Ka li zaˬ˗euˬ dehꞈ ziˇ
“Aˇ saˬ saˬ˗eu aˇ nah aˇ yamˬ” jiˇ leˇ dzaˬ˗ahˇ lehˬ hmˬ deuˇ taˬ
Aˬ dui “aˇ saˬ saˬ˗eu aˇ nah aˇ yamˬ” jiˇ leˇ dzaˬ˗ahˇ oˇ oꞈ luꞈ ngeh, shaˬ zahˬ heu naˆ maˬ tseˇ myaˬ laˇ˗awˇ doeˇ dzehˬ laˇ meh lehˇ noeˬ tmˬ nya meh. (2 Tiˆmoˇseˬ 3:1; nwtsty˗E Maꞈtehˬ 24:8-ahˇ pyehˆ tseˇ˗eu gaˇ kawˆ) Uˬ jeˬ jaˬ lehˇ˗euˬ shaˬ zahˬ pyeuꞈ laˇ ngeh, Yeˬhawˇbaˬ˗euˬ tsawˇ haˬ deuˬ shaˬ zahˬ deuˬ˗ahˇ yahˇ pyawˇ nya ni caw ba nehˬ˗eu yamˬ law tsaˬ˗eu nui noeˬ nui duˇ za˗eu meh. Aˬ dui nymˬ˗mˇ neh ehˇ dawˬ naˇ haˬ˗awˇ lehˬ hmˬ taˬ naˇ, nui jah paw hawˇ˗eu shiˬ shaˬ jiˇ paw haw piˇ nya meh.—Luˇkaꞈ 16:10.
Nui jah paw lehˬ hmˬ: Ka li zaˬ˗euˬ mˇ jeˬ shaˇ kawˆ mˇ daˆ leꞈ˗awˇ, Miˬyehˇ˗euˬ gaˇ˗ahˇ yaw shuiꞈ shuiꞈ lehˇ ya mˇ˗eu jeˬ˗ahˇ mˇ dzaw. Mehˇ nmˇ deuˬ nehˬ˗ehˇ tiˬ kʼehˬ ya jawˇ gʼawˬ naˇ taˬ tsawˬ guˆ˗iˇ. (Iˇsaˬyaˇ 30:15) Yeˬhawˇbaˬ hawˇ˗eu Yeˬsuˇ aˬ dui nehˬ˗ehˇ aˬ myah luꞈ jawˇ luꞈ meh.—od˗SI 176 ¶15-17
Shiˬ shaˬ jiˇ paw lehˬ hmˬ: Tiˬ gaˇ paw tiˬ kʼehˬ ya pawˇ iˇ naˇ, nymˇ jiˇ yawˬ jiˇ na luꞈ dzaˬ dzaˬ dawˇ dawˇ, iˇ cuꞈ, jaˆ gʼaˬ hawˇ˗eu nui jeˬ loꞈ leˇ ni, pehˇ tahˇ˗ahˇ shaˇ dawˆ taˬ paˬ˗ehˇ gʼeh˗eu meh.—Dawˬdaˬ 22:3; g17.5-SI 4, 6
Aˬ dui uˬ jeˬ jaˬ lehˇ˗euˬ shaˬ zahˬ maˬ pyeuꞈ laˇ mi naˆ˗ehˇ nui jah paw aˬ joˆ˗ehˇ lehˬ hmˬ nya˗eu nga?
Aˬ dui aˬ jeˬ miˇ neh aˇ muˇ˗ahˇ sheuˬ gʼeh˗eu deuˬ˗ahˇ nymˬ˗mˇ aˬ dui zmˬ luꞈ˗eu naˬ gaˬ naˬ ba hawˇ˗eu jawˇ duˬ jawˇ zaˇ biꞈ nehˬ paˬ˗ehˇ gʼeh˗eu nga?
Aˬ dui aˬ jeˬ miˇ neh loˬ˗eu pehˇ tahˇ lehˬ hmˬ taˬ paˬ˗ehˇ gʼeh˗eu nga?
Aˬ dui aˬ jeˬ miˇ neh uˬ jeˬ jaˬ lehˇ˗euˬ shaˬ zahˬ aˬ jeˬ jeˇ pyeuꞈ laˇ nya˗awˇ, teu pyeuꞈ laˇ ngeh aˬ joˆ˗ehˇ ya jahˇ˗eu lehˇ ngehˬ cawˬ paˬ˗ehˇ gʼeh˗eu nga?
Aˬ dui uˬ jeˬ jaˬ lehˇ˗euˬ shaˬ zahˬ˗ahˇ ya tahˬ puˬ˗euˬ deuˬ˗ahˇ caw ba nya˗eu 3 jeˬ naˇ, aˬ jeˬ nga?
Yawˬ ha˗ahˇ naˇ haˬ, ‘Koˇbiˬ 19 naˇ gawˇ heu poˆ pyeuꞈ laˇ˗euˬ gaˇ neh, lehˬ hmˬ taˬ˗euˬ gaˇ kawˆ nehˬ˗ehˇ taꞈ leˇ˗awˇ ngaˇ aˬ jeˬ ya siˬ nya?’