Baˬsaˬkaˬ Bawˬ˗iˬ Ka li zaˬ deuˬ˗euˬ gʼaˇ duˬ aˇ yeˇ huiˬ

12:5-7, 12, 13, 24-27

Iˇsaˬleˬlaˆ deuˬ keuˆ le˗eu kʼehˬ˗eu kʼaˆ˗eu tseˇ jeˬ aˬ yawꞈ jeˬ˗ahˇ maˬ ya daˬ˗eu gʼaˇ duˬ, aˬ yawꞈ maꞈ Yeˬhawˇbaˬ neh kʼaˇ ehˇ˗euˬ loꞈ˗ehˇ mˇ caw˗eu heu naˇ aˇ yeˇ huiˬ˗eu meh. (Doˆ˗iˇ˗eu 12:28) Niˬsaˬ ba la 14 ngeh nah miˇ, nymˇ jiˇ laꞈ kʼoeˇ˗euˬ deuˬ yawˬ gʼaˬ na luꞈ yawˬ ha˗euˬ nymˇ˗ahˇ ya uiˬ laˇ taˬ˗eu meh. Kʼoeˇ naˇ tiˬ kʼoꞈ byah laˇ˗euˬ yaw loˆ loˆ lehˇ gʼeh˗eu yawˇ zaˬ, maˬ ngeuˇ naˇ ciꞈ myehꞈ aˬ buˬ ya sehꞈ˗awˇ, shiˬ laˇ gʼoˆ bahˬ hawˇ˗eu, laˇ gʼoˆ˗euˬ kʼoeˇ taˆ paw jaˆ˗eu pyaꞈ dmˬ˗ahˇ ya lehꞈ iˇ˗eu uˬ taꞈ, yawˇ zaˬ maˬ ngeuˇ naˇ ciꞈ myehꞈ ciꞈ zaˬ mawˇ lah ni ba˗awˇ kawˇ ma˗ehˇ ya dzaˬ jiˇ˗eu meh. Uˬ shawˬ uˬ bya maˬ bya laˇ˗euˬ kʼoeˇ keuˆ ni, tiˬ gʼaˬ˗iˬ nymˇ laꞈ nyiˇ paw maˬ ya iˇ doˆ˗a.—Doˆ˗iˇ˗eu 12:9-11, 22.

Nymˬ˗mˇ iˬ nah aˬ dui˗ahˇ haw piˇ nehˬ˗eu, yaw duˬ duˬ lehˇ ehˇ nehˬ taˬ˗euˬ aˬ jeˬ jeˇ gaˇ kawˆ jaˆ˗eu nga?