Ka li zaˬ˗euˬ dehꞈ ziˇ
Yeˬhawˇbaˬ hawˇ˗eu Yeˬsuˇ˗ahˇ jah laˇ ni, Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya lehˇ ehˇ˗eu paˇ dmˬ zmˬ
Jaˇliꞈ dzaw zaˬ deuˬ Yeˬhawˇbaˬ neh nui kʼahˇ bi shiˇ mawꞈ naˇ, nui jah ziꞈ dah ni ya gʼeh meh. (Heˬbyehˇ 11:6) Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya lehˇ ehˇ˗eu paˇ dmˬ zmˬ˗awˇ aˬ yawꞈ maꞈ˗ahˇ caw ba nehˬ nya meh. Paˇ dmˬ˗ahˇ Jaˇliꞈ aˇ deuˆ gʼawˬ mya deuˆ ahˇ˗awˇ, maˇ jawˆ ni ja sawˇ nehˬ taˬ˗euˬ uˬ taꞈ, bi shaˇ noeˬ leˇ˗eu naˇ haˬ˗eu jeˬ jiˇ ahˇ˗awˇ, nui ma˗ahˇ zaw laˇ˗eu biˬdiˬoˬ gʼawˬ mya ni ahˇ˗eu meh. Kʼoeˇ naˇ zawˇ˗ehˇ muiˬ˗eu aˇ baˇ deuˬ jiˇ ahˇ˗eu meh. Aˬ dui dzaw zaˬ deuˬ˗ahˇ Ka li zaˬ loꞈ˗ehˇ dehꞈ nya ni hawˇ˗eu Yeˬhawˇbaˬ nehˬ˗ehˇ gʼoeˇ ni caw ba nehˬ naˇ, miˬ dzaˬ˗ahˇ duˇ˗eu shaˬ zahˬ˗ahˇ kamˬ daˬ coeˇ ni lehˬ hmˬ nehˬ taˬ˗eu jeˬ pyeuꞈ meh.—1 Gawˇliˬtu 3:12-15.
Tiˬ gʼaˬ na maˬ mawˇ nya˗eu Miˬyehˇ nehˬ˗ehˇ cawˬ cawˬ˗eu yaw shaˬ nya lehˇ noeˬ˗eu meh. Teu miˇ neh aˬ dui aˬ yawꞈ maꞈ˗ahˇ Miˬyehˇ˗ahˇ siˬ nya laˇ ni hawˇ˗eu aˬ yawꞈ˗ahˇ nui ma taˬ nya laˇ ni ya caw ba nehˬ˗eu meh.
“Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya” lehˇ ehˇ˗eu paˇ dmˬ zmˬ˗awˇ, Yeˬhawˇbaˬ˗ahˇ nui jah ahˇ laˇ ni caw ba nehˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.
Mehˇ nmˇ zaˬ miˬ aˬ buˇ heu gʼaˬ, Jaˇliꞈ mehˬ˗eu gʼaˇ duˬ yaw muiˬ˗ehˇ lehˬ hmˬ taˬ˗euˬ lehˇ aˬ joˆ˗ehˇ siˬ laˇ˗eu nga?
Dzaw zaˬ gʼaˬ Iˇsaˬyaˇ 41:10, 13-ahˇ aˬ joˆ˗ehˇ noeˬ˗eu lehˇ siˬ nya˗eu gʼaˇ duˬ, aˬ yawꞈ aˬ jeˬ jeˇ naˇ haˬ lahˬ˗euˬ nga?
Biˬdiˬoˬ hawˇ˗eu Jaˇliꞈ aˇ deuˆ deuˬ, dzaw zaˬ gʼaˬ˗ahˇ aˬ joˆ˗ehˇ bi gʼeh leˇ˗euˬ nga?
Gʼawˬ mya gʼaˬ ka kʼoꞈ˗eu jeˬ˗ahˇ maˬ siˬ nya˗a. Teu Miˬyehˇ neh aˬ yawꞈ maꞈ˗ahˇ biꞈ˗euˬ laꞈ sawˬ pyeuꞈ˗eu lehˇ jiˇ maˬ noeˬ˗a. (Gaˬlaˬtiˆ 2:20) Teu miˇ neh, aˬ dui aˬ yawꞈ maꞈ˗ahˇ Yeˬsuˇ neh ka kʼoꞈ nehˬ le˗euˬ jeˬ˗ahˇ jah laˇ ni ya caw ba nehˬ˗eu meh.
“Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya” lehˇ ehˇ˗eu paˇ dmˬ zmˬ˗awˇ, Yeˬsuˇ˗ahˇ nui jah ahˇ laˇ ni caw ba nehˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.
Mehˇ nmˇ zaˬ yo aˬ li teu gʼaˬ, Jaˇliꞈ mehˬ˗eu gʼaˇ duˬ yaw muiˬ˗ehˇ lehˬ hmˬ taˬ˗euˬ lehˇ aˬ joˆ˗ehˇ siˬ laˇ˗eu nga?
Mehˇ nmˇ zaˬ yo aˬ li teu gʼaˬ, dzaw zaˬ˗ahˇ caw ba˗eu gʼaˇ duˬ “Haw lahˬ” laꞈ kʼoeˇ ahˇ˗eu gaˇ kawˆ˗ahˇ aˬ joˆ˗ehˇ zmˬ˗eu nga?
Dzaw zaˬ nehˬ˗ehˇ guiˬ lahˬ shaˇ˗awˇ, aˬ yawꞈ˗euˬ gaˇ kawˆ˗ahˇ ngehˬ keuˆ˗eu heu naˇ aˬ jeˬ miˇ neh aˇ yeˇ huiˬ˗eu nga?