Ka li zaˬ˗euˬ dehꞈ ziˇ
Miˇ kʼahˬ suˬ saˬ laˇ˗eu jeˬ˗euˬ gʼaˇ duˬ, nawˇ lehˬ hmˬ taˬ maˬ loˇ?
Aˇ saˬ saˬ˗eu aˇ nah aˇ yamˬ ngehˬ˗ehˇ peh laˇ naˇ ngehˬ˗ehˇ, miˇ kʼahˬ suˬ saˬ˗eu jeˬ maˬ ehˇ, yaw haiˬ yaw doeˇ jeˬ maˬ ehˇ, guiˇ deuˆ˗eu jeˬ maˬ ehˇ, myaˬ laˇ meh lehˇ aˬ dui noeˬ tmˬ nya meh. (Pah mehˬ˗eu 6:4) Aˬ dui gaˇ kawˆ heu deuˬ˗euˬ gʼaˇ duˬ, aˬ joˆ˗ehˇ lehˬ hmˬ taˬ nya˗eu nga?
Nui jah paw lehˬ hmˬ taˬ: Nawˬ˗ahˇ Yeˬhawˇbaˬ hawˇ˗eu aˇ maꞈ aˇ muˇ˗ahˇ nui ma taˬ dzehˬ laˇ ni maˬ ehˇ, tiˬ paw tiˇ paw gʼaˬ baꞈ maˬ baꞈ ni maˬ ehˇ, caw ba nehˬ˗eu Jaˇliꞈ zahˇ hawˇ˗eu Jaˇliꞈ laꞈ kʼoeˇ˗euˬ gaˇ kawˆ deuˬ˗ahˇ poˆ tseˇ. (Dawˬdaˬ 12:5; jr˗SI 125-126 ¶23-24) Nymˬ˗mˇ naˇ mehˇ nmˇ deuˬ nehˬ˗ehˇ gʼoeˇ leˇ ni leh jeh˗eu aˇ yamˬ pyeuꞈ meh.—1 Beˬtuˆluˆ 4:7, 8
Shiˬ shaˬ jiˇ paw lehˬ hmˬ taˬ: Iˇ kahˇ laꞈ kʼoeˇ aˬ geu gaˇ cehˆ yaꞈ iˇ˗eu lehˇ lehˬ hmˬ taˬ˗awˇ, loˬ˗eu jeˬ jiˇ lehˬ hmˬ taˬ. Kʼoeˇ naˇ iˇ kahˇ˗ahˇ neh ya cehˆ doˆ ngeh, aˬ joˆ˗ehˇ jahˇ˗eu lehˇ lehˬ hmˬ taˬ˗awˇ, loˬ˗eu jeˬ dawˆ ahˇ taˬ˗euˬ pehˇ tahˇ hawˇ˗eu pyuˇ maˬ ehˇ, kʼaˬ meh˗ahˇ kaꞈ tsahˬ˗eu jeˬ lawˬ muˇ maˬ ehˇ, lehˬ hmˬ taˬ. Kʼoeˇ uˬ taꞈ, aˇ muˇ˗ahˇ sheuˬ gʼeh˗eu deuˬ nehˬ˗ehˇ ngehˬ cawˬ nya ni, yawˬ ha˗euˬ naˬ gaˬ naˬ ba aˬ yawꞈ maꞈ˗ahˇ biꞈ taˬ˗awˇ, aˬ yawꞈ maꞈ˗euˬ jiˇ shaˇ taˬ.—Iˇsaˬyaˇ 32:2; g17.5-SI 3-7
Suˬ saˬ˗eu aˇ yamˬ laꞈ kʼoeˇ Ka li zaˬ deuˬ ya mˇ ya shaˇ˗eu jeˬ aˬ myah luꞈ mˇ daˆ leꞈ. (Piˇliˇpiˆ 1:10) Gʼeh nya naˇ jawˇ duˬ jawˇ zaˇ tiˬ kʼehˬ maˬ kaˬ taˬ jawˇ paˇ˗iˇ. (Maꞈtehˬ 10:16) Tiˬ gʼaˬ tiˇ gʼaˬ dzaˬ dzaˬ dawˇ dawˇ hawˇ˗eu myawˬ deuˬ biꞈ nehˬ.—Loˇmaˆ 12:13.
Nawˇ uˬ jeˬ jaˆ lehˇ˗euˬ shaˬ zahˬ gʼaˇ duˬ, lehˬ hmˬ taˬ maˬ loˇ? lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.
Uˬ jeˬ jaˬ lehˇ˗euˬ shaˬ zahˬ pyeuꞈ laˇ ngeh, Yeˬhawˇbaˬ aˬ duiˬ˗ahˇ aˬ joˆ˗ehˇ caw ba˗eu nga?
Aˬ dui aˬ jeˬ jeˇ lehˬ hmˬ taˬ nya˗eu nga?
Uˬ jeˬ jaˬ lehˇ˗euˬ shaˬ zahˬ˗ahˇ ya tahˬ puˬ˗euˬ deuˬ˗ahˇ aˬ dui aˬ joˆ˗ehˇ caw ba nya˗eu nga?