Maˬ bi cawˆ˗iˇ

Yeˬsuˇ zahˬ leˇ paˬ˗ehˇ gʼeh˗eu jeˬ jahˇ˗awˇ zaˬ miˬ aˬ buˇ hawˇ˗eu zaˬ deuˬ˗ahˇ maˬ sawˇ ni, zaˬ yo aˬ li 5,000 gʼaˬ˗ahˇ bi dzaˬ bi dawˇ gʼaˬ ngeh, “Kʼaˇ dzehˬ laˇ˗euˬ dawˬ tawˆ luꞈ tiˬ pawꞈ˗iˬ maˬ bi cawˆ˗iˇ ni gʼoˆ uiˬ jiˇ˗awˬ” lehˇ gʼaˬ kʼehˇ deuˬ˗ahˇ ehˇ nehˬ˗euˬ meh. (Yoˇ 6:12) Yeˬsuˇ Yeˬhawˇbaˬ neh biꞈ˗euˬ jeˬ˗ahˇ aˇ poeˬ taˬ baw˗awˇ maˬ bi cawˆ iˇ˗aˬ.

Nymˬ˗mˇ iˬ nah, Uˆ lahˇ˗eu aˇ muˇ Yeˬsuˇ˗ahˇ dzaw geuꞈ˗eu meh. Aˬ yawꞈ maꞈ mehˇ nmˇ deuˬ neh damˬ˗euˬ pyuˇ˗ahˇ yaw muiˬ˗ehˇ zmˬ˗eu meh. Yaw jeˬ ma jeˬ, Niˬ˗yuˬ Yawˇ gahˬ kaˬ, Gʼawˇgʼoiꞈ meuˬ˗ahˇ saˇ naˇ dawˬ pehˬ hmˬ tsoˆ ngeh, pyuˇ maˇ diˇ gaˇ dahˇ tsoeˬ gaˇ zmˬ˗eu gʼaˇ duˬ, aˬ joˆ˗ehˇ tsoˆ˗eu lehˇ yaw muiˬ˗ehˇ shaˇ noeˬ˗euˬ meh.

Aˬ dui laꞈ oˆ jaˆ˗eu gaˇ kawˆ heu deuˬ nehˬ˗ehˇ taꞈ leˇ˗awˇ, maˬ bi cawˆ iˇ ni aˬ joˆ˗ehˇ jahˇ nya˗eu nga?

• 

  Ka li zaˬ bawˬ dzaˬ gaˇ jawˇ ngeh

• 

  boꞈ doˆ jahˇ doˆ taˬ˗euˬ jeˬ yawˬ ha gʼaˇ duˬ yuˇ ngeh (km˗E 5/09 3 ¶4)

• 

  boꞈ doˆ jahˇ doˆ taˬ˗euˬ jeˬ tsaˬ gaˬ iˇ˗eu gʼaˇ duˬ yuˇ ngeh (mwb17.02 4 ¶1)

• 

  aˬ dui tsaꞈ gaˬ iˇ ngeh (mwb17.02 4 ¶2, oeˬ coeˇ oeˬ bawˬ)