Ka li zaˬ˗euˬ dehꞈ ziˇ
Miˬyehˇ˗euˬ gaˇ mˇ paw bym laˇ Tsaꞈ gaˬ duˬ˗ahˇ jawˇ˗eu yawˬ gʼaˬ na luꞈ nehˬ˗ehˇ ngehˬ cawˬ
Aˬ jeˬ miˇ neh aˇ yeˇ huiˬ nga?: Tsawˇ jeuˬ tsawˇ ca dawˬ tawˆ luꞈ laꞈ kʼoeˇ jawˇ˗eu deuˬ, laꞈ kʼaˬ cehˇ˗eu guiˬ lahˬ dawˬ˗ahˇ ha geuꞈ laˇ meh lehˇ Zaˬkaˬliˇ gaˇ hu neh ehˇ taˬ˗euˬ meh. (Zaˬ 8:23) Ehˇ kʼawꞈ, aˬ yawꞈ maꞈ˗ahˇ aˬ suˇ mehˬ nmˇ? (Maˆ 10:13-15) Aˬ dui aˬ duiˬ˗euˬ tsaꞈ gaˬ duˬ˗ahˇ jawˇ˗eu yawˬ gʼaˬ na luꞈ˗ahˇ guiˬ lahˬ dawˬ tsaꞈ gaˬ˗eu gaˇ jaˆ˗eu meh.—od˗E 84 ¶10-11.
Jahˇ paˬ˗ehˇ gʼeh˗eu jeˬ:
Lehˬ hmˬ. Nawˇ˗euˬ tsaꞈ gaˬ duˬ˗ahˇ yawˬ jeˬ yawˬ˗euˬ dawˬ ngehˬ˗eu tsawˇ haˬ jawˇ ngaˇ loˇ? Nawˇ yawˬ awˬ awˬ lehˇ ehˇ mawˇ nehˬ nya˗eu gʼaˇ duˬ, JW Lehˇgoiꞈ˗ahˇ zmˬ nya meh. Maˬ ngeuˇ naˇ, jw.org gʼoeˇsaiˇ laꞈ kʼoeˇ aˬ yawꞈ maꞈ˗euˬ dawˬ˗ahˇ aˬ joˆ˗ehˇ haw iˇ nya nga lehˇ jiˇ naˬ gaˬ neh dzawˇ nehˬ nya meh
Yaw muiˬ˗ehˇ haw. Iˇ kahˇ doe ni tsaꞈ gaˬ iˇ ngeh, gaˇ ma˗ahˇ iˇ tsehˆ laˇ tsehˆ˗eu deuˬ hawˇ˗eu lawˬ li laꞈ kʼoeˇ dawˬ luꞈ˗eu deuˬ˗ahˇ jiˇ ngehˬ cawˬ. Nawˇ tsawˇ haˬ uiˬ gaˇ tsaꞈ gaˬ ngeh, nawˬ neh tsaꞈ gaˬ˗eu lehˇ noeˬ taˬ˗euˬ jeˬ˗ahˇ haw tsoˆ taˬ
Leh jeh. Iˇ kahˇ˗ahˇ maˬ jawˇ˗eu deuˬ˗ahˇ gʼa kʼoꞈ iˇ˗eu leh jeh daˆ leꞈ. Yawˬ nymˇ na luꞈ˗ahˇ jawˇ˗eu tiˬ gʼaˬ na nehˬ˗ehˇ ngehˬ cawˬ˗eu ni leh jeh. Aˇ yamˬ maˬ ngeuˇ naˇ aˇ nah laˆ paˇ. Aˬ dui nymˇ sahˇ deuˬ nehˬ˗ehˇ ngehˬ cawˬ˗eu gʼaˇ duˬ, sahˬ boꞈ paw neh maˬ ehˇ, naˬ gaˬ paw neh maˬ ehˇ, gaˇ ma˗ahˇ tsaꞈ gaˬ ngeh maˬ ehˇ ngehˬ cawˬ nya meh
Gʼa kʼoꞈ iˇ. Nui ma ahˇ˗eu deuˬ˗ahˇ yaw kawˇ˗ehˇ gʼa kʼoꞈ iˇ. Nui ma ahˇ˗eu gʼaˬ yawˬ jeˬ yawˬ˗euˬ dawˬ ngehˬ naˇ, aˬ yawꞈ˗euˬ dawˬ siˬ nya˗eu mehˇ nmˇ neh bi caw ba. Aˬ yawꞈ˗euˬ dawˬ siˬ nya˗eu mehˇ nmˇ nehˬ˗ehˇ maˬ ya mawˇ˗euˬ yaw kaˬ˗ahˇ, nawˇ gʼa kʼoꞈ iˇ tawˬ—od˗E 94 ¶39-40
“Mˬ dzeˇ miˇ dzeˇ keuˆ ni” tsaꞈ gaˬ lehˇ ehˇ˗eu biˬdiˬoˬ˗ahˇ haw gʼaˬ naˇ, naˇ haˬ˗eu jeˬ heu deuˬ˗ahˇ ja sawˇ:
Gaˇ mahˇ kaˬ gaˇ jawˇ˗eu deuˬ˗ahˇ ngehˬ cawˬ˗eu gʼaˇ duˬ, mehˇ nmˇ deuˬ aˬ joˆ˗ehˇ lehˬ hmˬ nga? (1Gawˇ 9:22, 23)
Aˬ yawꞈ maꞈ aˬ jeˬ jeˇ gaˇ kawˆ˗ahˇ ya tahˬ puˬ˗euˬ nga?
Aˬ yawˬ maꞈ aˬ jeˬ jeˇ guiˬ lahˬ za˗euˬ nga?
Nawˬ˗euˬ tsaꞈ gaˬ duˬ˗ahˇ, tsawˇ haˬ deuˬ˗ahˇ teu naˆ maˬ tseˇ mawˇ nya ni, aˬ joˆ˗ehˇ jahˇ nya nga?