Aˬ cawˬ˗ahˇ nui ma ahˇ

Yeˬsuˇ aˬ jeˬ jahˇ˗euˬ nga?

Biˬdiˬoˬ: Yeˬsuˇ hawˇ˗eu lah duˬ˗ahˇ˗euˬ zaˬ miˬ aˬ buˇ

1. Biˬdiˬoˬ˗ahˇ haw, maˬ ngeuˇ naˇ Yoˇhaˬ 4:6-9-ahˇ gui. Jiˇ naˇ, naˇ haˬ˗eu jeˬ heu deuˬ˗ahˇ shaˇ noeˬ:

1. Yeˬsuˇ zaˬ miˬ aˬ buˇ teu g’aˬ nehˬ˗ehˇ dawˬ maˬ ngehˬ cawˬ mi naˆ˗ehˇ aˬ jeˬ˗ahˇ haw˗euˬ nga?

2. Yeˬsuˇ “Ngaˬ˗ahˇ iˇ cuꞈ ui cuiˆ bi dawˇ laꞈ sheˇ” lehˇ ehˇ˗eu meh. Heu naˇ aˬ jeˬ miˇ neh muiˬ˗eu ngehˬ cawˬ dahˬ beh˗eu jeˬ pyeuꞈ nga?

Yeˬsuˇ˗ahˇ neh aˬ jeˬ ya siˬ˗eu nga?

2. Aˬ dui aˬ cawˬ nui ma ahˇ˗eu gaˇ kawˆ˗ahˇ neh ngehˬ dahˬ beh naˇ, aˬ yawꞈ maꞈ nehˬ˗ehˇ dawˬ ngehˬ cawˬ˗eu awˬ dzehˬ meh.

Yeˬsuˇ˗ahˇ dzaw geuꞈ

3. Laˆ poˆ laˆ paˇ mˇ. Yawˬ ha neh lehˬ hmˬ leꞈ˗euˬ gaˇ kawˆ tehꞈ˗ehˇ ngehˬ˗eu taˬ leh jeh. Aˬ cawˬ nui ma ahˇ˗eu gaˇ kawˆ˗ahˇ neh ngehˬ dahˬ beh. Yawˬ ha˗ahˇ heu loꞈ˗ehˇ naˇ haˬ:

1. ‘Nymˬ˗mˇ heu kaˬ˗ahˇ aˬ jeˬ gaˇ kawˆ pyeuꞈ luꞈ˗eu nga?’

2. ‘Nymˇ kaˬ taꞈ˗eu deuˬ, gaˇ mˇ cawˬ deuˬ, sahˬ boꞈ dzaw cawˬ deuˬ aˬ jeˬ gaˇ kawˆ ja luꞈ˗eu nga?’

4. Yaw muiˬ˗ehˇ haw. Yawˬ ha˗ahˇ heu loꞈ˗ehˇ naˇ haˬ:

1. ‘Nymˬ˗mˇ aˬ yawꞈ aˬ jeˬ jahˇ luꞈ˗eu nga? Aˬ jeˬ shaˇ noeˬ luꞈ˗eu nga?’

2. ‘Aˬ yawꞈ˗euˬ dm g’aˬ dm lmˇ, aˇ g’ehˇ, iˇ kahˇ˗ahˇ lehˬ hmˬ laˆ saˆ taˬ˗euˬ jeˬ heu naˇ, aˬ yawꞈ˗euˬ jah˗eu jeˬ hawˇ˗eu zahˇ sahˇ k’oꞈ dehꞈ jeˬ dehꞈ kawˆ nehˬ˗ehˇ taꞈ leˇ˗awˇ aˬ jeˬ bi siˬ laꞈ˗eu nga?’

3. ‘Dawˬ ngehˬ cawˬ paˬ˗ehˇ g’eh˗eu aˇ yamˬ pyeuꞈ ngaˇ˗a laˬ?’

5. Naˇ haˬ.

1. Dawˬ aˇ dzehˬ˗ehˇ taˬ ngehˬ myaˬ.

2. Aˬ yawˇ yawꞈ bi ngehˬ doˆ leꞈ. Yehꞈ laˇ naˇ, naˇ haˬ˗eu jeˬ zmˬ.