Loꞈ˗eu nymˇgoˇ Awˆlai Sahˬ boꞈ taˬ duˬ
Loꞈ˗eu nymˇgoˇ
Awˆlai Sahˬ boꞈ taˬ duˬ
Akha
?
  • ˆ
  • ꞈ
  • ˇ
  • ˬ
  • Jaˇliꞈ
  • Jahˇ doˆ taˬ˗euˬ jeˬ
  • Mehˬ bawˬ
  • mwb24 Shiꞈ siˬ ba la myaˆ pyawˬ 10-16
  • Yehꞈ siˬ ba la 5-11

Tseˇ taˬ˗euˬ biˬdiˬoˬ heu hmˬ maˬ ahˇ nga.

Seuˆ maˬ, biˬdiˬoˬ maˬ haw nya nga.

  • Yehꞈ siˬ ba la 5-11
  • Ka li zaˬ˗euˬ dehꞈ ziˇ hawˇ˗eu tsaꞈ gaˬ˗eu gaˇ mˇ˗eu—Bawˬ dzaˬ˗eu sahˬ boꞈ aˇ taꞈ—2024
Ka li zaˬ˗euˬ dehꞈ ziˇ hawˇ˗eu tsaꞈ gaˬ˗eu gaˇ mˇ˗eu—Bawˬ dzaˬ˗eu sahˬ boꞈ aˇ taꞈ—2024
mwb24 Shiꞈ siˬ ba la myaˆ pyawˬ 10-16

Yehꞈ siˬ ba la 5-11

Ja ceuˬ 70-72

Dawˬ caˇ 59 caˇ˗awˇ guiˬ lahˬ shaˇ | Aˇ dahˬ beh˗eu dawˬ (1 peu)

Jaˇliꞈ laꞈ kʼoeˇ˗euˬ poeˬ˗eu zaˬ siˬ nui gahˇ

1. ‘Miˬyehˇ˗euˬ baoˬ˗euˬ gaˇ kawˆ nahˬ ziˇ deuˬ˗ahˇ dzawˇ nehˬ’

(10 peu)

Daˬbiˇ zaˬ guˬ ngeh neh Yeˬhawˇbaˬ neh ngehˬ gʼeh haw piˇ nehˬ˗eu jeˬ˗ahˇ za (Ja ceuˬ 71:5; w99-SI 9/1 18 ¶17)

Daˬbiˇ aˇ kʼoꞈ kʼawˆ laˇ ngeh Yeˬhawˇbaˬ neh ngehˬ gʼeh haw piˇ nehˬ˗eu jeˬ˗ahˇ za (Ja ceuˬ 71:9; g04-SI 10/8 23 ¶3)

Daˬbiˇ zaˬ guˬ deuˬ˗ahˇ aˬ yawꞈ neh puˬ haw mawˇ haw˗euˬ jeˬ˗ahˇ ja nehˬ˗awˇ gʼaˬ biꞈ (Ja ceuˬ 71:17, 18; w14-SI 1/15 23 ¶4-5)

Nymˇ jiˇ tiˬ jiˇ dzeuˇ yaꞈ jaw˗ahˇ˗euˬ “Nymˇ jiˇ uˬ duˬ tahˬ˗eu jeˬ˗euˬ gʼaˇ duˬ nui noeˬ nui duˇ” lehˇ ehˇ˗eu kawˆ˗ahˇ zmˬ luꞈ. Aˬ yawꞈ pehˬ aˇ kʼoꞈ kʼawˆ laˇ˗euˬ miˬ sawˇ yo zaˬ tiˬ gu nehˬ˗ehˇ nymˇ jiˇ uˬ duˬ tahˬ luꞈ˗awˇ, aˬ yawꞈ nyaꞈ˗euˬ aˇ baˇ deuˬ˗ahˇ hawˇ luꞈ˗awˇ puˬ haw mawˇ haw laꞈ˗euˬ jeˬ ja nehˬ gaˇ laˬ kʼaˬ tiˬ cehˇ naˇ haˬ luꞈ.

Yawˬ ha˗ahˇ naˇ haˬ, ‘Ngaˇ nymˇ jiˇ uˬ duˬ tahˬ ngeh aˇ muˇ laꞈ kʼoeˇ˗euˬ Miˬyehˇ gaˇ mˇ myahˇ laꞈ˗euˬ mehˇ nmˇ aˬ geu gʼaˬ˗euˬ gaˇ kawˆ naˇ haˬ paˬ˗ehˇ gʼeh˗eu nga?’

