Yeˬhawˇbaˬ˗ahˇ gaˬ˗eu deuˬ nehˬ˗ehˇ cawˬ cawˬ

Aˬ dui Yeˬhawˇbaˬ˗ahˇ gaˬ˗eu deuˬ nehˬ˗ehˇ aˬ jeˬ miˇ neh cawˬ ya cawˬ˗eu nga? Aˬ jeˬ miˇ neh ehˇ naˇ, aˬ dui nehˬ˗ehˇ cawˬ cawˬ˗eu deuˬ aˬ dui˗ahˇ muiˬ˗eu jeˬ hawˇ˗eu maˬ muiˬ˗eu jeˬ bi keuˆ le nya˗eu miˇ neh meh. (Dawˬdaˬ 13:20) Sahˬ paˬ Yawˇshaˆ, Piˇma Yeˬhawˇyaˬdaˬ nehˬ˗ehˇ cawˬ cawˬ ngeh, “Sahˬpaˬ Miˬyehˇ nui ma tsaˬ˗eu jeˬ tehꞈ˗ehˇ aˬ yawꞈ mˇ˗euˬ meh.” (2 Laˬsaˬbaˬ 24:2) Ehˇ kʼawꞈ Yeˬhawˇyaˬdaˬ shiˇ˗euˬ taꞈ naˇ, Yawˇshaˆ maˬ muiˬ˗eu deuˬ nehˬ˗ehˇ cawˬ˗eu miˇ neh, Yeˬhawˇbaˬ Miˬyehˇ˗ahˇ byehˇ dzeh˗euˬ meh.—2 Laˬsaˬbaˬ 24:17-19.

Dahˬ beh˗euˬ Ka li zaˬ deuˬ˗euˬ saˇ ka˗ahˇ, gʼaˬ kʼehˇ Pawˇluˆ Ka li zaˬ aˇ muˇ deuˬ˗ahˇ “nymˇ nymˇ ma” nehˬ˗ehˇ sheu cehˆ taˬ˗awˇ, aˇ muˇ laꞈ kʼoeˇ˗euˬ mehˇ nmˇ deuˬ˗ahˇ naˇ, “kʼmˬ maˬ oeˬ tsaꞈ” maˬ ngeuˇ naˇ, iˇ kahˇ laꞈ kʼoeˇ˗euˬ myawˬ gahˬ nehˬ˗ehˇ sheu cehˆ taˬ˗euˬ meh. Aˬ dui laꞈ nyiˇ paw jawˇ˗eu deuˬ nehˬ˗ehˇ maˬ ehˇ, Yeˬhawˇbaˬ˗euˬ dawˬ˗ahˇ maˬ naˇ haˬ˗eu aˇ muˇ laꞈ kʼoeˇ hawˇ˗eu nymˇ jiˇ laꞈ kʼoeˇ˗euˬ deuˬ nehˬ˗ehˇ maˬ ehˇ, yaw gʼoeˇ gʼoeˇ lehˇ maˬ cawˬ ni yahˇ naˇ, aˬ dui aˬ myah luꞈ ‘huiˬ˗eu gaˇ gʼaˇ duˬ zmˬ˗eu’ jeˬ pyeuꞈ nya meh. (2 Tiˆmoˇseˬ 2:20, 21) Teu miˇ neh aˬ dui Yeˬhawˇbaˬ˗ahˇ gaˬ˗awˇ, Yeˬhawˇbaˬ˗euˬ gaˇ mˇ lehˇ gʼaˬ biꞈ˗eu deuˬ nehˬ˗ehˇ ya cawˬ˗eu meh.

Maˬ muiˬ˗eu deuˬ˗ahˇ yahˇ dzaw taˬ lehˇ ehˇ˗eu biˬdiˬoˬ haw gʼaˬ naˇ, laꞈ oˆ jaˆ˗eu naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Aˬ dui maˬ noeˬ gaˇ maˬ muiˬ˗eu deuˬ nehˬ˗ehˇ cawˬ aˬ joˆ˗ehˇ cawˬ nya˗eu nga?

• Biˬdiˬoˬ heu laꞈ kʼoeˇ˗euˬ mehˇ nmˇ heu smˇ gʼaˬ˗ahˇ, maˬ muiˬ˗eu deuˬ nehˬ˗ehˇ cawˬ maˬ paˇ cawˬ ni caw ba nehˬ˗eu aˬ jeˬ nga?

• Nawˇ cawˬ yaw gahˇ gahˇ˗ehˇ tseˇ nya ni, nawˬ˗ahˇ caw ba nehˬ˗eu Jaˇliꞈ zahˇ aˬ geu nga?