Nawˇ noeˬ taˬ nya miˇ˗a loˇ?

Nawˇ heu kʼoꞈ˗euˬ Loꞈ˗eu nymˇgoˇ˗ahˇ yaw muiˬ˗ehˇ ya gui maˬ loˇ? Naˇ haˬ˗eu jeˬ heu deuˬ˗euˬ dawˬ kʼoꞈ˗ahˇ biꞈ nya miˇ˗a laˬ lehˇ haw ma.

‘Nui ma poˆ laˆ laˆ doˆ˗awˬ’ lehˇ ehˇ˗eu heu naˇ, aˬ jeˬ˗ahˇ ehˇ mawꞈ˗eu nga? (Loˇmaˆ 12:2)

Nui ma poˆ laˆ laˆ doˆ˗awˬ lehˇ ehˇ˗eu heu naˇ, yaw muiˬ ui cuiˆ na mˇ gaˇ tehꞈ˗ehˇ ehˇ mawꞈ˗eu maˬ ngeuˇ˗a. Maˇ diˇ naˇ aˬ dui aˬ joˆ˗ehˇ gʼeh˗eu tiˬ gʼaˬ pyeuꞈ˗eu lehˇ ya pyehˇ tseˇ˗awˇ, Yeˬhawˇbaˬ˗euˬ tsaˬ˗eu dawˇ˗eu zahˇ nehˬ˗ehˇ tsaˬ leˇ ni leh jeh˗awˇ laˆ poˆ laˆ paˇ ya mˇ˗eu meh.—w23.01, myaˆ pyawˬ 8-9.

Miˇ tsaˬ kʼoeˇ taˆ pyeuꞈ laˇ˗euˬ gaˇ kawˆ˗ahˇ haw ngeh nui noeˬ yaw tsaˬ tsaˬ˗ehˇ aˬ joˆ˗ehˇ bi jaˆ nya˗eu nga?

Aˬ dui miˇ tsaˬ kʼoeˇ taˆ pyeuꞈ laˇ˗euˬ gaˇ kawˆ deuˬ Jaˇliꞈ laꞈ kʼoeˇ˗euˬ maˬ keuˆ laˇ miˇ ehˇ taˬ˗euˬ dawˬ loꞈ˗ehˇ pyeuꞈ laˇ ngaˇ laˬ lehˇ haw˗eu ma. Aˇ muˇ laꞈ kʼoeˇ bi paˆ laˇ nya˗eu tsaˬ haw˗eu jeˬ˗ahˇ mˇ ngeh to˗aˬ, aˇ maꞈ aˇ muˇ neh jahˇ doˆ nehˬ taˬ˗euˬ jeˬ˗ahˇ dawˬ pehˬ taˬ˗awˇ ja sawˇ paˬ˗ehˇ gʼeh˗eu meh. (1 Gawˇliˬtu 1:10)—w23.02, myaˆ pyawˬ 16.

Yeˬsuˇ˗euˬ iˇ cuꞈ shawˇ˗eu jeˬ hawˇ˗eu zaˬ lahˇ deuˬ˗euˬ iˇ cuꞈ shawˇ˗eu jeˬ aˬ jeˬ beu gaˇ˗eu nga?

Yeˬsuˇ naˇ Yeˬhawˇbaˬ˗ahˇ a nehˬ taˬ dzeuˇ˗euˬ tsawˇ jeuˬ laꞈ kʼoeˇ dehꞈ le˗euˬ miˇ neh Yeˬhawˇbaˬ˗ahˇ a nehˬ˗eu maˬ loˬ˗a. Yeˬsuˇ naˇ byah kuꞈ˗awˇ iˬ baˇ maˬ ahˇ˗eu miˇ neh iˬ baˇ noeˬ poˆ noeˬ paˇ˗eu maˬ loˬ˗a.—w23.03, myaˆ pyawˬ 5.

Mehˇ nmˇ nui deuˬ jiˇ dawˬ kʼoꞈ bi biꞈ˗eu gʼaˇ duˬ aˬ dui aˬ jeˬ jahˇ nya˗eu nga?

