Nymˇ jiˇ laꞈ kʼoeˇ gaˬ˗eu jeˬ mˇ mawˇ

Nui gaˬ naˇ nymˇ jiˇ deuˬ gʼoeˇ leˇ nya ni dehˬ myahˬ˗eu iˇ niˬ loꞈ˗ehˇ duˇ˗eu meh. Nymˇ jiˇ laꞈ kʼoeˇ nui gaˬ maˬ ahˇ naˇ, tiˬ shiˬ tiˬ shaˬ tehꞈ˗ehˇ maˬ gʼeh˗eu uˬ taꞈ, mehˬ bawˬ jiˇ maˬ gm˗a. Kʼaˬ dzeˇ zaˬ, zaˬ miˬ zaˬ hawˇ˗eu aˬ da aˬ ma deuˬ, nymˇ jiˇ laꞈ kʼoeˇ nui gaˬ aˬ joˆ˗ehˇ mˇ mawˇ nya˗eu nga?

Nui gaˬ ahˇ˗eu kʼaˬ dzeˇ zaˬ deuˬ naˇ, zaˬ miˬ zaˬ˗euˬ nui noeˬ, nui ma hawˇ˗eu aˬ yawꞈ geuꞈ mawꞈ˗eu jeˬ˗ahˇ noeˬ keuˆ nehˬ˗eu meh. (Eˇpeˇsu 5:28, 29) Aˬ yawꞈ gʼawˇ mawˇ paw maˬ ehˇ, nui jah paw maˬ ehˇ, loˬ˗eu jeˬ lehˬ hmˬ˗eu uˬ taꞈ, nymˇ jiˇ uˬ duˬ tahˬ˗eu jeˬ jiˇ aˬ myah luꞈ bi jaˆ˗eu meh. (1 Tiˆmoˇseˬ 5:8) Nui gaˬ ahˇ˗eu zaˬ miˬ zaˬ naˇ, kʼaˬ dzeˇ zaˬ˗euˬ uˬ moˆ jawˇ˗eu uˬ taꞈ, “kʼaˬ dzeˇ zaˬ˗ahˇ yaw zeu ya baw˗eu meh.” (Eˇpeˇsu 5:22, 33; 1 Beˬtuˆluˆ 3:1-6) Kʼaˬ dzeˇ zaˬ hawˇ˗eu zaˬ miˬ zaˬ tiˬ gʼaˬ tiˇ gʼaˬ iˬ baˇ ya pyehˬ˗eu meh. (Eˇpeˇsu 4:32) Nui gaˬ ahˇ˗eu aˬ da aˬ ma deuˬ zaˬ yawˬ gʼaˬ na luꞈ˗ahˇ yaw muiˬ˗ehˇ ngehˬ gʼeh˗awˇ, aˬ yawꞈ maꞈ Yeˬhawˇbaˬ˗ahˇ gaˬ ni jiˇ mehˬ˗eu meh. (Dawˬmehˬmehˬ˗eu 6:6, 7; Eˇpeˇsu 6:4) Zaˬ deuˬ dzaw nymˇ˗ahˇ aˬ jeˬ jeˇ˗euˬ gaˇ kawˆ ya tahˬ puˬ˗eu nga? Cawˬ deuˬ neh bi ka tiˇ ngeh aˬ yawꞈ aˬ joˆ˗ehˇ jahˇ˗eu nga? Nymˇ jiˇ laꞈ kʼoeˇ tiˬ gʼaˬ tiˇ gʼaˬ gaˬ naˇ, yawˬ gʼaˬ na luꞈ lmˇ boˬ ni gʼeh˗eu meh.

Aˬ myah luꞈ nymˇ jiˇ laꞈ kʼoeˇ nui gaˬ mˇ mawˇ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Nui gaˬ ahˇ˗eu kʼaˬ dzeˇ zaˬ deuˬ zaˬ miˬ zaˬ˗ahˇ aˬ joˆ˗ehˇ ngehˬ gʼeh˗eu nga?

• 

  Nui gaˬ ahˇ˗eu zaˬ miˬ zaˬ deuˬ kʼaˬ dzeˇ zaˬ˗ahˇ yaw zeu aˬ joˆ˗ehˇ baw nya˗eu nga?

• 

  Nui gaˬ ahˇ˗eu aˬ da aˬ ma deuˬ, zaˬ deuˬ˗ahˇ Miˬyehˇ˗euˬ dawˬ˗ahˇ gaˬ ni aˬ joˆ˗ehˇ caw ba nya˗eu nga?