Ka li zaˬ˗euˬ dehꞈ ziˇ
Yeˬhawˇbaˬ mehˬ nehˬ tsoˆ nehˬ˗eu jeˬ˗ahˇ gʼaˬ biꞈ˗eu heu neh, gaˬ˗eu jeˬ mˇ mawˇ
Aˇ muˇ laꞈ kʼoeˇ neh teh doˆ˗eu heu naˇ, aˇ muˇ˗ahˇ haw piˇ˗eu jeˬ pyeuꞈ˗awˇ, maˬ noeˬ poˆ˗eu deuˬ˗ahˇ jiˇ mehˬ nehˬ tsoˆ nehˬ˗eu jeˬ pyeuꞈ meh. (1 Gawˇliˬtu 5:6, 11) Aˬ dui Yeˬhawˇbaˬ neh heu loꞈ˗ehˇ mehˬ nehˬ tsoˆ nehˬ˗eu jeˬ˗ahˇ gʼaˬ biꞈ naˇ, gaˬ˗eu jeˬ mˇ mawˇ luꞈ˗eu meh. Aˬ jeˬ miˇ neh toˆ˗ehˇ ehˇ nya˗eu nga? Teh doˆ˗eu jeˬ heu naˇ, gaˇ kawˆ teu˗ahˇ taꞈ˗eu deuˬ uˬ taꞈ nymˇ jiˇ hawˇ˗eu daˇ tsehˆ˗eu gawˬmiˬtiˬ deuˬ˗ahˇ jiˇ nui ma laˆ cawˆ nehˬ˗eu maˬ ngeuˇ˗a loˇ?
Aˇ yeˇ kʼaˇ huiˬ˗eu jeˬ naˇ aˬ dui muiˬ˗eu shawˇ˗eu Yeˬhawˇbaˬ˗euˬ tsawˇ myahˇ hawˇ˗eu aˬ yawꞈ˗euˬ zahˇ dawˬ˗ahˇ gaˬ˗eu lehˇmˇ mawˇ˗eu jeˬ pyeuꞈ meh. (1 Beˬtuˆluˆ 1:14-16) Kʼoeˇ naˇ bi teh doˆ˗euˬ gʼaˬ˗ahˇ jiˇ gaˬ˗eu lehˇ mˇ mawˇ˗eu jeˬ pyeuꞈ meh. Yaw kʼaˆ˗ehˇ mehˬ˗eu tsoˆ˗eu heu bi noeˬ shaˬ kʼawꞈ ‘aˇ nah naˇ yaw tsaˬ yaw dawˇ dawˇ˗ehˇ dehꞈ˗awˇ nui saˇ oꞈ˗eu guiˬ lahˬ za˗eu meh.’ (Heˬbyehˇ 12:5, 6, 11) Aˬ dui bi teh doˆ˗euˬ deuˬ nehˬ˗ehˇ cawˬ cawˬ naˇ, Yeˬhawˇbaˬ mehˬ nehˬ tsoˆ nehˬ˗eu jeˬ˗ahˇ laˆ tsoeˬ luꞈ˗eu jeˬ pyeuꞈ meh. Yeˬhawˇbaˬ aˬ yawꞈ˗euˬ tsawˇ haˬ˗ahˇ a za za˗ehˇ mehˬ˗eu lehˇ taˬ ngehˇ. (Yeˬlaˬmiˇ 30:11) Aˬ dui Yeˬhawˇbaˬ mehˬ nehˬ tsoˆ nehˬ˗eu jeˬ˗ahˇ gʼaˬ biꞈ˗awˇ, nui jah bi ziꞈ laˇ˗eu jeˬ mˇ daˆ leꞈ naˇ, aˬ dui mˇ bahˬ˗euˬ deuˬ gʼawˬ shaˬ gaˬ˗eu Aˬda Yeˬhawˇbaˬ jawˇ gaˇ gʼoꞈ laˇ meh lehˇ noeˬ tmˬ˗eu jeˬ pyeuꞈ meh.—Iˇsaˬyaˇ 1:16-18; 55:7.
Nui ma tiˬ siˬ tehꞈ˗ehˇ taˬ˗eu laꞈ kʼoeˇ saˇ jaˇ ziꞈ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.
Zaˬ tiˬ gʼaˬ na Yeˬhawˇbaˬ˗ahˇ byehˇ dzeh ngeh, Ka li zaˬ pyeuꞈ˗eu aˬ da aˬ ma deuˬ˗ahˇ aˬ joˆ˗ehˇ gʼeh leˇ˗eu nga?
Aˇ muˇ laꞈ kʼoeˇ˗euˬ mehˇ nmˇ deuˬ saˇ jaˇ ziꞈ˗eu nymˇ jiˇ laꞈ kʼoeˇ˗euˬ deuˬ˗ahˇ aˬ joˆ˗ehˇ caw ba nya˗eu nga?
Yeˬhawˇbaˬ˗ahˇ saˇ jaˇ ziꞈ˗eu heu naˇ, nymˇ jiˇ laꞈ kʼoeˇ˗euˬ deuˬ˗ahˇ saˇ jaˇ ziꞈ˗eu naˆ maˬ tseˇ aˇ yeˇ huiˬ˗eu lehˇ bi mawˇ laˇ˗eu, Jaˇliꞈ laꞈ kʼoeˇ aˬ suˇ gʼaˬ˗euˬ gaˇ kawˆ ahˇ˗eu nga?
Aˬ dui nymˇ jiˇ laꞈ kʼoeˇ˗euˬ deuˬ˗ahˇ naˆ maˬ tseˇ Yeˬhawˇbaˬ˗ahˇ saˇ jaˇ ziꞈ˗eu lehˇ aˬ joˆ˗ehˇ mˇ mawˇ nya˗eu nga?