Nui ma yaw oeˇ lehˆ dzeh˗awˇ, nui ma yaw shuiꞈ dm paˇ

3:5-14

Nawˇ yaw tsaˬ yaw dawˇ˗ahˇ siˬ nya laˇ ngeh, yaw myaˬ jeˬ ya laˆ paˇ maˬ laˬ? Aˬ dui neh leh jeh˗euˬ jeˬ˗ahˇ Yeˬhawˇbaˬ nui kʼahˇ shiˇ meh lehˇ jah nya meh. (Yeˬsaˬgeˬlaˇ 33:11) Ehˇ kʼawꞈ, nui ma yaw oeˇ maˬ bi gʼoꞈ kʼoꞈ laˇ˗eu gʼaˇ duˬ, aˬ dui ya leh jeh daˆ leꞈ˗awˇ, aˬ myah luꞈ nui ma yaw shuiꞈ ya laˆ paˇ daˆ leꞈ˗eu meh. Aˬ dui nui ma yaw shuiꞈ beˬ paˇ˗eu gʼaˇ duˬ, aˬ jeˬ jeˇ ya jahˇ˗eu nga lehˇ laꞈ oˆ jaˆ˗eu naˇ haˬ˗eu jeˬ heu deuˬ˗euˬ dawˬ kʼoꞈ˗ahˇ shaˇ noeˬ haw.

• Ngaˬ˗ahˇ yehˬ bawˬ sehˇ lu˗ehˇ jahˇ laˇ˗euˬ deuˬ˗ahˇ, ngaˇ nui ma pehˇ luꞈ nya siˬ loˇ?

• Ngaˇ aˬ tehˬ tehˬ ngeh maˬ ehˇ, gʼaˬ doeˇ doeˇ ngeh maˬ ehˇ, oˇ oꞈ miˇ˗a laˬ?

• Ngaˇ dehꞈ bahˬ mawꞈ˗eu nui noeˬ ahˇ laˇ ngeh, taˆ lehˇ laˆ byoˆ miˇ˗a laˬ?

• Ngaˇ yawˬ ha nehˬ˗ehˇ tsawˇ jeuˬ tsawˇ ca hawˇ˗eu dawˬ maˬ duˇ leˇ˗eu deuˬ˗ahˇ nui ma baw miˇ˗a laˬ?

• Maˬ myah laˇ˗euˬ heu kaˬ˗ahˇ, ngaˇ aˬ cawˬ˗ahˇ nui ma pehˇ˗awˇ maˬ muiˬ˗eu dawˬ ngehˬ nyaˬ laˬ?