2. Jaˇliꞈ laꞈ kʼoeˇ˗euˬ poeˬ˗eu zaˬ siˬ nui gahˇ˗ahˇ poˆ

(10 peu)

  • Ja ceuˬ 72:8—Aˇdahˬbeh˗eu 15:18-ahˇ Yeˬhawˇbaˬ neh Aˬbyaˬhaˬ˗ahˇ saˇ jaˇ dzaˬ˗euˬ teu Sawˇlaˬmoˬ uˆ lahˇ˗eu aˇ yamˬ˗ahˇ aˬ joˆ˗ehˇ byah laˇ˗euˬ nga? (it-1-E 768)

  • Heu jaw˗ahˇ Jaˇliꞈ gui gaˇ neh aˬ jeˬ ya siˬ deˬ?

3. Jaˇliꞈ gui˗eu

(4 peu) Ja ceuˬ 71:1-24 (th dzaw deuˆ 5)

Tsaꞈ gaˬ˗eu gaˇ˗ahˇ zmˬ iˇ˗eu jeˬ

4. Dawˬ ngehˬ cawˬ dahˬ beh˗eu

(3 peu) Iˇ kahˇ doe ni tsaꞈ gaˬ˗eu. Aˬ dui nehˬ˗ehˇ dawˬ ngehˬ cawˬ luꞈ˗eu gʼaˬ pyehˇ dzaˬ mawꞈ ngeh, yaw muiˬ paw dzeˇ ngehˬ˗awˇ naˬ leˇ. (lmd dzaw deuˆ 4 aˇ deuˆ 5)

5. Gʼa kʼoꞈ iˇ˗eu

(4 peu) Kʼaˇ yehꞈ laˇ gaˇ tsaꞈ gaˬ˗eu. Jaˇliꞈ dzaw˗eu gʼaˇ duˬ nyi naˬ nyi naˬ˗ehˇ jawˇ˗eu yuiꞈ nyiˇ nehˬ˗ehˇ dawˬ ngehˬ cawˬ daˆ leꞈ. (lmd dzaw deuˆ 8 aˇ deuˆ 4)

6. Yawˬ ha˗euˬ nui jah gaˇ kawˆ dzawˇ nehˬ˗eu

(5 peu) Dawˬ mehˬ mehˬ˗eu. ijwfq 49—Gaˇ kawˆ: Yeˬhawˇbaˬ˗euˬ Saˇ kiˇ deuˬ aˬ jeˬ miˇ neh, aˬ yawꞈ maꞈ˗euˬ jah˗eu jeˬ tiˬ jeˬ na laˆ paˇ˗eu nga? (th dzaw deuˆ 17)

Ka li zaˬ˗euˬ dehꞈ ziˇ

Dawˬ caˇ 76

7. Nymˇ jiˇ uˬ duˬ tahˬ ngeh mˇ nya˗eu jeˬ

(15 peu) Dawˬ mehˬ mehˬ˗awˇ naˇ haˬ.

Yaw beh aˬ yawꞈ pehˬ gawˬ yawꞈ yawꞈ˗awˇ dawˬ caˇ caˇ dzaw luꞈ.
Nymˇ jiˇ tiˬ jiˇ tiˬ kawˆ loꞈ˗ehˇ JW Tiˬbiˬ haw luꞈ.
Nymˇ jiˇ uˬ duˬ tahˬ luꞈ ngeh aˬ ma hawˇ zaˬ tiˬ gʼaˬ mˇ dzaw luꞈ.

