Ka li zaˬ˗euˬ dehꞈ ziˇ
Miˬyehˇ˗euˬ nui noeˬ˗ahˇ siˬ nya laˇ˗eu gʼaˇ duˬ poˆ
Aˬ dui neh mˇ˗eu shaˇ˗eu jeˬ Yeˬhawˇbaˬ nui kʼahˇ bi shiˇ mawꞈ˗eu ma. (Dawˬdaˬ 27:11) Miˬyehˇ˗euˬ zahˇ dawˬ yaw duˬ duˬ lehˇ maˬ ehˇ taˬ˗euˬ kʼawꞈ, Miˬyehˇ˗euˬ nui kʼahˇ nehˬ˗ehˇ tsaˬ ni ya noeˬ tsehˆ˗eu meh. Aˬ dui teu loꞈ˗ehˇ aˬ joˆ˗ehˇ mˇ nya˗eu nga?
Aˬ myah luꞈ Jaˇliꞈ gui˗awˇ pyehˆ tseˇ. Aˬ dui Jaˇliꞈ kʼaˇ gui ngeh Yeˬhawˇbaˬ nehˬ˗ehˇ tiˬ kawˆ loꞈ˗ehˇ aˇ yamˬ zmˬ gaˇ duˇ˗eu meh. Yeˬhawˇbaˬ˗euˬ noeˬ jeˬ noeˬ kawˆ˗ahˇ siˬ nya dzehˬ laˇ˗eu gʼaˇ duˬ, Yeˬhawˇbaˬ aˬ yawꞈ˗euˬ gaˇ mˇ zaˬ deuˬ˗ahˇ aˬ joˆ˗ehˇ mˇ nehˬ˗awˇ, yaw muiˬ jeˬ hawˇ˗eu maˬ muiˬ˗eu jeˬ mˇ˗euˬ deuˬ˗ahˇ haw ngeh siˬ laˇ˗eu meh. Aˬ dui ya noeˬ tsehˆ ngeh, Miˬyehˇ˗euˬ muiˬ˗eu shawˇ˗eu baoˬ aˬ dui neh ya dzaw˗euˬ jeˬ hawˇ˗eu Miˬyehˇ˗euˬ zahˇ dawˬ˗ahˇ noeˬ doˆ laˇ nya ni caw ba nehˬ laꞈ˗eu meh.—Yoˇhaˬ 14:26.
Poˆ tseˇ. Aˬ dui ya noeˬ tsehˆ ngeh, yawˬ ha˗ahˇ heu loꞈ˗ehˇ naˇ haˬ. “Gaˇ kawˆ heu nehˬ˗ehˇ taꞈ leˇ˗awˇ Yeˬhawˇbaˬ aˬ joˆ˗ehˇ noeˬ˗eu nga lehˇ siˬ nya˗eu gʼaˇ duˬ, Jaˇliꞈ aˇ deuˆ maˬ ngeuˇ naˇ, Jaˇliꞈ laꞈ kʼoeˇ aˬ geu kawˆ ahˇ˗eu nga?” Dehꞈ ziˇ laꞈ kʼoeˇ zmˬ˗iˇ nya ni Yeˬhawˇbaˬ˗ahˇ caw ba nehˬ laꞈ lehˇ guiˬ lahˬ shaˇ˗awˇ, Jaˇliꞈ zahˇ˗ahˇ poˆ mawˇ nya˗eu gʼaˇ duˬ poˆ tseˇ˗eu keu ka zmˬ˗awˇ yawˬ ha˗euˬ dawˬ paw neh poˆ.—Ja ceuˬ 25:4.
Aˬ dui ziꞈ dah ni ya cehˆ—Gaˇ dahˇ tsoeˬ˗eu dzaˇ dzaˬ, lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.
Biˬdiˬoˬ laꞈ kʼoeˇ ahˇ˗eu mehˇ nmˇ aˬ buˇ tiˬ gʼaˬ, aˬ jeˬ˗euˬ gaˇ kawˆ˗ahˇ ya daˬ˗euˬ nga?
Aˬ dui ka tiˇ laˇ˗eu gaˇ kawˆ˗ahˇ ya daˬ ngeh, kamˬ daˬ nya˗eu gʼaˇ duˬ poˆ tseˇ˗eu keu ka˗ahˇ aˬ joˆ˗ehˇ zmˬ nya˗eu nga?
Aˬ dui yaw muiˬ˗ehˇ noeˬ tsehˆ nya˗eu gʼaˇ duˬ aˇ yamˬ zmˬ˗awˇ Jaˇliꞈ˗ahˇ pyehˆ tseˇ naˇ, aˬ jeˬ gaˇ dahˇ tsoeˬ˗eu jeˬ za˗eu nga?—Heˬbyehˇ 5:13, 14