Myuˇsiˆ biˬdiˬoˬ dawˬ caˇ aˬ dui˗ahˇ aˬ jeˬ mehˬ˗eu nga?

Nawˇ myuˇsiˆ biˬdiˬoˬ dawˬ caˇ deuˬ laꞈ kʼoeˇ neh, aˬ geu bymˇ˗ahˇ ya leˇ dzehˬ nya? Aˬ jeˬ miˇ neh ? Nawˇ noeˬ˗eu naˇ dawˬ caˇ˗euˬ dawˬ tsuiꞈ teu, nawˬ nehˬ˗ehˇ taꞈ miˇ˗a loˇ? Dawˬ caˇ heu deuˬ deuˇ˗mˬ hawˇ˗eu uˬ dzah gʼawˬ mya jeˬ lehˇ jaˆ˗eu miˇ neh, yawˬ gʼaˬ na˗ahˇ gaˇ dahˇ tsoeˬ˗eu meh. Myuˇsiˆ biˬdiˬoˬ dawˬ caˇ heu naˇ, yaw byawˬ gʼaˇ duˬ tehꞈ˗ehˇ jahˇ doˆ taˬ˗euˬ maˬ ngeuˇ˗a.

Myuˇsiˆ biˬdiˬoˬ dawˬ caˇ heu deuˬ, aˬ dui Ka li zaˬ˗euˬ dehꞈ ziˇ hawˇ˗eu tsaꞈ gaˬ˗eu gaˇ˗ahˇ zmˬ iˇ nya˗eu gʼawˬ myaˬ jeˬ mehˬ˗eu meh. Dawˬ caˇ tiˬ bymˇ na, yaw muiˬ˗ehˇ ha˗eu jeˬ, nui ma tiˬ siˬ˗ahˇ taꞈ˗eu jeˬ, cawˬ cawˬ taꞈ˗eu jeˬ, kʼaˬ duˬ ni gʼeh˗eu jeˬ, gaˬ˗eu jeˬ, jah˗eu jeˬ, heu deuˬ˗ahˇ yaw kʼaˆ˗ehˇ ngehˬ keuˆ taˬ˗euˬ meh. Tiˬ bymˇ na naˇ Yeˬhawˇbaˬ jawˇ gaˇ gʼoꞈ laˇ˗eu, iˬ baˇ pyehˬ˗eu, yawˬ nah na luꞈ saˇ jaˇ ziꞈ˗eu, Miˬyehˇ gaˇ mˇ˗eu lehˇ aˇ pyaˇ daˬ˗eu, heu deuˬ˗ahˇ ngehˬ keuˆ taˬ˗euˬ meh. Kʼoeˇ uˬ taꞈ, naˬ gaˬ yaw gahˇ gahˇ˗ehˇ aˬ joˆ˗ehˇ ya zmˬ˗eu lehˇ mehˬ˗eu dawˬ caˇ jiˇ jaˆ˗eu meh. Nawˇ myuˇsiˆ biˬdiˬoˬ dawˬ caˇ˗ahˇ neh aˬ jeˬ paˇ ya mawˇ leˬ siˬ?

Aˬ laꞈ tiˬ dzeh naˇ keuˆ le shaw lehˇ ehˇ˗eu dawˬ caˇ haw gʼaˬ naˇ, laꞈ oˆ jaˆ˗eu naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Aˇ kʼoꞈ kʼawˆ laˇ˗euˬ mehˇ nmˇ heu nyiˬ gʼaˬ, aˬ jeˬ˗euˬ laꞈ sawˬ gʼaˬ˗ahˇ dawˬ luꞈ˗eu nga?—Aˇdahˬbeh˗eu 12:3

• Yeˬhawˇbaˬ˗euˬ saˇ jaˇ dawˬ deuˬ maˇ diˇ pyeuꞈ laˇ meh lehˇ jah nya˗eu gʼaˇ duˬ, aˬ dui aˬ jeˬ ya jahˇ˗eu nga?

• Gʼawˬ myahˇ maˬ gʼeh˗ehˇ aˬ dui˗ahˇ laˬ kʼaˬ bi cehˇ˗eu, aˬ suˇ˗ahˇ paˇ ya mawˇ nga siˬ?

• Miˬyehˇ Miˇkʼahˬ gaˇ kawˆ noeˬ tmˬ˗eu jeˬ, nymˬ˗mˇ iˬ nah˗euˬ shaˬ zahˬ˗ahˇ oˇ coeˇ ni aˬ joˆ˗ehˇ caw ba nehˬ˗eu nga?—Loˇmaˆ 8:25