Dzaw deuˆ 14

Aˇ yeˇ huiˬ˗eu tsahˇ˗ahˇ yaw kʼaˆ˗ehˇ ngehˬ keuˆ

Heˬbyehˇ 8:1

Aˇ yeˇ huiˬ˗eu jeˬ: Naˇ haˬ luꞈ˗eu deuˬ˗ahˇ aˬ dui dawˬ mehˬ mehˬ˗eu gaˇ kawˆ˗ahˇ nui ma ahˇ ni caw ba nehˬ˗awˇ, aˇ yeˇ huiˬ˗eu tsahˇ deuˬ aˇ pyaˇ daˬ taˬ˗euˬ jeˬ hawˇ˗eu gaˇ kawˆ uˬ dzah nehˬ˗ehˇ aˬ joˆ˗ehˇ taꞈ nga lehˇ siˬ leˇ ni maˇ jawˆ ni dzawˇ nehˬ.

Mˇ paˬ˗ehˇ gʼeh˗eu jeˬ:

Aˇ pyaˇ daˬ taˬ. Aˬ dui mehˬ˗eu heu naˇ, naˇ haˬ luꞈ˗eu deuˬ˗ahˇ mehˬ˗eu gʼaˇ duˬ de laˬ, bi jah laˇ˗eu gʼaˇ duˬ de laˬ, laˆ noeˬ nehˬ˗eu gʼaˇ duˬ de laˬ lehˇ shaˇ noeˬ˗awˇ, mehˬ˗eu gaˇ kawˆ aˇ pyaˇ kʼaˇ daˬ taˬ˗euˬ loꞈ˗ehˇ lehˬ hmˬ. Aˇ yeˇ huiˬ˗eu tsahˇ dawˬ tawˆ luꞈ aˇ pyaˇ daˬ taˬ˗euˬ jeˬ nehˬ˗ehˇ bi taꞈ.

‘Naˇ haˇ luꞈ˗eu deuˬ aˬ joˆ˗ehˇ noeˬ˗eu nga? Aˬ yawꞈ maꞈ˗ahˇ maˬ shaw˗eu, nui ma maˬ tsaˬ˗eu aˬ jeˬ nga?’ lehˇ yawˬ ha˗ahˇ naˇ haˬ. Kʼoeˇ naˇ, aˬ yawꞈ maꞈ aˬ dui mehˬ˗eu gaˇ kawˆ˗ahˇ nui ma ahˇ ni maˬ ehˇ, gʼoˆ shaw˗awˇ ha geuꞈ ni maˬ ehˇ, aˇ yeˇ huiˬ˗eu tsahˇ aˬ yawꞈ tsahˇ yawꞈ bi jaˆ.
Uˬ dzah˗ahˇ ngehˬ keuˆ. Dawˬ mehˬ mehˬ ngeh, uˬ dzah laꞈ kʼoeˇ˗euˬ dawˬ maˬ ngeuˇ naˇ, teu nehˬ˗ehˇ dawˬ tsuiꞈ duˇ leˇ˗eu dawˬ nui deuˬ˗ahˇ yaw kʼaˆ˗ehˇ ngehˬ keuˆ.
Aˇ yeˇ huiˬ˗eu tsahˇ˗ahˇ yaw awˬ yaw shaw shaw lehˇ bi gʼeh. Uˬ dzah nehˬ˗ehˇ taꞈ˗awˇ, aˇ yamˬ laꞈ kʼoeˇ mehˬ jiˇ nya˗eu aˇ yeˇ huiˬ˗eu tsahˇ˗ahˇ tehꞈ˗ehˇ tseˇ. Aˇ yeˇ huiˬ˗eu tsahˇ gʼawˬ mya tsahˇ taˬ bi jaˆ. Aˬ yawꞈ tsahˇ yawꞈ maˇ jawˆ ni ngehˬ. Aˇ yeˇ huiˬ˗eu tsahˇ dawˬ tawˆ luꞈ bi tsoꞈ tsaꞈ.

Naˇ haˬ luꞈ˗eu deuˬ aˬ dui mehˬ˗eu gaˇ kawˆ˗ahˇ nui ma bi ahˇ˗eu gʼaˇ duˬ, mehˬ dahˬ beh ngeh neh aˇ yeˇ huiˬ˗eu tsahˇ deuˬ˗ahˇ ngehˬ keuˆ nya˗awˇ, bi noeˬ taˬ nya ni caw ba nehˬ˗eu gʼaˇ duˬ, aˇ saˬ saˬ˗eu dawˬ˗ahˇ tiˬ poˆ paˇ ngehˬ keuˆ nya.