Mehˇ nmˇ zaˬ miˬ aˬ buˇ deuˬ, Miˬyehˇ˗euˬ gaˇ˗ahˇ heu naˆ maˬ tseˇ aˬ joˆ˗ehˇ mˇ nya˗eu nga?

Mehˇ nmˇ zaˬ miˬ aˬ buˇ deuˬ Miˬyehˇ Miˇkʼahˬ˗euˬ gaˇ˗ahˇ gʼaˬ biꞈ luꞈ˗eu meh. (Ja ceuˬ 68:11) Aˬ yawꞈ maꞈ Jaˇliꞈ gʼawˬ mya gʼaˬ˗ahˇ mehˬ nehˬ luꞈ˗awˇ, aˬ myah luꞈ huˬ mehˬ mehˬ˗eu deuˬ myaˬ˗eu tiˬ paˆ jiˇ, mehˇ nmˇ zaˬ miˬ aˬ buˇ deuˬ pyeuꞈ meh. Mehˇ nmˇ zaˬ miˬ aˬ buˇ gʼawˬ mya heˇ gʼaˬ, Beˬdeˬlaˇ˗ahˇ mˇ luꞈ˗awˇ, tiˬ deuˬ na miˇshaˬnaˬliˬ pyeuꞈ luꞈ˗eu meh. Tiˬ deuˬ na tsoˆ˗eu gaˇ paw mˇ˗awˇ, tiˬ deuˬ na naˇ dawˬ yuˇ paˇ˗eu paw mˇ˗eu meh. Noeˬ dahˇ doe laˇ˗euˬ mehˇ nmˇ zaˬ miˬ aˬ buˇ deuˬ, yawˬ ha˗euˬ nymˇ jiˇ hawˇ˗eu aˇ muˇ ziꞈ laˇ ni caw ba nehˬ˗eu meh. (Dawˬdaˬ 14:1) Aˬ yawꞈ maꞈ aˇ muˇ˗ahˇ sheuˬ gʼeh˗eu gʼaˬ maˬ ngeuˇ naˇ, aˇ muˇ˗ahˇ caw ba˗eu gʼaˬ maˬ geuꞈ nya kʼawꞈ, aˇ muˇ laꞈ kʼoeˇ˗euˬ gaˇ gʼawˬ mya jeˬ˗ahˇ caw ba˗eu lehˇ noeˬ tsoˆ taˬ nya meh. Nawˇ mehˇ nmˇ zaˬ miˬ aˬ buˇ tiˬ gʼaˬ pyeuꞈ naˇ, Miˬyehˇ˗euˬ gaˇ˗ahˇ teu naˆ maˬ tseˇ aˬ jeˬ jeˇ mˇ nya˗eu nga?

• Ka li zaˬ deuˬ˗euˬ seuˆ dzeuꞈ aˇ gʼehˇ ahˇ laˇ ni leh jeh.—1 Tiˆmoˇseˬ 3:11; 1 Beˬtuˆluˆ 3:3-6

• Noeˬ dahˇ maˬ doe˗eu mehˇ nmˇ zaˬ miˬ aˬ buˇ deuˬ˗ahˇ caw ba.—Tiˇtuˆ 2:3-5

• Miˬyehˇ˗euˬ gaˇ˗ahˇ heu naˆ maˬ tseˇ yaw muiˬ˗ehˇ mˇ

• Aˬ cawˬ˗euˬ tsawˇ jeuˬ˗euˬ dawˬ dzaw

• Loˬ dzehˬ˗eu tsahˇ˗ahˇ jawˇ˗iˇ

• Beˬdeˬlaˇ˗euˬ gaˇ˗ahˇ maˬ ehˇ, tsoˆ˗eu gaˇ˗ahˇ maˬ ehˇ, caw ba˗eu gʼaˇ duˬ jaˇ laˇ dawˆ

• Miˬyehˇ Miˇkʼahˬ gaˇ kawˆ tsaꞈ gaˬ˗eu Dzaw nymˇ˗ahˇ daˆ iˇ˗eu gʼaˇ duˬ, jaˇ laˇ dawˆ

Sahˬ paˬ Yeˬsuˇ˗euˬ gaˇ˗ahˇ mˇ dui dui luꞈ˗eu zaˬ miˬ aˬ buˇ deuˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Mehˇ nmˇ zaˬ miˬ aˬ buˇ heu deuˬ neh ngehˬ˗euˬ jeˬ naˇ, nawˬ˗ahˇ gʼaˬ aˬ joˆ˗ehˇ bi ahˇ laˇ nya?