Ka li zaˬ˗euˬ dehꞈ ziˇ
Aˇ saˬ saˬ˗eu yamˬ keuˆ le luꞈ ngeh kʼaˬ duˬ ni gʼeh
Aˬ jeˬ miˇ neh aˇ yeˇ huiˬ˗eu nga? Gʼawˬ myahˇ maˬ gʼeh˗ehˇ aˬ dui tiˬ jawˇ˗iˬ maˬ puˬ haw˗euˬ guˆ laˇ paˬ˗ehˇ gʼeh˗eu gaˇ kawˆ pyeuꞈ laˇ˗eu meh. Heu naˇ aˬ dui˗euˬ nui kʼaˬ hawˇ˗eu Yeˬhawˇbaˬ˗ahˇ nui ma taˬ˗eu jeˬ˗ahˇ jiˇ lawˬ haw laˇ˗eu meh. Huiˬ dui dui˗eu shaˬ zahˬ heu, zahˇ kʼawꞈ deuˬ˗ahˇ laˆ cawˆ˗awˇ dahˬ beh laˇ˗eu meh. (Maꞈtehˬ 24:21; Pah mehˬ˗eu 17:16, 17) Suˬ saˬ dui dui˗eu aˇ yamˬ heu˗ahˇ, aˬ dui kʼaˆ dui dui˗eu yaˇ kʼaˬ daˇ˗eu gaˇ kawˆ ya tsaꞈ gaˬ˗eu kʼawꞈ pyeuꞈ nya meh. (Pah mehˬ˗eu 16:21) Gawˇgaˆ Maˬgawˇgaˆ˗euˬ guiˇ maꞈ aˬ dui˗ahˇ deuˆ laˇ˗eu meh. (Yeˬsaˬgeˬlaˇ 38:10-12, 14-16) Ehˇ kʼawꞈ, Yeˬhawˇbaˬ “Baoˬ huiˬ˗eu Miˬyehˇ˗euˬ Aˇ nah˗ahˇ guiˇ deuˆ˗eu” heu neh, aˬ yawꞈ maꞈ˗ahˇ laˆ cawˆ˗eu meh. (Pah mehˬ˗eu 16:14, 16) Teu miˇ neh mehˬ hu paw pyeuꞈ laˇ˗eu gaˇ kawˆ˗ahˇ kamˬ daˬ nya˗eu gʼaˇ duˬ, aˬ dui˗euˬ nui jah˗ahˇ lawˬ haw laˇ ngeh nymˬ˗mˇ neh kʼaˬ duˬ ni ya gʼeh˗eu meh.
Mˇ paˬ˗ehˇ gʼeh˗eu jeˬ
Yeˬhawˇbaˬ˗euˬ tsaˬ˗eu dawˇ˗eu zahˇ˗ahˇ kʼaˬ duˬ ni mˇ caw.—Iˇsaˬyaˇ 5:20
Mehˇ nmˇ deuˬ nehˬ˗ehˇ aˬ myah luꞈ Yeˬhawˇbaˇ˗ahˇ uˬ duˬ tahˬ daˆ leꞈ.—Heˬbyehˇ 10:24, 25
Yeˬhawˇbaˬ˗euˬ aˇ maꞈ aˇ muˇ neh sheuˬ gʼeh˗eu gaˇ naˇ haˬ˗awˇ taˆ lehˇ mˇ caw.—Heˬbyehˇ 13:17
Yeˬhawˇbaˬ aˬ yawꞈ˗euˬ zaˬ lahˇ deuˬ˗ahˇ gaˇ hu ba aˬ joˆ˗ehˇ caw ba haw˗euˬ nga lehˇ shaˇ noeˬ haw.—2 Beˬtuˆluˆ 2:9
Yeˬhawˇbaˬ˗ahˇ guiˬ lahˬ shaˇ˗awˇ aˬ yawꞈ˗ahˇ nui ma taˬ.—Ja ceuˬ 112:7, 8
Nui kʼaˬ loˬ˗eu mehˬ hu paw pyeuꞈ laˇ˗eu gaˇ kawˆ lehˇ ehˇ˗eu yaw nymˇ nymˇ lehˇ gʼeh˗eu biˬdiˬoˬ˗ahˇ haw gʼaˬ naˇ, laꞈ oˆ jaˆ˗eu naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.
Aˇ muˇ naˬ leˇ˗awˇ yawˬ muˇ yawˬ nehˬ˗ehˇ ya uiˬ leˇ ngeh, mehˇ nmˇ deuˬ ehˇ dawˬ naˇ haˬ˗eu jeˬ˗ahˇ lawˬ haw laˇ gaˇ aˬ joˆ˗ehˇ ya daˬ˗euˬ nga?
Ehˇ dawˬ naˇ haˬ˗eu heu, aˬ dui˗ahˇ kʼaˬ duˬ ni aˬ joˆ˗ehˇ bi gʼeh laˇ˗eu nga?
Aˬmaˬgeˬdoˬ oe ngeh, aˬ dui aˬ jeˬ miˇ neh kʼaˬ duˬ ni ya gʼeh˗eu nga?
Mehˬ hu paw pyeuꞈ laˇ˗eu gaˇ kawˆ˗ahˇ aˬ dui nui kʼaˬ ahˇ nya˗eu gʼaˇ duˬ, nymˬ˗mˇ neh ya lehˬ hmˬ
Yeˬhawˇbaˬ aˬ dui˗ahˇ caw ba meh lehˇ aˬ dui jah ziꞈ nya ni, Jaˇliꞈ laꞈ kʼoeˇ aˬ jeˬ jeˇ˗euˬ gaˇ kawˆ ahˇ nga?—2 Laˬsaˬbaˬ 20:1-24