Tiˬ gʼaˬ tiˇ gʼaˬ, gʼaˬ biꞈ˗eu ‘guiˬ lahˬ biꞈ taꞈ yuˇ taꞈ˗awˬ’

Aˬ dui mehˇ nmˇ deuˬ nehˬ˗ehˇ tiˬ kawˆ loꞈ˗ehˇ jawˇ ngeh, gʼaˬ za laˇ meh. Gʼaˬ biꞈ˗eu lehˇ ehˇ˗eu heu naˇ, tiˬ kawˆ loꞈ˗ehˇ jawˇ gaˇ tehꞈ˗ehˇ ehˇ˗eu maˬ ngeuˇ˗a. Jaˇliꞈ˗ahˇ aˬ dui tiˬ gʼaˬ tiˇ gʼaˬ gʼaˬ biꞈ˗eu ‘guiˬ lahˬ biꞈ taꞈ yuˇ taꞈ˗awˬ’ lehˇ ehˇ taˬ˗euˬ meh. (Loˇmaˆ 1:11, 12) Aˬ dui teu loꞈ˗ehˇ aˬ joˆ˗ehˇ jahˇ nya˗eu nga?

Aˬ dui˗euˬ dawˬ neh gʼaˬ biꞈ. Yaw jeˬ ma jeˬ, aˬ dui aˇ muˇ˗euˬ mehˬ bawˬ˗ahˇ dawˬ kʼoꞈ biꞈ ngeh, yawˬ ha˗ahˇ bi haw poeˬ˗eu jeˬ˗ehˇ maˬ ngehˬ ni Jaˇliꞈ hawˇ˗eu Yeˬhawˇbaˬ uˬ taꞈ, Miˬyehˇ˗euˬ saˇ jaˇ ziꞈ˗eu gaˇ mˇ zaˬ deuˬ˗ahˇ neh ya dzaw˗euˬ jeˬ˗ahˇ kʼaˆ kʼaˆ ni ya ngehˬ keuˆ˗eu meh. Kʼoeˇ naˇ mehˇ nmˇ deuˬ nehˬ˗ehˇ ngehˬ cawˬ ngeh, tiˬ gʼaˬ tiˇ gʼaˬ nui jah gʼaˬ kʼaˆ laˇ ni caw ba nehˬ˗eu gaˇ kawˆ deuˬ˗ahˇ ngehˬ.

Aˬ dui˗euˬ mˇ jeˬ shaˇ kawˆ neh gʼaˬ biꞈ. Yaw jeˬ ma jeˬ, nawˬ˗euˬ gʼaˇ duˬ yaw awˬ maˬ ngeuˇ kʼawꞈ, Miˬyehˇ˗euˬ gaˇ aˇ yamˬ tiˬ byah ni mˇ daˆ leꞈ˗eu lehˇ noeˬ tsehˆ gaˇ ya mawˇ ngeh, mehˇ nmˇ deuˬ gʼaˬ za˗eu meh. Kʼoeˇ naˇ nawˇ nah ga ni gaˇ mˇ˗eu miˇ neh gʼaˬ doeˇ doeˇ dui dui kʼawꞈ, naˇ gawˇ jaˆ kʼawꞈ, jawˇ nah yaw kaˬ mehˬ bawˬ˗ahˇ aˬ myah luꞈ oe gaˇ ya mawˇ ngeh, mehˇ nmˇ deuˬ gʼaˬ za˗eu meh.

Nawˬ neh ngehˬ˗euˬ jeˬ mˇ˗euˬ jeˬ˗ahˇ neh aˬ cawˬ gʼaˬ za ngaˇ laˬ? Kʼoeˇ naˇ, aˬ cawˬ nehˬ ngehˬ˗awˇ, mˇ˗euˬ jeˬ nawˬ˗ahˇ gʼaˬ bi ahˇ laˇ˗eu maˬ ngeuˇ nya loˇ?

(Taiˬ hawˇ˗eu Mam dawˬ˗ahˇ haw nya meh.)