“Aˬ da aˬ ma˗ahˇ yaw zeu baw”

Yeˬsuˇ miˇ tsaˬ kʼoeˇ taˆ jawˇ ngeh, “aˬ da aˬ ma˗ahˇ yaw zeu ya baw” lehˇ biꞈ taˬ˗euˬ dawˬ˗ahˇ, yaw myaˬ poˆ ngehˬ keuˆ˗eu meh. (Doˆ 20:12; Tehˬ 15:4) Yeˬsuˇ yaw nyiˇ ngeh, aˬ da aˬ ma dawˬ˗ahˇ aˬ myah luꞈ naˇ haˬ˗eu miˇ neh, teu loꞈ˗ehˇ ngehˬ nya˗eu meh. (Luˇ 2:51) Yeˬsuˇ huiˬ laˇ ngeh aˬ yawꞈ shiˇ dzeuˇ naˇ, aˬ yawꞈ˗euˬ aˬ ma˗ahˇ bo saˆ nehˬ lehˇ, aˬ cawˬ˗ahˇ ehˇ taˬ yaꞈ˗euˬ meh.—Yoˇ 19:26, 27.

Nymˇ˗mˇ iˬ nah kʼawꞈ teu loꞈ˗ehˇ duˇ meh. Ka li zaˬ pyeuꞈ˗eu zaˬ deuˬ, aˬ da aˬ ma˗euˬ dawˬ naˇ haˬ˗awˇ, yaw zeu baw˗eu laꞈ kʼoeˇ ngehˬ caw˗eu miˇ neh, yaw zeu baw˗eu lehˇ mˇ mawˇ˗eu jeˬ pyeuꞈ meh. Aˬ da aˬ ma˗ahˇ yaw zeu baw lehˇ biꞈ taˬ˗euˬ dawˬ heu, aˬ myah luꞈ aˬ dui ya mˇ caw˗eu jeˬ pyeuꞈ meh. Aˬ dui aˬ yawꞈ maꞈ mawˬ iˇ ngeh keuˆ ni, yaw zeu baw˗eu laꞈ kʼoeˇ naˇ haˬ˗awˇ, ya dzaw geuꞈ˗eu meh. (Dawˬ 23:22) Kʼoeˇ naˇ, aˬ yawꞈ maꞈ mawˬ iˇ ngeh loˬ˗eu jeˬ, nui noeˬ paw hawˇ˗eu pyuˇ shuiˇ paw jiˇ ya caw ba nehˬ˗eu meh. (1Tiˆ 5:8) Aˬ dui zaˬ pyeuꞈ˗eu maˬ ehˇ, huiˬ laˇ dzeuˇ˗euˬ maˬ ehˇ, aˬ da aˬ ma nehˬ˗ehˇ aˬ myah luꞈ yaw muiˬ˗ehˇ ngehˬ cawˬ˗eu heu naˇ, yaw zeu baw˗eu lehˇ mˇ mawˇ nehˬ˗eu jeˬ pyeuꞈ˗eu meh.

Ngaˇ aˬ da aˬ ma nehˬ˗ehˇ aˬ joˆ˗ehˇ ngehˬ cawˬ paˬ nga? lehˇ ehˇ˗eu aˇ baˇ neh mehˬ˗eu biˬdiˬoˬ haw. Kʼoeˇ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ:

• Nawˇ aˬ da aˬ ma nehˬ˗ehˇ ngehˬ cawˬ˗euˬ yaw shaˬ nya lehˇ aˬ jeˬ miˇ neh noeˬ nya?

• Nawˇ aˬ da aˬ ma nehˬ˗ehˇ ngehˬ cawˬ ngeh, aˬ yawꞈ zeu baw˗eu lehˇ aˬ joˆ˗ehˇ mˇ mawˇ leˬ?

  

• Aˬ da aˬ ma nehˬ˗ehˇ leh jeh˗awˇ, aˬ jeˬ miˇ aˇ poeˬ baw nga? (Dawˬ 15:22)