Aˬ piˬ deuˬ˗ahˇ yawˬ ha˗euˬ aˬ ma loꞈ˗ehˇ sawˇ˗awˇ, aˬ buˇ zaˬ guˬ deuˬ˗ahˇ yawˬ ha˗euˬ dmˇ ma loꞈ˗ehˇ sawˇ

Jaˇliꞈ laꞈ kʼoeˇ aˇ kʼoꞈ kʼawˆ laˇ˗euˬ mehˇ nmˇ deuˬ˗ahˇ yawˬ ha˗euˬ aˬ da aˬ ma loꞈ˗ehˇ sawˇ˗awˇ aˇ kʼoꞈ maˬ kʼawˆ laˇ˗euˬ mehˇ nmˇ deuˬ˗ahˇ jiˇ yawˬ ha˗euˬ mehˇ nmˇ loꞈ˗ehˇ sawˇ lehˇ ehˇ˗eu meh. (1 Tiˆmoˇseˬ 5:1, 2-ahˇ gui.) Mehˇ nmˇ zaˬ yo aˬ li ngehˬ˗ehˇ dzehˬ mehˇ nmˇ zaˬ miˬ aˬ buˇ deuˬ˗ahˇ yaw zeu ya baw˗eu meh.

Mehˇ nmˇ zaˬ yo aˬ li deuˬ mehˇ nmˇ zaˬ miˬ aˬ buˇ deuˬ˗ahˇ nui ma maˬ saˇ ni aˇ dzehˬ˗ehˇ ngehˬ niˇ gʼa paˬ˗ehˇ maˬ gʼeh˗a. (Yawˇbaˆ 31:1) Maˬ sheuˬ dahˬ dzaˬ˗euˬ mehˇ nmˇ zaˬ yo aˬ li deuˬ, maˬ sheuˬ dahˬ dzaˬ˗euˬ mehˇ nmˇ zaˬ miˬ aˬ buˇ deuˬ˗ahˇ aˇ dzehˬ˗ehˇ maˬ ya ngehˬ niˇ gʼa˗a.

Aˇ muˇ˗ahˇ sheuˬ gʼeh˗eu deuˬ mehˇ nmˇ zaˬ miˬ aˇ buˇ deuˬ nui noeˬ nui duˇ shaˇ laˇ˗awˇ yawˬ ha shaˬ˗eu gaˇ kawˆ ja nehˬ laˇ ngeh, gʼawˬ shaˬ gaˬ nehˬ paˬ˗ehˇ gʼeh˗eu meh. Aˬ yawꞈ maꞈ˗ahˇ haw piˇ nehˬ˗eu deuˬ maˬ jawˇ˗eu miˬ coeˬ miˬ ma deuˬ˗ahˇ ngehˬ˗ehˇ dzehˬ, yaw kʼaˆ˗ehˇ ngehˬ gʼeh nehˬ paˬ˗ehˇ gʼeh˗eu meh.—Luˇta 2:8, 9.

Miˬyehˇ˗euˬ gaˇ mˇ zaˬ deuˬ˗ahˇ aˬ myah luꞈ nui gaˬ mˇ mawˇ—Miˬ coeˬ miˬ ma hawˇ˗eu muˇ coeˬ aˬ nmˇ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Aˇ muˇ laꞈ kʼoeˇ jawˇ˗eu mehˇ nmˇ deuˬ mehˇ nmˇ Suˬsuˬ Miˇ˗ahˇ nui gaˬ aˬ joˆ˗ehˇ mˇ mawˇ˗euˬ nga?

• 

  Pu laꞈ kʼoeˇ jawˇ˗eu deuˬ mehˇ nmˇ deuˬ˗euˬ nui gaˬ˗ahˇ ya mawˇ ngeh, aˬ yawꞈ maꞈ˗ahˇ aˬ joˆ˗ehˇ gʼeh leˇ˗euˬ nga?

• 

  Mehˇ nmˇ deuˬ˗euˬ nui gaˬ mehˇ nmˇ Suˬsuˬ Miˇ˗euˬ aˬ buˇ˗ahˇ aˬ joˆ˗ehˇ bi gʼeh leˇ˗euˬ nga?

Nawˇ aˇ muˇ laꞈ kʼoeˇ jawˇ˗eu mehˇ nmˇ zaˬ miˬ aˬ buˇ deuˬ˗ahˇ gaˬ˗awˇ kʼahˬ lahˇ˗eu lehˇ bi siˬ˗eu gʼaˇ duˬ, aˬ jeˬ jeˇ jahˇ nya˗eu nga?