Nawˬ˗eu nymˇ kʼahˬ laꞈ kʼoeˇ laˬ kʼaˬ cehˇ laˇ ni aˬ joˆ˗ehˇ ya jahˇ la?

Gaˬ˗eu jeˬ huiˬ dzehˬ meh. Nymˇ jiˇ laꞈ kʼoeˇ laˬ kʼaˬ bi cehˇ laˇ˗eu uˬ dzah meh. Eˇpeˇsu 5:33

Sheuˬ dahˬ dzaˬ˗eu jeˬ˗ahˇ Miˬ yehˇ neh jahˇ tsaˬ taˬ˗eu aˬ joˆ˗ehˇ jaˆ la? Aˬ li deuˬ miˬ zaˬ tiˬ gʼaˬ tehꞈ˗ehˇ ya sheuˬ meh. Aˬ buˇ deuˬ kʼawꞈ Kʼaˬ dzeˇ zaˬ tiˬ gʼaˬ tehꞈ˗ehˇ ya yuˇ˗eu meh.

Kʼaˬ dzeˇ zaˬ deuˬ miˬ zaˬ˗ahˇ gaˬ naˇ ya gʼoˆ shaw meh. Nui ma nahˬ yu ni aˬ yawꞈ˗ahˇ ya laˆ saˆ˗eu meh.

Miˬ zaˬ deuˬ kʼawꞈ kʼaˬ dzeˇ zaˬ˗ahˇ ya caw ba meh.

Zaˬ deuˬ aˬ ma aˬ da dawˬ˗ahˇ ya naˇ haˬ meh.

Nui ma yaw muiˬ yaw tsaˬ yaw dawˇ tsawˇ haˬ pyeuꞈ˗awˬ maˬ tsaˬ maˬ dawˇ˗eu nui ma yaw doeˇ tsawˇ haˬ taˬ pyeuꞈ. Gawˇlawˇsehˇ 3:5, 8-10

Jaˇ liꞈ laꞈ kʼoeˇ ehˇ˗eu kʼaˬ dzeˇ zaˬ yawˬ ha mawˇ do˗ahˇ gaˬ˗eu loꞈ˗ehˇ yawˬ ha˗eu miˬ zaˬ˗ahˇ ya gaˬ meh. Miˬ zaˬ deuˬ kʼawꞈ yawˬ ha˗eu kʼaˬ dzeˇ zaˬ˗ahˇ yaw zeu ya baw meh.

Yawˬ ha˗eu miˬ zaˬ nehꞈ˗ehˇ maˬ ngeuˇ˗eu aˬ cawˬ nehꞈ˗ehˇ yuꞈ taꞈ naˇ mˇ bahˬ˗eu meh. Miˬ zaˬ gʼawˬ mya gʼaˬ kʼaˬ dzeˇ zaˬ gʼawˬ mya gʼaˬ jawˇ˗eu kʼawꞈ mˇ bahˬ˗eu meh.

Yeˬhawˇbaˬ nymˇ jiˇ laꞈ kʼoeˇ laˬ kʼaˬ bi cehˇ laˇ˗eu gaˇ kʼawˆ mehˬ nehˬ˗eu meh.