Poˆ jeˬ poˆ kawˆ
“Yeˬhawˇbaˬ˗ahˇ ja ceuˬ˗eu dawˬ caˇ”˗ahˇ maˬ haw ni caˇ nya taˬ
“Ngaˇ gʼaˬ baˬ dui dui ngeh, Yeˬhawˇbaˬ ngaˬ˗ahˇ JW tiˬbiˬ laꞈ kʼoeˇ˗euˬ dawˬ caˇ deuˬ˗ahˇ neh gʼaˬ biꞈ˗eu meh.”—Aˬmeˬliˇkaˬ miˇ kʼahˬ˗ahˇ jawˇ˗eu Loˇleˬ
“Yeˬhawˇbaˬ˗ahˇ ja ceuˬ˗eu dawˬ caˇ” heu naˇ, Ka li zaˬ˗euˬ uˬ duˬ tahˬ˗eu jeˬ laꞈ kʼoeˇ neh tiˬ jeˬ pyeuꞈ meh. (Gawˇlawˇsehˇ 3:16) Dawˬ caˇ teu deuˬ˗ahˇ maˬ haw ni caˇ nya taˬ naˇ, dawˬ caˇ paˇ dmˬ hawˇ˗eu naˬ gaˬ lawˬ muˇ maˬ zmˬ nya ngeh kʼawꞈ, dawˬ caˇ caˇ nya˗eu meh. Dawˬ caˇ deuˬ˗ahˇ maˬ haw ni caˇ nya taˬ˗eu gaˇ duˬ heu loꞈ˗ehˇ jahˇ haw˗awˬ.
Dawˬ tsuiꞈ˗ahˇ gʼoˆ shaw˗eu gʼaˇ duˬ a lawˆ lawˆ˗ehˇ gui. Nawˇ dawˬ tsuiꞈ˗ahˇ gʼoˆ shaw taˬ naˇ, dawˬ caˇ deuˬ˗ahˇ maˬ haw ni caˇ nya˗eu awˬ dzehˬ laˇ˗eu meh. Aˇ maꞈ aˇ muˇ˗euˬ dawˬ caˇ yawˬ bymˇ na luꞈ˗ahˇ haw˗eu gʼaˇ duˬ, jw.org gʼoeˇsaiˇ laꞈ kʼoeˇ “Jahˇ doˆ taˬ˗euˬ jeˬ” lehˇ ehˇ gaˇ˗iˇ˗awˇ, “Dawˬ caˇ” lehˇ boꞈ taˬ˗euˬ gaˇ˗iˇ.
Dawˬ caˇ deuˬ˗ahˇ aˬ laꞈ neh boꞈ doˆ. Teu naˇ dawˬ caˇ˗ahˇ noeˬ taˬ nya dzehˬ laˇ ni caw ba nehˬ˗eu meh.—Dawˬmehˬmehˬ˗eu 17:18.
Dawˬ caˇ caˇ dzaw. Yaw myaˬ poˆ gui˗awˇ caˇ dzaw.
Noeˬ taˬ nya miˇ˗a loˇ lehˇ jahˇ haw. Dawˬ caˇ˗ahˇ maˬ haw ni caˇ nya miˇ˗a laˬ lehˇ caˇ haw. (Taiˬ hawˇ˗eu Mam dawˬ˗ahˇ haw nya meh.)