Nawˬ˗euˬ shaˇ dawˬ˗ahˇ dawˬ kʼoꞈ aˬ joˆ˗ehˇ biꞈ laꞈ nga lehˇ haw luꞈ ma loˇ?

Jaˇliꞈ laꞈ kʼoeˇ Yeˬhawˇbaˬ guiˬ lahˬ shaˇ dawˬ˗ahˇ naˇ haˬ˗euˬ lehˇ gaˇ kawˆ gʼawˬ mya kawˆ ahˇ˗eu meh. Yeˬhawˇbaˬ˗euˬ gaˇ mˇ zaˬ deuˬ Yeˬhawˇbaˬ aˬ yawꞈ maꞈ kʼahˬ lahˇ˗eu jeˬ dzawˇ nehˬ gaˇ naˇ haˬ nehˬ laꞈ˗awˇ, caw ba gaˇ ya mawˇ ngeh, aˬ yawꞈ maꞈ˗euˬ nui jah ziꞈ dah ni gʼeh laˇ˗eu meh. Teu miˇ neh aˬ dui guiˬ lahˬ yaw duˬ duˬ lehˇ shaˇ˗awˇ, Yeˬhawˇbaˬ aˬ dui˗euˬ shaˇ dawˬ˗ahˇ aˬ joˆ˗ehˇ naˇ haˬ nehˬ laꞈ nga lehˇ haw. Aˬ yawꞈ aˬ dui neh shaˇ˗euˬ loꞈ˗ehˇ maˬ biꞈ laꞈ˗eu kʼawꞈ pyeuꞈ nya˗awˇ, aˬ dui maˬ noeˬ doˆ coeˇ gaˇ keuˆ ni biꞈ laꞈ˗eu kʼawꞈ pyeuꞈ nya˗eu lehˇ noeˬ taˬ luꞈ˗uˇ. (2 Gawˇliˬtu 12:7-9; Eˇpeˇsu 3:20) Yeˬhawˇbaˬ aˬ dui˗euˬ shaˇ dawˬ˗ahˇ aˬ joˆ˗ehˇ naˇ haˬ nehˬ laꞈ˗eu nga?

• Aˬ dui shaˬ zahˬ˗ahˇ kamˬ daˬ coeˇ ni, nui ma gʼawˇ mawˇ hawˇ˗eu nui jah, gʼaˬ kʼaˆ ni caw ba nehˬ.—Piˇliˇpiˆ 4:13

• Yaw muiˬ˗ehˇ noeˬ tsehˆ nya ni zaˬ siˬ nui gahˇ biꞈ.—Yaˬkoˆ 1:5

• Tiˬ jeˬ na˗ahˇ mˇ mawꞈ˗eu nui ma ahˇ˗awˇ mˇ byah nya˗eu gʼaˬ biꞈ nehˬ.—Piˇliˇpiˆ 2:13

• Noeˬ shaˬ kʼahˬ lahˇ ngeh, nui ma saˇ ni caw ba.—Piˇliˇpiˆ 4:6, 7

• Aˬ dui loˬ˗eu jeˬ jaˆ˗awˇ gʼaˬ ahˇ ni mehˇ nmˇ deuˬ neh bi caw ba.—1 Yoˇhaˬ 3:17, 18

• Aˬ dui neh guiˬ lahˬ shaˇ caw nehˬ˗euˬ deuˬ˗ahˇ caw ba.—Gʼaˬkʼehˇ 12:5, 11

Yeˬhawˇbaˬ ‘Shaˇ dawˬ˗ahˇ naˇ haˬ˗eu gʼaˬ pyeuꞈ’ lehˇ ehˇ˗eu biˬdiˬoˬ˗ahˇ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Aˬ dui jawˇ saˇ maˬ doˆ˗eu baˬ da neh, Miˬyehˇ˗euˬ gaˇ˗ahˇ yaw kʼaˆ˗ehˇ maˬ paˇ mˇ nya naˇ, mehˇ nmˇ Shiˬmiˇsuiꞈ˗euˬ gaˇ kawˆ˗ahˇ neh gʼaˬ aˬ joˆ˗ehˇ za nya nga?

• Aˬ dui mehˇ nmˇ Shiˬmiˇsuiꞈ˗ahˇ neh aˬ jeˬ dzaw geuꞈ nya˗eu nga?