Nymˇ jiˇ uˬ duˬ tahˬ˗eu aˇ yamˬ heu naˇ, zaˬ deuˬ˗ahˇ ‘Yeˬhawˇbaˬ˗euˬ zahˇ sahˇ kʼoꞈ mehˬ nehˬ tsoˆ nehˬ’˗eu aˇ yeˇ huiˬ dui dui˗eu aˇ yamˬ pyeuꞈ meh. (Eˇpeˇsu 6:4) Dzaw˗eu heu naˇ ya leh jeh dui dui˗eu meh. Ehˇ kʼawꞈ zaˬ deuˬ˗ahˇ Jaˇliꞈ˗euˬ yaw tsaˬ yaw dawˇ jeˬ˗ahˇ siˬ nya mawꞈ laˇ ni caw ba nehˬ˗eu miˇ neh leh jeh poeˬ kʼoꞈ meh. (Yoˇhaˬ 6:27; 1 Beˬtuˆluˆ 2:2) Aˬ da aˬ ma deuˬ˗ahˇ nymˇ jiˇ uˬ duˬ tahˬ jeˬ˗ahˇ gaˇ dahˇ tsoeˬ˗eu jeˬ˗ehˇ maˬ ehˇ, laˬ kʼaˬ cehˇ laˇ paˬ˗ehˇ maˬ ehˇ, jahˇ nya ni caw ba nehˬ˗eu “Nymˇ jiˇ uˬ duˬ tahˬ ngeh mˇ nya˗eu jeˬ” lehˇ ehˇ˗eu oeˬ coeˇ oeˬ bawˬ˗ahˇ haw nya meh. Kʼoeˇ naˇ heu loꞈ˗ehˇ naˇ haˬ:

  • Nymˇ jiˇ uˬ duˬ tahˬ ngeh aˬ geu jeˬ jahˇ haw mawꞈ nya?

  • Nymˇ jiˇ uˬ duˬ tahˬ ngeh jahˇ nya˗eu nui jeˬ poˆ mawˇ taˬ ma laˬ?

Nymˇ jiˇ uˬ duˬ tahˬ ngeh mˇ nya˗eu jeˬ

Jaˇliꞈ:

  • Aˬ yawꞈ jaw yawꞈ ya gui˗eu Jaˇliꞈ aˇ deuˆ deuˬ˗euˬ teˇ saˇ˗ahˇ naˇ haˬ. Maˬ ngeuˇ naˇ aˬ yawˬ gʼaˬ yawꞈ tiˬ gʼaˬ tiˬ poˆ teˇ saˇ gui doˆ

  • Aˬ yawꞈ jaw yawꞈ ya gui˗eu Jaˇliꞈ˗ahˇ dawˬ pehˬ taˬ˗awˇ, naˇ haˬ˗eu jeˬ lehˬ hmˬ. Nymˇ jiˇ laˬ kʼoeˇ˗euˬ yawˬ gʼaˬ na luꞈ tiˬ gʼaˬ tiˬ hmˬ tseˇ˗awˇ poˆ tseˇ. Kʼoeˇ naˇ yawˬ ha neh ya siˬ˗eu jeˬ˗ahˇ jawˇ nehˬ nya meh.

  • Naˇ haˬ˗eu jeˬ maˬ ngeuˇ naˇ gaˇ kawˆ tiˬ kawˆ tseˇ˗awˇ Ka li zaˬ˗euˬ dehꞈ ziˇ gʼaˇ duˬ Jaˇliꞈ aˇ deuˆ deuˬ lehˇ ehˇ˗eu paˇ dmˬ laꞈ kʼoeˇ˗euˬ maˇ diˇ zmˬ˗iˇ nya˗eu Jaˇliꞈ aˇ deuˆ deuˬ˗ahˇ poˆ tseˇ

  • Jaˇliꞈ laꞈ kʼoeˇ ahˇ˗eu gaˇ kawˆ tiˬ kawˆ˗ahˇ aˇ baˇ jahˇ mawˇ

  • Aˬ yawꞈ jaw yawꞈ seuˬ gʼaˬ aˇ taꞈ˗ahˇ Jaˇliꞈ aˇ deuˆ tiˬ deuˆ na boꞈ. Yaw jeˬ ma jeˬ Tsawˇ haˬ deuˬ˗ahˇ gaˬ—Zaˬ lahˇ bi pyeuꞈ laˇ lehˇ ehˇ˗eu boˬloˬshaˬ laꞈ kʼoeˇ ahˇ˗eu dzaw lahˬ 1 laꞈ kʼoeˇ˗euˬ Jaˇliꞈ aˇ deuˆ boꞈ˗awˇ Jaˇliꞈ teu deuˆ noeˬ taˬ˗eu leh jeh. Gʼeh nya naˇ dzeuˇ yaꞈ ngeh jaw˗euˬ Jaˇliꞈ aˇ deuˆ deuˬ˗ahˇ jiˇ paˇ haw kʼoꞈ

  • Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya lehˇ ehˇ˗eu paˇ dmˬ laꞈ kʼoeˇ˗euˬ tiˬ deuˆ na˗ahˇ pyehˆ tseˇ

