Miˬyehˇ˗euˬ gaˇ mˇ ngeh, nymˬ˗mˇ iˬ nah nehˬ˗ehˇ tsaˬ leˇ ni laˆ paˇ

Yeˬsuˇ Miˬyehˇ˗euˬ gaˇ mˇ ngeh, teu ngeh pyeuꞈ luꞈ˗eu gaˇ kawˆ deuˬ˗ahˇ zmˬ˗awˇ mehˬ˗euˬ meh. (Luˇkaꞈ 13:1-5) Aˬ dui jiˇ tsawˇ haˬ deuˬ˗ahˇ Miˬyehˇ Miˇ kʼahˬ˗euˬ gaˇ kawˆ˗ahˇ nui ma bi ahˇ laˇ˗eu gʼaˇ duˬ, nymˬ˗mˇ iˬ nah pyeuꞈ luꞈ˗eu gaˇ kawˆ˗ahˇ ngehˬ keuˆ nya meh. Yaw jeˬ ma jeˬ, mˇ dzaˬ kʼawꞈ dawˇ˗eu gaˇ kawˆ, uˬ jeˬ jaˬ lehˇ˗euˬ shaˬ zahˬ˗euˬ gaˇ kawˆ, miˇ kʼahˬ suˬ saˬ˗eu gaˇ kawˆ, ya piˇ ya maˇ˗euˬ gaˇ kawˆ hawˇ˗eu gaˇ kawˆ nui deuˬ˗ahˇ ngehˬ keuˆ˗awˇ, nymˇ sahˇ gʼaˬ˗ahˇ shaˇ noeˬ leˇ ni tiˬ jeˬ na naˇ haˬ nya meh. Yaw jeˬ ma jeˬ, aˬ dui aˬ yawꞈ maꞈ˗ahˇ “Nawˬ˗ahˇ . . . byoˆ iˇ˗eu aˇ nahˬ baw meh lehˇ noeˬ miˇ˗a loˇ?” Maˬ ngeuˇ naˇ, “. . . aˬ joˆ˗ehˇ byoˆ˗iˇ nya˗eu nga, nawˬ˗ahˇ aˬ joˆ˗ehˇ noeˬ nya” lehˇ naˇ haˬ nya meh. Kʼoeˇ naˇ gaˇ kawˆ teu nehˬ˗ehˇ taꞈ˗eu Jaˇliꞈ aˇ deuˆ gui nehˬ˗awˇ, Mehˬ˗eu Keu ka bawˬ keuˆ laꞈ kʼoeˇ˗euˬ biˬdiˬoˬ pah nehˬ nya˗eu uˬ taꞈ, paˇ dmˬ jiˇ biꞈ nehˬ nya meh. Aˬ dui tsawˇ haˬ deuˬ yaw tsaˬ yaw dawˇ jeˬ˗ahˇ siˬ nya mawꞈ laˇ ni leh jeh˗awˇ, “laˬ kʼaˬ cehˇ˗eu guiˬ lahˬ dawˬ”˗euˬ gʼaˇ duˬ, kʼaˇ mˇ nya˗eu jeˬ mˇ ma.—1 Gawˇliˬtu 9:22, 23.

Aˬ dui˗euˬ tsaꞈ gaˬ duˬ˗ahˇ jawˇ˗eu tsawˇ haˬ deuˬ, aˬ jeˬ˗euˬ gaˇ kawˆ˗ahˇ siˬ nya mawꞈ˗eu nga?