Jaˇliꞈ laꞈ kʼoeˇ˗euˬ gaˇ kawˆ deuˬ˗ahˇ noeˬ mawˇ haw

Jaˇliꞈ laꞈ kʼoeˇ aˬ dui˗ahˇ aˇ yeˇ huiˬ˗eu jeˬ mehˬ nehˬ˗eu gaˇ hu˗euˬ gaˇ kawˆ gʼawˬ mya ni ahˇ˗eu meh. Aˬ dui gaˇ kawˆ teu deuˬ˗euˬ aˇ baˇ˗ahˇ mawˇ laˇ ni shaˇ noeˬ naˇ, gaˇ kawˆ teu˗ahˇ gʼoˆ shaw dzehˬ laˇ˗awˇ, gaˇ dahˇ jiˇ tsoeˬ dzehˬ˗eu meh. Teu loꞈ˗ehˇ aˬ joˆ˗ehˇ jahˇ nya nga lehˇ haw.

• Teˇ saˇ gui doˆ. Jaˇliꞈ gui ngeh teˇ saˇ gui doˆ˗eu heu naˇ, gaˇ kawˆ teu˗euˬ aˇ baˇ bi mawˇ shawˇ dzehˬ laˇ˗eu meh. Nymˇ jiˇ laꞈ kʼoeˇ˗euˬ deuˬ nehˬ˗ehˇ Jaˇliꞈ gui ngeh, aˬ suˇ gʼaˬ˗ahˇ aˬ geu gʼaˬ bi geuꞈ˗eu lehˇ biˇ˗awˇ gui naˇ, gaˇ kawˆ teu maˇ diˇ pyeuꞈ luꞈ˗eu loꞈ˗ehˇ mawˇ duˬ laˇ˗eu meh.

• Gaˇ kawˆ teu˗euˬ aˇ baˇ˗ahˇ noeˬ mawˇ haw. Teu gaˇ ngehˬ keuˆ taˬ˗euˬ tsawˇ haˬ deuˬ aˬ jeˬ shaˇ noeˬ luꞈ nga, aˬ yawꞈ maꞈ˗euˬ nui ma˗ahˇ aˬ joˆ˗ehˇ gʼeh luꞈ nga lehˇ noeˬ mawˇ haw. ‘Aˬ yawꞈ aˬ jeˬ miˇ neh teu loꞈ˗ehˇ ngehˬ, teu loꞈ˗ehˇ jahˇ˗euˬ nga? Ngaˇ aˬ yawꞈ˗euˬ jawˇ duˬ˗ahˇ jawˇ law nmˇ˗aˬ, aˬ joˆ˗ehˇ noeˬ nmˇ?’ lehˇ yawˬ ha˗ahˇ naˇ ha.

• Aˇ baˇ boꞈ. Nawˇ aˇ baˇ yaw muiˬ˗ehˇ maˬ boꞈ nya kʼawꞈ, Jaˇliꞈ laꞈ kʼoeˇ˗euˬ gaˇ kawˆ deuˬ˗euˬ aˇ baˇ kawˆ shaw˗ehˇ boꞈ doˆ laꞈ naˇ, aˇ baˇ noeˬ mawˇ nya dzehˬ laˇ˗awˇ, gaˇ kawˆ teu˗ahˇ jiˇ noeˬ taˬ nya dzehˬ laˇ˗eu meh.

(Taiˬ hawˇ˗eu Mam dawˬ˗ahˇ haw nya meh.)