Noeˬ mawˇ˗eu mehˬ bawˬ˗euˬ gʼaˇ duˬ aˇ pyaˇ daˬ

Yawˬ kʼoꞈ na luꞈ Yeˬhawˇbaˬ˗euˬ tsawˇ haˬ deuˬ Noeˬ mawˇ˗eu mehˬ bawˬ˗ahˇ tiˬ kawˆ loꞈ˗ehˇ ya uiˬ laˇ gaˇ noeˬ tmˬ˗eu ma. Noeˬ mawˇ˗eu mehˬ bawˬ maˬ keuˆ laˇ˗eu yaw kaˬ˗ahˇ hawˇ˗eu jiˇ leˇ ngeh˗euˬ jaw˗ahˇ aˬ dui Yeˬsuˇ Ka li neh kamˇ shiˇ nehˬ le˗euˬ jeˬ˗ahˇ Yeˬhawˇbaˬ˗ahˇ guiˬ lahˬ huiˬ˗awˇ ja ceuˬ˗eu aˬ kawˬ˗aˬ za taˬ˗euˬ ma. (Eˇpeˇsu 1:3, 7) Yaw jeˬ ma jeˬ, Noeˬ mawˇ˗eu mehˬ bawˬ˗ahˇ bi laˇ˗eu gʼaˇ duˬ tsawˇ haˬ deuˬ˗ahˇ leh jeh˗awˇ kuˇ gaˬ luꞈ˗eu ma. Mehˇ nmˇ tiˬ gʼaˬ na Smˇ siˬ ba la hawˇ˗eu Oeˬ siˬ ba la˗ahˇ naˬ liˬ 30 laꞈ maˬ ngeuˇ naˇ 50 laꞈ lehˇ tseˇ˗awˇ, tiˬ poˆ na huˬ mehˬ mehˬ˗eu gʼaˬ geuꞈ nya ni aˇ yamˬ biˇ taˬ˗euˬ meh. Nawˇ Noeˬ mawˇ˗eu mehˬ bawˬ heu poˆ˗ahˇ Miˬyehˇ˗euˬ gaˇ aˬ myah myah naˆ maˬ tseˇ mˇ nya ma loˇ? Nawˇ mˇ nya ni caw ba nehˬ˗eu aˬ jeˬ nga?

Jeˬ hu neh lehˬ hmˬ taˬ naˇ pyeuꞈ leˇ nya meh. (Dawˬdaˬ 21:5) Noeˬ mawˇ˗eu mehˬ bawˬ keuˆ laˇ luꞈ˗eu miˇ neh nymˬ˗mˇ neh lehˬ hmˬ taˬ. Aˬ dui Noeˬ mawˇ˗eu mehˬ bawˬ aˇ yamˬ heu˗ahˇ Miˬyehˇ˗euˬ gaˇ˗ahˇ aˬ joˆ˗ehˇ mˇ huiˬ gʼeh nya˗awˇ aˇ pyaˇ daˬ taˬ˗euˬ jeˬ˗ahˇ le keuˆ nya ni aˬ jeˬ jeˇ ya jahˇ˗eu lehˇ shaˇ noeˬ. Yeˬhawˇbaˬ aˬ dui neh leh jeh˗eu jeˬ˗ahˇ guiˬ lahˬ biꞈ˗eu yaw duˬ baw meh.—1 Yoˇhaˬ 5:14, 15.

Noeˬ mawˇ˗eu mehˬ bawˬ˗euˬ aˇ yamˬ heu laꞈ kʼoeˇ Miˬyehˇ˗euˬ gaˇ˗ahˇ aˬ joˆ˗ehˇ mˇ huiˬ gʼeh nya˗eu lehˇ shaˇ noeˬ haw maˬ loˇ?