Aˬ dui ngehˬ jeˬ ngehˬ kawˆ˗ahˇ aˬ joˆ˗ehˇ zmˬ paˬ˗ehˇ gʼeh˗eu nga?

2018 kʼoꞈ Tiˬ siˬ ba la˗ahˇ neh naˇ, aˬ dui tsaꞈ gaˬ gaˇ hawˇ˗eu gʼa kʼoꞈ iˇ˗eu gʼaˇ duˬ Ka li zaˬ˗euˬ dehꞈ ziˇ hawˇ˗eu tsaꞈ gaˬ˗eu gaˇ mˇ˗eu—Bawˬ dzaˬ˗eu sahˬ boꞈ aˇ taꞈ˗ahˇ ngehˬ jeˬ ngehˬ kawˆ ahˇ˗eu meh. Aˬ dui ngehˬ jeˬ ngehˬ kawˆ˗ahˇ aˬ joˆ˗ehˇ zmˬ paˬ˗ehˇ gʼeh˗eu nga?

Dzaw zaˬ ya geuꞈ ngeh: Aˬ dui ngehˬ jeˬ ngehˬ kawˆ laꞈ kʼoeˇ ahˇ˗eu naˇ haˬ˗eu jeˬ maˬ ehˇ, Jaˇliꞈ aˇ deuˆ maˬ ehˇ, naˇ haˬ taˬ yaꞈ˗eu jeˬ maˬ ehˇ heu deuˬ˗ahˇ zmˬ paˬ˗ehˇ gʼeh˗eu meh. Ehˇ kʼawꞈ nawˇ biˬdiˬoˬ laꞈ kʼoeˇ ahˇ˗eu dawˬ yaw dawˬ na luꞈ˗ahˇ ya ngehˬ caw˗a lehˇ ehˇ mawꞈ˗eu maˬ ngeuˇ˗aˬ. Nawˇ yawˬ jeˬ yawˬ˗ahˇ maˬ ehˇ, aˇ dahˬ beh˗eu yawˬ jeˬ yawˬ˗ahˇ maˬ ehˇ, ja sawˇ˗eu yawˬ jeˬ yawˬ˗ahˇ maˬ ehˇ, yawˬ jeˬ yawˬ lehˇ jiˇ laˆ paˇ nya˗eu meh. Kʼoeˇ naˇ dzawˬ zaˬ ya geuꞈ ngeh nui noeˬ nui duˇ maˬ biꞈ taˬ˗euˬ kʼawꞈ, Mehˬ˗eu Keu ka bawˬ keuˆ laꞈ kʼoeˇ ahˇ˗eu jahˇ doˆ taˬ˗euˬ heu deuˬ˗ahˇ jiˇ ehˇ mawˇ nehˬ nya˗eu meh.

Tsaꞈ gaˬ ngeh: Ngehˬ jeˬ ngehˬ kawˆ heu aˬ dui ngehˬ nya paˬ˗ehˇ jahˇ doˆ taˬ˗euˬ jeˬ pyeuꞈ meh. Nawˬ neh tsaꞈ gaˬ˗eu gʼaˬ nui maˬ ahˇ˗awˇ teu naˆ maˬ tseˇ siˬ nya mawꞈ naˇ, gʼa kʼoꞈ iˇ˗eu ngehˬ jeˬ ngehˬ kawˆ heu zmˬ˗awˇ neh jiˇ ngehˬ cawˬ daˆ leꞈ nya˗eu meh. Nawˇ ngehˬ jeˬ ngehˬ kawˆ heu laˆ paˇ nya˗awˇ, gaˇ kawˆ yawˬ deuˬ yawˬ jiˇ ngehˬ paˇ nya meh. Dzeuˇ laꞈ ngeh siˬ˗ahˇ˗euˬ ngehˬ jeˬ ngehˬ kawˆ maˬ ngeuˇ naˇ Jaˇliꞈ aˇ deuˆ yawˬ deuˆ yawˬ nawˬ˗euˬ tsaꞈ gaˬ duˬ˗ahˇ jawˇ˗eu tsawˇ haˬ deuˬ˗ahˇ tsaˬ dzehˬ leˇ ngaˇ laˬ? Tsaꞈ gaˬ duˬ˗ahˇ jawˇ˗eu tsawˇ haˬ dawˬ gaˬ maˬ ngeuˇ naˇ gaˇ dzeˇ gaˇ taw pyeuꞈ laˇ˗eu gaˇ kawˆ teu deuˬ˗ahˇ siˬ nya mawꞈ˗eu nui ma ahˇ ngaˇ laˬ? Nawˇ ngehˬ jeˬ ngehˬ kawˆ˗ahˇ ngehˬ caw˗awˇ ngehˬ jeˬ ngehˬ kawˆ˗ahˇ laˆ paˇ˗eu kʼawꞈ, nawˇ ‘Laˬ kʼaˬ cehˇ˗eu Guiˬ lahˬ dawˬ gʼaˇ duˬ ngaˇ mˇ˗euˬ ma’ lehˇ aˇ pyaˇ daˬ paˬ˗ehˇ gʼeh˗eu meh.—1 Gawˇliˬtu 9:22, 23.