Mehˇ nmˇ nui deuˬ jiˇ dawˬ kʼoꞈ bi biꞈ˗eu gʼaˇ duˬ aˬ dui dawˬ kʼoꞈ yaw nymˇ nymˇ lehˇ ya biꞈ˗eu meh. Kʼoeˇ naˇ aˬ cawˬ deuˬ jiˇ dawˬ kʼoꞈ biꞈ˗eu bi dzeˇ˗eu gʼaˇ duˬ gʼawˬ mya tsahˇ˗ahˇ maˬ ngehˬ keuˆ ni ya gʼeh˗eu meh.—w23.04, myaˆ pyawˬ 23.

Iˇsaˬyaˇ 35:8 laꞈ kʼoeˇ ngehˬ keuˆ taˬ˗euˬ “muiˬ˗eu shawˇ˗eu gaˇ jawˬ” heu naˇ aˬ jeˬ˗ahˇ ehˇ mawꞈ˗eu nga?

Gaˇ hu ba naˇ gaˇ jawˬ heu, Yuˇdaˆ tsawˇ haˬ deuˬ Baˬbuˇloˬ meuˬ˗ahˇ neh yawˬ ha˗euˬ jawˇ kʼahˬ pyeuꞈ˗eu Yeˬluˇsaˬlehˬ meuˬ˗ahˇ gʼoꞈ˗iˇ˗eu gaˇ jawˬ˗ahˇ ehˇ mawꞈ˗eu meh. Nymˬ˗mˇ iˬ nah tawˇ neh “muiˬ˗eu shawˇ˗eu gaˇ jawˬ” heu naˇ aˬ jeˬ˗ahˇ ehˇ mawꞈ˗eu nga? 1919 kʼoꞈ keuˆ le˗eu gʼawˬ mya yaˇ kʼoꞈ ca ngeh neh, gaˇ ma heu kʼah˗ahˇ gʼawˬ mya jeˬ lehˇ lehˬ hmˬ˗euˬ meh. Yaw jeˬ ma jeˬ, dawˬ yuˇ paˇ˗awˇ, Jaˇliꞈ yaˬ doˆ˗euˬ meh. Kʼoeˇ naˇ nymˬ˗mˇ iˬ nah˗euˬ Yeˬhawˇbaˬ˗euˬ tsawˇ haˬ deuˬ “muiˬ˗eu shawˇ˗eu gaˇ jawˬ” heu˗ahˇ cah luꞈ˗eu meh. Heu naˇ aˬ yawꞈ maꞈ˗ahˇ nymˬ˗mˇ neh maˬ ehˇ, mehˬ hu paw Miˬyehˇ Miˇ kʼahˬ miˇ tsaˬ kʼoeˇ taˆ yaw muiˬ jeˬ mˇ nehˬ ngeh maˬ ehˇ, Yeˬhawˇbaˬ˗ahˇ uˬ duˬ tahˬ daˆ leꞈ ni caw ba nehˬ˗eu meh.—w23.05, myaˆ pyawˬ 15-19.

Dawˬdaˬ gaˬ naˇ yaw huiˬ 9-ahˇ sheu cehˆ taˬ˗euˬ zaˬ miˬ zaˬ nyiˬ gʼaˬ˗ahˇ zmˬ˗awˇ, aˬ dui˗ahˇ aˬ jeˬ˗euˬ gaˇ kawˆ nui noeˬ nui duˇ biꞈ˗eu nga?

