Miˬyehˇ˗euˬ gaˇ mˇ paw bym laˇ—Maˬ huiˬ maˬ mahˇ laˇ˗eu Jaˇliꞈ dzaw zaˬ˗ahˇ byehˇ dzeh

Aˬ jeˬ miˇ neh aˇ yeˇ huiˬ˗eu nga?: Tsawˇ haˬ deuˬ ya buˬ ya law˗iˇ˗eu gʼaˇ duˬ, Yeˬhawˇbaˬ˗euˬ tsawˇ myahˇ˗ahˇ kuˇ˗awˇ laꞈ jeuˬ ya shaˇ˗eu meh. (Maˆ 10:13, 14) Ehˇ kʼawꞈ, Jaˇliꞈ kʼaˇ dzaw laˇ˗eu deuˬ Yeˬhawˇbaˬ˗euˬ zahˇ dawˬ˗ahˇ dehꞈ caw mawꞈ˗eu maˬ ngeuˇ˗a. Aˬ dui Miˬyehˇ nui kʼahˇ shiˇ ni maˇ diˇ dehꞈ poˆ dehꞈ paˇ mawꞈ˗eu deuˬ˗ahˇ caw ba˗eu heu neh, aˇ yamˬ gaˇ dahˇ tsoeˬ gaˇ zmˬ˗eu ma. Jaˇliꞈ dzaw zaˬ deuˬ tiˬ kʼehˬ dzaw myahˇ laꞈ˗euˬ kʼawꞈ maˬ huiˬ maˬ mahˇ laˇ naˇ, aˬ dui aˬ yawꞈ˗ahˇ maˬ paˇ mehˬ ni, Yeˬhawˇbaˬ neh aˬ yawꞈ hawˇ˗eu aˬ yawꞈ˗euˬ aˇ maꞈ aˇ muˇ˗ahˇ sheuˬ ahˇ laꞈ˗euˬ deuˬ˗ahˇ mehˬ iˇ naˇ muiˬ dzehˬ meh. (Yoˇ 6:44) Ehˇ kʼawꞈ, tiˬ nah aˬ yawꞈ maꞈ noeˬ poˆ noeˬ paˇ˗awˇ, “mˬ maˬ maˬ byaˆ zaˇ ziˇ dehꞈ˗eu jeˬ za”˗eu yaw tsaˬ yaw dawˇ˗ahˇ ha geuꞈ˗eu lehˇ mˇ mawˇ naˇ, aˬ dui jiˇ aˬ yawꞈ maꞈ˗ahˇ paˇ mehˬ kʼoꞈ iˇ˗eu ma.—Kʼehˇ 13:48.

Jahˇ paˬ˗ehˇ gʼeh˗eu jeˬ:

• Yaw tsaˬ yaw dawˇ jeˬ dzaw mawꞈ˗eu dzaw zaˬ˗ahˇ ja ceuˬ nehˬ.—1 Tiˆ 2:4

• Ya siˬ˗euˬ jeˬ˗ahˇ mˇ caw˗eu heu naˇ, aˇ yeˇ huiˬ˗eu lehˇ tiˬ kʼehˬ maˬ kaˬ ehˇ nehˬ.—Luˇ 6:46-49

• Aˬ yawꞈ˗ahˇ Yeˬsuˇ neh ja˗euˬ shiˬ yoeˬ sehˬ˗eu gaˇ kawˆ ja nehˬ˗awˇ, nawˬ˗ahˇ maˬ bi huiˬ maˬ bi mahˇ laˇ ni laˆ tsoeˬ˗eu aˬ geu jeˬ nya lehˇ nahˬ yu ni naˇ haˬ.—Tehˬ 13:18-23

• Nawˇ aˬ yawꞈ˗ahˇ aˬ jeˬ miˇ neh maˬ paˇ mehˬ˗eu lehˇ gʼawˬ shaˬ gaˬ˗eu laꞈ kʼoeˇ dzawˇ nehˬ

• Nawˬ˗ahˇ tiˬ poˆ na gʼaˬ biꞈ laˇ ma lehˇ ehˇ nehˬ˗awˇ, tiˬ nah nawˇ huiˬ laˇ mahˇ laˇ naˇ paˇ mehˬ laˇ ma lehˇ ehˇ nehˬ

Biˬdiˬoˬ haw gʼaˬ naˇ, laꞈ oˆ jaˆ˗eu naˇ haˬ˗eu jeˬ heu deuˬ˗ahˇ dawˬ kʼoꞈ biꞈ:

• Heu gaˇ haw ngeh, Jaˇliꞈ dzaw zaˬ maˬ huiˬ maˬ mahˇ laˇ nga lehˇ bi siˬ laꞈ˗eu aˬ geu jeˬ nga?

• Mehˬ˗eu gʼaˬ dzaw zaˬ˗ahˇ ya dehꞈ poˆ ya dehꞈ paˇ˗eu lehˇ siˬ leˇ ni aˬ joˆ˗ehˇ caw ba nehˬ˗euˬ nga?

• Mehˬ˗eu gʼaˬ Jaˇliꞈ dzaw zaˬ˗ahˇ, tiˬ nah aˬ yawꞈ paˇ dzaw kʼoꞈ laˇ nya meh siˬ lehˇ aˬ joˆ˗ehˇ ehˇ nehˬ˗euˬ nga?