Yaw awˬ awˬ˗ehˇ mehˬ

Yeˬsuˇ aˬ jeˬ jahˇ˗euˬ nga?

Biˬdiˬoˬ: Yeˬsuˇ Yeˬhawˇbaˬ aˬ dui˗ahˇ kʼahˬ lahˇ˗eu jeˬ mˇ mawˇ nehˬ

1. Biˬdiˬoˬ˗ahˇ haw, maˬ ngeuˇ naˇ Maꞈtehˬ 6:25-27-ahˇ gui. Jiˇ naˇ, naˇ haˬ˗eu jeˬ heu deuˬ˗ahˇ shaˇ noeˬ:

1. Yeˬhawˇbaˬ aˬ dui˗ahˇ kʼahˬ lahˇ˗eu lehˇ Yeˬsuˇ aˬ joˆ˗ehˇ mˇ mawˇ˗euˬ nga?

2. Yeˬsuˇ aˇ jiˇ˗euˬ gaˇ kawˆ nehˬ˗ehˇ taꞈ leˇ˗awˇ gʼawˬ mya jeˬ siˬ nya kʼawꞈ, yaw awˬ awˬ lehˇ gʼeh˗eu aˬ geu jeˬ˗ahˇ zmˬ˗euˬ nga? Teu naˇ aˬ jeˬ miˇ neh muiˬ˗eu mehˬ˗eu jeˬ pyeuꞈ nga?

Yeˬsuˇ˗ahˇ neh aˬ jeˬ ya siˬ˗eu nga?

2. Aˬ dui yaw awˬ awˬ˗ehˇ mehˬ naˇ, tsawˇ haˬ deuˬ noeˬ taˬ nya dzehˬ˗awˇ, aˬ yawꞈ maꞈ˗euˬ nui ma˗ahˇ jiˇ zaw leˇ dzehˬ˗eu meh.

Yeˬsuˇ˗ahˇ dzaw geuꞈ

3. Dawˬ aˇ dzehˬ˗ehˇ taˬ ngehˬ myaˬ. Aˬ dui mehˬ luꞈ˗eu teu kawˆ nehˬ˗ehˇ taꞈ leˇ˗awˇ, aˬ dui neh kʼaˇ siˬ nya taˬ˗euˬ jeˬ ngehˬ ngehˬ˗ehˇ maˬ jawˇ ni, sahˬ boꞈ paˇ dmˬ˗ahˇ ehˇ taˬ˗euˬ jeˬ˗ahˇ ya haw tsoˆ taˬ˗eu meh. Tiˬ jeˬ na, naˇ haˬ gʼaˬ˗euˬ naˇ dzaw zaˬ dawˬ kʼoꞈ biꞈ gaˇ nui ma gʼawˬ mahˇ ni taˬ˗awˇ dawˬ. Aˬ yawꞈ dawˬ kʼoꞈ maˬ biꞈ nya naˇ, biꞈ lehˬ˗euˬ naˇ, aˬ jeˬ˗ahˇ ehˇ mawꞈ˗eu nga lehˇ siˬ leˇ ni yawˬ jeˬ yawˬ naˇ haˬ lahˬ paˬ˗ehˇ gʼeh˗eu meh. Dzaw zaˬ gʼaˬ aˇ yeˇ huiˬ˗eu tsahˇ˗ahˇ gʼoˆ shawˬ˗euˬ naˇ, le tawꞈ kʼawꞈ gʼaˬ˗aˇ.

4. Dzaw zaˬ˗ahˇ aˬ yawꞈ neh ya siˬ dzeuˇ taˬ˗euˬ jeˬ hawˇ˗eu yaw shuiꞈ teu aˬ joˆ˗ehˇ taꞈ˗eu lehˇ siˬ nya ni caw ba nehˬ. Yaw jeˬ ma jeˬ, aˬ dui gʼoꞈ dehꞈ laˇ˗eu gaˇ kawˆ˗ahˇ maˬ dzaw leˇ mi naˆ˗ehˇ, shiˇ˗euˬ tsawˇ haˬ nehˬ˗ehˇ taꞈ leˇ˗awˇ aˬ jeˬ siˬ nya taˬ˗euˬ nga lehˇ naˇ haˬ paˬ˗ehˇ gʼeh˗eu meh.

5. Yaw jeˬ ma jeˬ gaˇ kawˆ˗ahˇ yaw muiˬ muiˬ˗ehˇ zmˬ. Yaw jeˬ ma jeˬ teu˗ahˇ maˬ zmˬ mi naˆ˗ehˇ yawˬ ha˗ahˇ heu loꞈ˗ehˇ naˇ haˬ:

1. ‘Yaw jeˬ ma jeˬ heu hmˬ gʼoˆ shaw˗eu yaw awˬ ngaˇ˗a laˬ?’

2. ‘Ngaˬ˗euˬ dzaw zaˬ yaw jeˬ ma jeˬ heu˗ahˇ gʼoˆ shaw nya ngaˇ˗a laˬ?’

3. ‘Yaw jeˬ ma jeˬ heu naˇ dzaw zaˬ˗ahˇ aˇ yeˇ huiˬ˗eu tsahˇ˗ahˇ noeˬ taˬ nya ni caw ba nehˬ nya ngaˇ˗a laˬ? Maˬ ngeuˇ naˇ yaw jeˬ ma jeˬ heu˗ahˇ tehꞈ˗ehˇ noeˬ taˬ nya nga laˬ?’