  • Nymˇ jiˇ laˬ kʼoeˇ jawˇ˗eu yawˬ gʼaˬ na luꞈ˗ahˇ “Jaˇliꞈ gaˇ kawˆ naˇ haˬ˗eu” maˬ ngeuˇ naˇ “Jaˇliꞈ aˇ deuˆ dzawˇ nehˬ˗eu” lehˇ ehˇ˗eu kawˆ laꞈ kʼoeˇ˗euˬ gaˇ kawˆ tiˬ kawˆ na˗ahˇ bi poˆ tseˇ. Gaˇ kawˆ teu˗ahˇ jw.org gʼoeˇsaiˇ laꞈ kʼoeˇ˗euˬ “Jaˇliꞈ mehˬ˗eu jeˬ” lehˇ ehˇ gaˇ poˆ nya meh.

Bawˬ dzaˬ˗eu:

  • Aˇ muˇ mehˬ bawˬ laꞈ kʼoeˇ˗euˬ gaˇ kawˆ tiˬ kawˆ na˗ahˇ lehˬ hmˬ

  • Dawˬ kʼoꞈ lehˬ hmˬ˗awˇ ngehˬ haw. Aˇ yamˬ aˇ myah ga leˇ˗eu nga lehˇ haw taˬ

  • Dawˬ caˇ caˇ dzaw

  • Keuˆ laˇ˗eu mehˬ bawˬ aˇ dahˬ maˬ beh mi naˆ˗ehˇ maˬ ngeuˇ naˇ, jiˇ ngeh tiˬ gʼaˬ na˗ahˇ gʼaˬ aˬ joˆ˗ehˇ biꞈ paˬ nga lehˇ ja sawˇ˗awˇ ngehˬ haw

  • Yawˬ ha˗ahˇ dzaw zaˬ doˇ naˇ nymˇ jiˇ laꞈ kʼoeˇ˗euˬ deuˬ˗euˬ mehˬ shi jahˇ haw

Miˬyehˇ˗euˬ gaˇ mˇ ngeh:

  • Iˇ kahˇ doe ni tsaꞈ gaˬ iˇ˗eu gʼaˇ duˬ lehˬ hmˬ

  • Nui ma ahˇ˗eu deuˬ˗ahˇ gʼa kʼoꞈ˗iˇ˗eu gʼaˇ duˬ lehˬ hmˬ

  • Kʼaˇ yehꞈ laˇ gaˇ ya tsaꞈ gaˬ paˬ˗ehˇ gʼeh˗eu gaˇ kawˆ˗ahˇ shaˇ noeˬ˗awˇ aˬ yawꞈ maꞈ nehˬ˗ehˇ aˬ myah myah ngehˬ cawˬ˗eu loꞈ˗ehˇ ngehˬ cawˬ nya ni jahˇ dzaw taˬ

  • Noeˬ mawˇ˗eu mehˬ bawˬ jaˆ˗eu aˇ yamˬ˗ahˇ maˬ ehˇ, sahˬ boꞈ piˬ tehˬ˗eu aˇ yamˬ˗ahˇ maˬ ehˇ, gaˇ mˇ˗eu naˬ˗eu aˇ yamˬ˗ahˇ maˬ ehˇ, Miˬyehˇ˗euˬ gaˇ mˇ huiˬ gʼeh˗eu aˇ pyaˇ daˬ˗awˇ gaˇ kawˆ teu nehˬ˗ehˇ taꞈ leˇ˗awˇ ja sawˇ

Nymˇ jiˇ laꞈ kʼoeˇ loˬ˗eu jeˬ:

  • Nymˬ˗mˇ puˬ luꞈ˗eu gaˇ kawˆ hawˇ˗eu mehˬ hu paw ya puˬ˗eu gaˇ kawˆ˗ahˇ aˬ joˆ˗ehˇ laˆ piˇ nya˗eu lehˇ ja sawˇ. Yaw jeˬ ma jeˬ tiˬ paw tiˇ paw gʼaˬ baꞈ maˬ baꞈ˗eu, zaˬ kʼaˬ taˬ˗eu, bawˬ˗iˬ jahˇ˗eu, behˬ dzaˬ laˇ˗eu, gaˇ kawˆ heu deuˬ ja sawˇ nya meh

  • Zaˬ deuˬ˗ahˇ aˬ da aˬ ma bi geuꞈ haw. Kʼoeˇ naˇ gaˇ kawˆ tiˬ kawˆ˗ahˇ bi poˆ tseˇ˗awˇ aˬ da aˬ ma nehˬ˗ehˇ ja sawˇ

