Miˬyehˇ mehˬ nehˬ laꞈ˗eu jeˬ˗ahˇ ha geuꞈ

Aˬ jeˬ miˇ neh aˇ yeˇ huiˬ˗eu nga? Huiˬ dui dui˗eu saˬ laˬ Yeˬhawˇbaˬ aˬ dui˗ahˇ kʼaˇ muiˬ dzehˬ˗eu jeˬ mehˬ nehˬ laꞈ˗eu meh. Aˬ yawꞈ aˬ dui˗euˬ dehꞈ ziˇ muiˬ daˆ laˇ ni aˬ joˆ˗ehˇ ya jahˇ˗eu lehˇ mehˬ nehˬ˗awˇ, mehˬ hu paw yaw muiˬ˗ehˇ dehꞈ nya˗eu gʼaˇ duˬ aˬ joˆ˗ehˇ ya jahˇ˗eu lehˇ jiˇ mehˬ nehˬ laꞈ˗eu meh. Heu dawˬ tawˆ luꞈ pyuˇ maˬ jiˇ ni yawꞈ ngehꞈ˗ehˇ dzaw nya meh. (Yaˇ 11:6-9; 30:20, 21; Pah 22:17) Kʼoeˇ naˇ Yeˬhawˇbaˬ dehꞈ ziˇ˗ahˇ bi buˬ bi law iˇ˗eu dawˬ kawˬ aˬ joˆ˗ehˇ tsaꞈ gaˬ˗eu lehˇ jiˇ aˬ dui˗ahˇ mehˬ nehˬ laꞈ˗eu meh.—2 Gawˇ 3:5.

Jahˇ paˬ˗ehˇ gʼeh˗eu jeˬ:

• Nui nahˬ nui yu ahˇ ni leh jeh.—Ceuˬ 25:8, 9

• Nymˬ˗mˇ nawˇ gm leˇ nya˗eu dzaw nehˬ laꞈ˗eu jeˬ˗ahˇ ha geuꞈ. Yaw jeˬ ma jeˬ, jawˇ nah dzeuˇ tiˬ nah˗ahˇ neh ngaˬ nah yaw kaˬ˗euˬ mehˬ bawˬ˗ahˇ dzaw zaˬ geuꞈ

• Nui jah bi huiˬ bi mahˇ laˇ˗eu gʼaˇ duˬ, aˇ pyaˇ daˬ taˬ.—Piˆ 3:13

• Dzaw nehˬ laꞈ˗eu jeˬ˗ahˇ heu naˆ maˬ tseˇ za nya˗eu gʼaˇ duˬ, tiˬ jeˬ na byehˇ dzeh.—Piˆ 3:8

Miˬyehˇ neh mehˬ nehˬ laꞈ˗eu jeˬ guiˬ lahˬ gʼawˬ mya ni biꞈ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ:

• Miˬyehˇ Miˇkʼahˬ gaˇ kawˆ tsaꞈ gaˬ˗eu Dzaw nymˇ˗ahˇ le˗eu gʼaˇ duˬ, mehˇ nmˇ tiˬ deuˬ na aˬ jeˬ˗euˬ shaˬ zahˬ˗ahˇ ya gʼaˬ leˇ˗euˬ nga?

• Dzaw nymˇ heu aˬ jeˬ jeˇ gaˇ kawˆ dzaw nehˬ laꞈ˗eu nga?

• Dzaw nymˇ heu˗ahˇ neh dzaw jiˇ˗eu mehˇ nmˇ deuˬ tsaꞈ gaˬ duˬ yaw shuiꞈ˗ahˇ jawˇ ngeh, aˬ dui aˬ joˆ˗ehˇ caw ba nehˬ nya˗eu nga?

• Dzaw nymˇ heu˗ahˇ le nya˗eu gʼaˇ duˬ, aˬ joˇ joˆ˗ehˇ ya gʼeh nga? (kr˗SI 189)

• Yeˬhawˇbaˬ˗euˬ aˇ maꞈ aˇ muˇ laꞈ kʼoeˇ nawˇ dzaw leˇ nya˗eu aˬ jeˬ jeˇ paˇ jaˆ nga siˬ?