Dawˬdaˬ sahˬ boꞈ laꞈ kʼoeˇ “shaꞈ dawˇ˗eu maˬ si nya˗eu zaˬ miˬ zaˬ” neh kuˇ˗euˬ jeˬ˗ahˇ ha geuꞈ˗euˬ deuˬ naˇ, “shiˇ˗eu miˇ kʼahˬ˗ahˇ” jawˇ˗eu meh lehˇ ehˇ˗eu meh. “Zaˬ siˬ tsawˇ gahˇ”˗euˬ do dah pyeuꞈ˗eu zaˬ mi zaˬ gʼaˬ kuˇ gaˇ ha geuꞈ˗eu deuˬ naˇ, dehꞈ˗eu gaˇ ma˗ahˇ sheuˬ gʼeh˗eu “zaˬ siˬ tsawˇ gahˇ mehˬ nah caw teh”˗eu jeˬ pyeuꞈ meh. (Dawˬdaˬ 9:1, 6, 13, 18)—w23.06, myaˆ pyawˬ 22-24.

Yeˬhawˇbaˬ Lawˇtaˬ˗ahˇ taˬ aw˗eu jeˬ hawˇ˗eu gaˇ kahˇ dahˇ˗eu jeˬ aˬ joˆ˗ehˇ mˇ mawˇ˗euˬ nga?

Yeˬhawˇbaˬ Lawˇtaˬ˗ahˇ Sawˇdoˬ meuˬ˗ahˇ neh cehˆ doˆ˗awˇ gawˬ jawˬ paw cehˆ gʼeh lehˇ dawˬ biꞈ˗eu meh. Ehˇ kʼawꞈ Lawˇtaˬ Zoˇlaˆ meuˬ˗ahˇ bi cehˆ˗iˇ laꞈ lehˇ shaˇ ngeh, Yeˬhawˇbaˬ Lawˇtaˬ neh shaˇ˗euˬ loꞈ˗ehˇ mˇ caw.—w23.07, myaˆ pyawˬ 21.

Kʼaˬ dzeˇ zaˬ gʼaˬ maˬ muiˬ˗eu aˇ baˇ biˬdiˬoˬ deuˬ haw luꞈ naˇ miˬ zaˬ gʼaˬ aˬ joˆ˗ehˇ jahˇ nmˇ?

Miˬ zaˬ gʼaˬ yawˬ ha˗ahˇ iˬ baˇ maˬ taˬ ni Yeˬhawˇbaˬ nehˬ˗ehˇ cawˬ cawˬ˗eu jeˬ muiˬ ni ya leh jeh˗eu uˬ taꞈ, Jaˇliꞈ laꞈ kʼoeˇ ahˇ˗eu nui ma shaˬ zahˬ mˇ˗eu miˇ neh Yeˬhawˇbaˬ˗ahˇ guiˬ lahˬ shaˇ˗awˇ gʼaˬ ahˇ laˇ˗euˬ zaˬ miˬ aˬ buˇ deuˬ˗euˬ gaˇ kawˆ˗ahˇ gui˗awˇ ya shaˇ noeˬ ya shaˇ sawˇ˗eu meh. Kʼoeˇ naˇ yawˬ ha˗euˬ kʼaˬ dzeˇ zaˬ˗ahˇ maˬ muiˬ˗eu aˇ baˇ biˬdiˬoˬ deuˬ˗ahˇ haw ni lawˬ haw laˇ gaˇ yahˇ nya ni caw ba nehˬ nya˗eu meh.—w23.08, myaˆ pyawˬ 14-17.

Aˬ dui˗euˬ nui jah gaˇ kawˆ˗ahˇ maˬ muiˬ˗eu jeˬ˗ehˇ ngehˬ laˇ ngeh, naꞈ suiˇ ni gʼoˆ shaw˗eu jeˬ heu naˇ nahˬ yu ni gʼeh nya ni caw ba nehˬ

Aˬ yawꞈ neh ngehˬ˗euˬ dawˬ, maˬ ngeuˇ naˇ naˇ haˬ˗euˬ jeˬ heu naˇ, aˬ yawꞈ aˬ joˆ˗ehˇ noeˬ˗awˇ aˬ jeˬ˗ahˇ nui ma ahˇ˗eu lehˇ bi siˬ laꞈ˗eu meh. Heu naˇ aˬ yawꞈ˗ahˇ nahˬ yu ni dawˬ kʼoꞈ biꞈ nya ni caw ba nehˬ nya˗eu meh.—w23.09, myaˆ pyawˬ 17.

