˇ gʼeh˗eu nui noeˬ nui duˇ ya biꞈ kʼawꞈ, aˬ yawꞈ jeˬ yawꞈ haw haw˗ehˇ gaˬ˗eu laꞈ kʼoeˇ ya biꞈ˗eu meh.—Tiˇtuˆ 1:13.

Bi mehˬ bi tsoˆ˗euˬ gʼaˬ. Mehˬ˗eu tsoˆ˗eu jeˬ aˬ joˆ˗ehˇ gʼeh kʼawꞈ, aˬ dui ha geuꞈ˗awˇ taˆ lehˇ mˇ caw paˬ˗ehˇ gʼeh˗eu meh. (Dawˬdaˬ 3:11, 12) Aˬ dui maˬ byah kuꞈ˗eu miˇ neh, aˬ dui˗ahˇ yaw myaˬ paw neh mehˬ laˇ tsoˆ laˇ nya˗eu meh. Aˬ dui Jaˇliꞈ hawˇ˗eu mehˬ bawˬ˗ahˇ neh mehˬ˗eu tsoˆ˗eu jeˬ za˗awˇ, tiˬ gʼaˬ na naˇ daˇ tsehˆ˗eu gawˬmiˬtiꞈ˗ahˇ neh mehˬ˗eu tsoˆ˗eu jeˬ za˗eu meh. Aˬ dui˗ahˇ mehˬ laˇ tsoˆ laˇ˗eu jeˬ˗ahˇ mˇ caw naˇ, aˬ dui˗euˬ dehꞈ ziˇ muiˬ daˆ laˇ˗awˇ, dehꞈ˗eu jeˬ jiˇ za˗eu meh.—Dawˬdaˬ 10:17.

‘Yeˬhawˇbaˬ gaˬ˗eu gʼaˬ˗ahˇ, aˬ yawꞈ mehˬ paˇ tsoˆ paˇ nehˬ’ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Dahˬ beh ngeh Kʼehˇnahˬ˗euˬ dehꞈ ziˇ aˬ joˆ˗ehˇ gʼeh˗euˬ nga? Kʼoeˇ naˇ aˬ jeˬ pyeuꞈ laˇ˗euˬ nga?

• 

  Aˬ yawꞈ gaˬ˗eu laꞈ kʼoeˇ Yeˬhawˇbaˬ neh mehˬ nehˬ tsoˆ nehˬ laꞈ˗eu jeˬ˗ahˇ aˬ joˆ˗ehˇ za˗euˬ nga?

• 

  Aˬ dui aˬ yawꞈ˗euˬ gaˇ kawˆ˗ahˇ neh aˬ jeˬ dzaw geuꞈ nya˗eu nga?