Mˇ nya˗eu nui jeˬ:

  • JW Tiˬbiˬ® haw˗awˇ ja sawˇ

  • Jw.org gʼoeˇsaiˇ laˬ kʼoeˇ ahˇ˗eu gaˇ kawˆ tiˬ kawˆ˗ahˇ gui maˬ ngeuˇ naˇ, biˬdiˬoˬ tiˬ hmˬ na haw˗awˇ ja sawˇ

  • Jw.org gʼoeˇsaiˇ laˬ kʼoeˇ ahˇ˗eu “Jaˇliꞈ mehˬ˗eu jeˬ” laꞈ kʼoeˇ˗euˬ “Zaˬ deuˬ” maˬ ngeuˇ naˇ “Zaˬ guˬ deuˬ” lehˇ ehˇ˗eu tsahˇ˗ahˇ zmˬ˗awˇ ja sawˇ

  • Tiˬ nah mehˬ bawˬ maˬ ngeuˇ naˇ smˬ nah mehˬ bawˬ˗ahˇ ya siˬ˗euˬ jeˬ˗ahˇ paˇ ja sawˇ

  • Yeˬhawˇbaˬ neh beh taˬ˗euˬ jeˬ˗ahˇ haw˗awˇ shaˇ noeˬ shaˇ sawˇ. Kʼoeˇ naˇ Yeˬhawˇbaˬ nehˬ˗ehˇ taꞈ leˇ˗awˇ aˬ jeˬ ya siˬ˗eu nga lehˇ ja sawˇ

  • Tiˬ poˆ na mehˇ nmˇ tiˬ gʼaˬ na˗ahˇ kuˇ˗awˇ aˬ yawꞈ neh puˬ haw mawˇ haw laꞈ˗euˬ jeˬ˗ahˇ naˇ haˬ haw

  • Miˬyehˇ gaˇ ma˗eu paw aˇ pyaˇ daˬ˗awˇ aˇ pyaˇ teu˗ahˇ aˬ joˆ˗ehˇ le keuˆ nya˗eu nga lehˇ ja sawˇ

  • Tiˬ jeˬ na˗ahˇ tiˬ kawˆ loꞈ˗ehˇ jahˇ haw. Yaw jeˬ ma jeˬ, tiˬ jeˬ na nehˬ˗ehˇ duˇ leˇ ni aˇ baˇ jahˇ haw˗eu, miˇ kʼahˬ aˇ baˇ boꞈ˗eu heu deuˬ jahˇ nya meh

Nymˇ jiˇ uˬ duˬ tahˬ˗eu jeˬ muiˬ daˆ laˇ ni leh jeh lehˇ ehˇ˗eu biˬdiˬoˬ pah. Kʼoeˇ naˇ heu loꞈ˗ehˇ naˇ haˬ:

  • Zaˬ deuˬ maˬ paˇ jawˇ ngeh, miˬ zaˬ gʼaˬ nymˇ jiˇ uˬ duˬ tahˬ ngeh laˬ kʼaˬ bi cehˇ˗eu gʼaˇ duˬ kʼaˬ dzeˇ zaˬ gʼaˬ aˬ jeˬ jahˇ nya˗eu nga?

8. Aˇ muˇ Jaˇliꞈ dzaw˗eu

(30 peu) w19.06 17-19 ¶11-19 hawˇ˗eu ja sawˇ poˆ˗eu

Aˇ saˬ saˬ˗eu dawˬ (3 peu) | Dawˬ caˇ 123 caˇ˗awˇ guiˬ lahˬ shaˇ

    Aˬkaˬ sahˬ boꞈ paˇ dmˬ (2013-2025)
    Doˆ iˇ˗eu
    Ahˇ leˇ˗eu
    • Akha
    • Biˇ nehˬ˗eu
    • Toeˬ taˬ˗eu
    • Copyright © 2025 Watch Tower Bible and Tract Society of Pennsylvania
    • Zmˬ nya˗eu aˇ tiˆ
    • Yawˬ ha˗euˬ gaˇ kawˆ˗ahˇ haw lahˇ nehˬ˗eu jeˬ
    • Yawˬ ha-euˬ gaˇ kawˆ-ahˇ haw lahˇ-eu g'aˇ duˬ toeˬ taˬ-eu
    • JW.ORG
    • Ahˇ leˇ˗eu
    Biˇ nehˬ˗eu