Maˬliˇ gʼaˬ kʼaˆ˗eu gʼaˇ duˬ caw ba nehˬ laꞈ˗eu jeˬ˗ahˇ loˬ˗eu jeˬ˗ahˇ neh aˬ dui aˬ jeˬ ya siˬ˗eu nga?

Maˬliˇ Meˬsiˇya˗euˬ aˬ ma ya pyeuꞈ laˇ meh lehˇ ya siˬ ngeh, aˬ cawˬ˗ahˇ neh gʼaˬ yuˇ˗euˬ meh. Mˬ taˆ gʼaˬ kʼehˇ Gaˬbeˬlaˇ hawˇ˗eu Eˇliˇsaˬbehˆ Jaˇliꞈ˗ahˇ dawˬ pehˬ taˬ˗awˇ Maˬliˇ˗ahˇ gʼaˬ biꞈ˗euˬ meh. Teu loꞈ˗ehˇ duˇ ni, nui jah taꞈ˗eu mehˇ nmˇ deuˬ aˬ dui˗ahˇ gʼaˬ kʼaˆ laˇ ni caw ba nehˬ nya˗eu meh.—w23.10, myaˆ pyawˬ 15.

Yeˬhawˇbaˬ aˬ dui˗euˬ guiˬ lahˬ shaˇ dawˬ˗ahˇ dawˬ kʼoꞈ aˬ joˆ˗ehˇ biꞈ nya˗eu nga?

Yeˬhawˇbaˬ aˬ dui˗euˬ shaˇ dawˬ˗ahˇ naˇ haˬ ma lehˇ saˇ jaˇ dzaˬ taˬ˗euˬ meh. Yeˬhawˇbaˬ aˬ dui˗euˬ shaˇ dawˬ˗ahˇ naˇ haˬ ngeh aˬ yawꞈ neh noeˬ taˬ˗euˬ jeˬ˗ahˇ aˬ myah luꞈ noeˬ keuˆ˗eu meh. (Yeˬlaˬmiˇ 29:12) Shaˇ˗eu jeˬ duˇ leˇ kʼawꞈ, Yeˬhawˇbaˬ tiˬ gʼaˬ˗ahˇ tiˬ jeˬ lehˇ dawˬ kʼoꞈ biꞈ nya˗eu meh. Toˆ˗ehˇ kʼawꞈ aˬ yawꞈ aˬ dui˗ahˇ aˬ myah luꞈ caw ba nehˬ˗eu meh.—w23.11, myaˆ pyawˬ 21-22.

Loˇmaˆ 5:2 laꞈ kʼoeˇ “noeˬ tmˬ”˗eu jeˬ˗ahˇ ngehˬ keuˆ dzeuˇ˗euˬ gaˇ neh aˬ jeˬ miˇ neh yaw nyiˇ 4-ahˇ tiˬ poˆ paˇ ngehˬ laˇ˗eu nga?

Tsawˇ haˬ tiˬ gʼaˬ Jaˇliꞈ dzaw laˇ ngeh, miˇ tsaˬ Baˬlaˬdiˇsuˆ˗ahˇ mˬ maˬ maˬ byaˆ zaˇ ziˇ dehꞈ gʼeh˗eu noeˬ tmˬ˗eu jeˬ jaˆ laˇ˗euˬ meh. Ehˇ kʼawꞈ aˬ yawꞈ shaˬ zahˬ˗ahˇ ya puˬ ngeh kamˬ daˬ coeˇ˗awˇ Miˬyehˇ aˬ yawꞈ˗ahˇ nui kʼahˇ shiˇ˗eu lehˇ ya siˬ ngeh, aˬ yawꞈ˗euˬ noeˬ tmˬ˗eu jeˬ ziꞈ taꞈ˗ehˇ ziꞈ dzehˬ laˇ˗awˇ noeˬ tmˬ˗eu jeˬ teu˗ahˇ aˇ poeˬ taˬ baw dzehˬ laˇ˗eu meh.—w23.12, myaˆ pyawˬ 12-13.