Nawˇ Miˬyehˇ˗euˬ dawˬ˗ahˇ aˇ poeˬ aˇ naˆ ni taˬ baw le?

Jaˇliꞈ˗ahˇ Yeˬhawˇbaˬ˗euˬ nui noeˬ hawˇ˗eu dawˬ deuˬ ahˇ meh. Miˬyehˇ˗aˬ, muiˬ˗eu shawˇ˗eu paˇ dmˬ noeˬ doˆ˗euˬ gʼaˬ pyeuˬ meh. (2 Beˬtuˆluˆ 1:20, 21) Jaˇliꞈ˗aˬ Miˬyehˇ Miˇkʼahˬ mˇ pyeuꞈ˗eu lehˇ gʼeh˗eu, dawˬ tawˆ kʼoeˇ taˆ uˆ lahˇ˗eu Miˬyehˇ˗euˬ baoˬ gaˇ kawˆ˗ahˇ yaw kʼaˆ˗ehˇ ngehˬ keuˆ taˬ˗euˬ meh. Gaˇ kawˆ heu gʼawˬ myahˇ maˬ gʼeh˗ehˇ aˬ dui˗euˬ dehꞈ ziˇ muiˬ daˆ laˇ meh lehˇ, tsawˇ haˬ zaˬ˗ahˇ noeˬ˗eu tmˬ jeˬ biꞈ˗eu meh. Jaˇliꞈ laꞈ kʼoeˇ aˬ dui˗euˬ mˬ taˆ Aˬda Yeˬhawˇbaˬ˗euˬ sheuˆ zeuꞈ aˇ gʼehˇ deuˬ˗ahˇ jiˇ ehˇ nehˬ taˬ˗euˬ meh.—Ja ceuˬ 86:15.

Aˬ dui Yeˬhawˇbaˬ˗euˬ dawˬ˗ahˇ aˇ poeˬ taˬ baw˗eu maˬ duˇ leˇ kʼawꞈ, yawˬ nah na luꞈ Jaˇliꞈ gui˗awˇ dehꞈ ziˇ laꞈ kʼoeˇ zmˬ iˇ˗eu heu neh, laˬ sawˬ heu˗ahˇ aˇ poeˬ taˬ baw ma loˇ? Aˬ dui˗euˬ mˇ jeˬ shaˇ kawˆ neh “Nawˬ˗euˬ zahˇ dawˬ kʼoꞈ dawˬ˗ahˇ ngaˇ aˇ naˆ ni gaˬ˗eu nga” lehˇ ehˇ˗eu Ja ceuˬ sahˬ boꞈ boꞈ˗eu gʼaˬ loꞈ˗ehˇ noeˬ luꞈ˗uˇ.—Ja ceuˬ 119:97.

Aˬ yawꞈ maꞈ Jaˇliꞈ˗ahˇ aˇ poeˬ taˬ baw—Gʼoeˇliˬ˗amˬ Tiˇdeˬ˗oˬ˗euˬ gaˇ kawˆ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Gʼoeˇliˬ˗amˬ Tiˇdeˬ˗oˬ, aˬ jeˬ miˇ neh Jaˇliꞈ˗ahˇ dawˬ yuˇ paˇ˗euˬ nga?

• Aˬ yawꞈ Jaˇliꞈ dawˬ yuˇ paˇ˗eu gʼaˇ duˬ leh jeh˗eu heu, aˬ dui˗ahˇ aˬ jeˬ miˇ neh nui ma ahˇ laˇ paˬ˗ehˇ gʼeh˗eu nga?

• Tiˇdeˬ˗oˬ neh dawˬ yuˇ paˇ˗euˬ Jaˇliꞈ, Eˬgaˬlamˬ miˇ kʼahˬ˗ahˇ aˬ joˆ˗ehˇ yuˇ yaꞈ ahˇ leꞈ˗euˬ nga?

• Aˬ dui Miˬyehˇ˗euˬ dawˬ kawˬ˗ahˇ aˇ poeˬ aˬ joˆ˗ehˇ taˬ baw nya˗eu nga?