Ka li zaˬ˗euˬ dehꞈ ziˇ
Kʼehˬ laˇ kʼaˆ laˇ gaˇ ya daˬ kʼawꞈ laˬ kʼaˬ cehˇ˗awˬ
Aˬ dui Ka li zaˬ deuˬ kʼehˬ laˇ kʼaˆ laˇ gaˇ ya daˬ meh lehˇ siˬ nya˗eu ma. (Yoˇhaˬ 15:20) Kʼehˬ˗eu kʼaˆ˗eu jeˬ aˬ dui˗ahˇ bi deuˬ laˇ nya˗awˇ bi noeˬ shaˬ kʼahˬ lahˇ˗eu kʼawꞈ, aˬ dui gʼaˬ maˬ baˬ ni daˬ dzeuˇ oˇ dzeuˇ nya naˇ laˬ kʼaˬ cehˇ˗eu meh.—Maꞈtehˬ 5:10-12; 1 Beˬtuˆluˆ 2:19, 20.
Aˬ dui kʼehˬ laˇ kʼaˆ laˇ gaˇ ya daˬ kʼawꞈ laˬ kʼaˬ cehˇ nya lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.
Yawˬ nah na luꞈ Jaˇliꞈ gui˗eu jeˬ nehˬ˗ehˇ taꞈ leˇ˗awˇ, aˬ dui mehˇ nmˇ Baˬjeˬnawˬ˗ahˇ aˬ jeˬ dzaw geuꞈ nya˗eu nga?
Mehˇ nmˇ deuˬ caw ba nehˬ laꞈ gaˇ ha geuꞈ˗eu jeˬ nehˬ˗ehˇ taꞈ leˇ˗awˇ, aˬ dui aˬ yawꞈ˗ahˇ aˬ jeˬ dzaw geuꞈ nya˗eu nga?a
Tiˬ kʼehˬ maˬ taˬ guiˬ lahˬ shaˇ˗eu jeˬ nehˬ˗ehˇ taꞈ leˇ˗awˇ, aˬ dui aˬ yawꞈ˗ahˇ aˬ jeˬ dzaw geuꞈ nya˗eu nga?
Yeˬhawˇbaˬ˗ahˇ ja ceuˬ˗eu dawˬ caˇ caˇ˗eu jeˬ nehˬ˗ehˇ taꞈ leˇ˗awˇ, aˬ dui aˬ yawꞈ˗ahˇ aˬ jeˬ dzaw geuꞈ nya˗eu nga?
Yawˬ ha jah˗eu jeˬ aˬ cawˬ˗ahˇ ehˇ nehˬ˗eu jeˬ nehˬ˗ehˇ taꞈ leˇ˗awˇ, aˬ dui aˬ yawꞈ˗ahˇ aˬ jeˬ dzaw geuꞈ nya˗eu nga?
a Aˬ dui tawˬ˗ahˇ uˇ luꞈ˗eu mehˇ nmˇ deuˬ˗euˬ gʼaˇ duˬ guiˬ lahˬ shaˇ caw nehˬ nya˗awˇ, aˬ yawꞈ maꞈ˗euˬ tsawˇ myahˇ kuˇ˗awˇ neh jiˇ shaˇ caw nehˬ nya˗eu meh. Ehˇ kʼawꞈ aˬ dui neh mehˇ nmˇ tiˬ gʼaˬ na˗ahˇ boꞈ nehˬ˗euˬ sahˬ boꞈ, Beˬdeˬlaˇ˗ahˇ kʼehˇ˗awˇ bi sha nehˬ paˬ˗ehˇ maˬ gʼeh˗a.