Miˬyehˇ Miˇkʼahˬ˗euˬ dawˬ caˇ nui kʼaˬ bi ahˇ laˇ

Tawˬ˗ahˇ uˇ luꞈ ngeh, Pawˇluˆ hawˇ˗eu Siˬlaˆ Miˬyehˇ˗ahˇ ja ceuˬ˗eu dawˬ caˇ caˇ˗euˬ meh. (Kʼehˇ 16:25) Nymˇ iˬ nah Saiˇbiˇliˬ˗yaˬ˗ahˇ bi nyehꞈ dzeh iˇ˗euˬ mehˇ nmˇ deuˬ hawˇ˗eu, Jeˬmaˬni Naˬziˬ˗euˬ Saˇgeˇheuˇseˬ kmˇ cehˇ˗ahˇ jawˇ˗eu mehˇ nmˇ deuˬ kʼawꞈ, Miˬyehˇ˗ahˇ ja ceuˬ˗eu dawˬ caˇ caˇ˗eu meh. Yaw jeˬ ma jeˬ heu deuˬ, Ka li zaˬ deuˬ shaˬ zahˬ˗ahˇ ya tahˬ puˬ ngeh, dawˬ caˇ heu naˇ nui kʼaˬ bi ngaˇ lehˇ siˬ laˇ˗eu meh.

Gʼawˬ myahˇ maˬ gʼeh˗ehˇ, Yeˬhawˇbaˬ˗ahˇ “laꞈ kʼaˬ tiˬ cehˇ caˇ”˗awˇ ja ceuˬ lehˇ kuˇ˗eu dawˬ caˇ paˇ dmˬ yaw suiꞈ gʼawˬ mya jeˬ˗euˬ dawˬ neh doˆ laˇ˗eu meh. Aˬ dui dawˬ caˇ˗euˬ dawˬ tsuiꞈ noeˬ taˬ nya˗eu gʼaˇ duˬ nymˇ jiˇ uˬ duˬ tahˬ ngeh caˇ dzaw. (Peˇ 5:19) Aˬ dui kʼeh˗eu kʼaꞈ˗eu jeˬ˗ahˇ ya tahˬ puˬ ngeh, muiˬ˗eu shawˇ˗eu yaw sahˇ aˬ dui noeˬ doˆ nya ni caw ba nehˬ meh. Miˬyehˇ Miˇkʼahˬ˗euˬ dawˬ caˇ aˬ dui noeˬ tmˬ taˬ˗euˬ jeˬ˗ahˇ haw tsoˆ nya ni caw ba˗eu meh. Dawˬ caˇ heu deuˬ aˬ dui shaˬ zahˬ˗ahˇ ya tahˬ puˬ ngeh, gʼaˬ biꞈ˗awˇ, nui ma shaˇ ngeh jiˇ “laꞈ kʼaˬ tiˬ cehˇ” caˇ doˆ laꞈ ni laˆ noeˬ nehˬ˗eu meh. (1Laˬ 15:16; Ceuˬ 33:1-3) Miˬyehˇ Miˇkʼahˬ˗euˬ dawˬ caˇ aˇ poeˬ bawˬ ni zmˬ kaˇ˗euˇ

Gaˇ mˇ zaˬ˗ahˇ nui kʼaˬ biꞈ˗eu dawˬ caˇ lehˇ kuˇ˗eu bi diˬ oˬ haw gʼaˬ naˇ, naˇ haˬ˗eu jeˬ heu deuˬ neh naˇ haˬ:

• Mehˇ nmˇ Pawˇlawˬ aˬ jeˬ miˇ neh dawˬ caˇ boꞈ˗euˬ nga?

• Saˇgeˇheuˇseˬ kmˇ cehˇ˗ahˇ jawˇ˗eu mehˇ nmˇ deuˬ˗ahˇ dawˬ caˇ neh nui kʼaˬ aˬ joˆ˗ehˇ bi˗euˬ nga?

• Aˬ yawꞈ nah yawꞈ pyeuꞈ laˇ˗eu gaˇ kawˆ˗ahˇ, Miˬyehˇ Miˇkʼahˬ˗euˬ dawˬ caˇ aˬ dui˗ahˇ gʼaˬ aˬ joˆ˗ehˇ biꞈ˗eu nga?

• Nawˇ Miˬyehˇ Miˇ kʼahˬ˗euˬ dawˬ caˇ aˬ geu pymˇ noeˬ taˬ mawꞈ nya?