Dawˬ caˇ neh Yeˬhawˇbaˬ˗ahˇ laˬ kʼaˬ tiˬ cehˇ caˇ˗awˇ ja ceuˬ

Pawˇluˆ hawˇ˗eu Siˬlaˆ tawˬ˗ahˇ uˇ luꞈ ngeh dawˬ caˇ caˇ˗awˇ Yeˬhawˇbaˬ˗ahˇ ja ceuˬ˗euˬ meh. (Kʼehˇ 16:25) Teu loꞈ˗ehˇ jahˇ˗eu teu naˇ, aˬ yawꞈ nyaꞈ˗ahˇ gʼaˬ biꞈ˗eu yaw duˬ baw meh. Aˬ dui teuˇ neh? Uˬ duˬ tahˬ gaˇ zmˬ˗eu dawˬ caˇ hawˇ˗eu aˇ baˇ jahˇ taˬ˗euˬ dawˬ caˇ heu deuˬ naˇ, aˬ dui shaˬ zahˬ˗ahˇ ya tahˬ puˬ ngeh, aˬ dui˗ahˇ saˇ jaˇ ziꞈ nya ni gʼaˬ biꞈ nehˬ laꞈ˗eu meh. Kʼoeˇ tehꞈ˗ehˇ maˬ gʼaˬ ni dawˬ caˇ heu deuˬ naˇ, Yeˬhawˇbaˬ˗ahˇ ja ceuˬ˗eu dawˬ caˇ pyeuꞈ meh. (Ceuˬ 28:7) Aˇ maꞈ aˇ muˇ aˬ dui˗ahˇ dawˬ caˇ tiˬ bymˇ na˗ahˇ caˇ dzaw taˬ lehˇ gʼaˬ biꞈ˗eu meh. Nawˇ mˇ caw dzeuˇ maˬ loˇ? Aˬ dui nymˇ jiˇ uˬ duˬ tahˬ ngeh, dawˬ caˇ˗euˬ dawˬ kawˬ noeˬ taˬ˗awˇ caˇ dzaw nya˗eu meh.

Zaˬ deuˬ dawˬ caˇ neh Yeˬhawˇbaˬ˗ahˇ ja ceuˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ:

• 

  Miˬyehˇ˗ahˇ ja ceuˬ˗eu dawˬ caˇ heu naˇ aˬ dui˗ahˇ aˬ joˆ˗ehˇ gaˇ dahˇ tsoeˬ˗eu nga?

• 

  Teˇ saˇ hawˇ˗eu biˬdiˬoˬ paw mˇ˗eu deuˬ, dawˬ caˇ maˬ dawˆ mi naˆ˗ehˇ aˬ joˆ˗ehˇ lehˬ hmˬ˗eu nga?

• 

  Zaˬ hawˇ˗eu aˬ da aˬ ma deuˬ teˇ saˇ dawˆ laˇ˗eu gʼaˇ duˬ, aˬ joˆ˗ehˇ lehˬ hmˬ˗eu nga?

• 

  Nawˇ Miˬyehˇ˗ahˇ ja ceuˬ˗eu dawˬ caˇ aˬ geu bymˇ˗ahˇ ya leˇ nya, aˬ jeˬ miˇ neh?