Ka li zaˬ˗euˬ dehꞈ ziˇ
“Yawˬ ha˗euˬ nui ma˗ahˇ bo saˆ”
“Dehꞈ jeˬ dehꞈ kawˆ nui ma˗ahˇ doˆ le˗euˬ miˇ neh, nui ma˗ahˇ noeˬ˗awˇ yaw dehꞈ dehꞈ˗awˬ” lehˇ Sawˇlaˬmoˬ boꞈ taˬ˗euˬ meh. (Dawˬdaˬ 4:23) Ehˇ kʼawꞈ, nui ma cawˆ laˇ paˬ˗ehˇ gʼeh˗eu jeˬ naˇ Miˬyehˇ˗euˬ tsawˇ haˬ pyeuꞈ˗eu Iˇsaˬleˬlaˆ deuˬ Yeˬhawˇbaˬ˗euˬ gaˇ ma˗ahˇ “nui ma gʼawˇ mawˇ dawˬ tawˆ luꞈ” maˬ cah˗aˬ. (2 Laˬsaˬbaˬ 6:14) Kʼoeˇ naˇ sahˬ paˬ Sawˇlaˬmoˬ kʼawꞈ, Yeˬhawˇbaˬ˗ahˇ uˬ duˬ maˬ tahˬ˗eu aˬ yawꞈ˗euˬ miˬ zaˬ deuˬ neh miˬ yehˇ nui deuˬ˗ahˇ uˬ duˬ tahˬ˗iˇ ni bi sheuˬ gʼeh˗euˬ meh. (1 Sahˬpaˬ 11:4) Aˬ dui yawˬ ha˗euˬ nui ma˗ahˇ aˬ joˆ˗ehˇ bo saˆ nya˗eu nga? Gaˇ kawˆ heu 2019 kʼoꞈ, Tiˬ siˬ ba la˗ahˇ doˆ laˇ˗euˬ Loꞈ˗eu nymˇgoˇ paˇ dmˬ, myaˆ pyawˬ 14-19-ahˇ gui nya meh.
Loꞈ˗eu nymˇgoˇ˗ahˇ neh ya dzaw˗euˬ jeˬ—Yawˬ ha˗euˬ nui ma˗ahˇ bo saˆ lehˇ ehˇ˗eu biˬdiˬo˗ahˇ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.
Biˬdiˬoˬ laꞈ kʼoeˇ˗euˬ mehˇ nmˇ deuˬ, yawˬ ha˗euˬ nui ma˗ahˇ deuˬ laˇ˗eu aˬ jeˬ jeˇ˗ahˇ ya tahˬ puˬ˗awˇ, dzaw˗eu gaˇ kawˆ heu aˬ yawꞈ maꞈ˗euˬ nui ma˗ahˇ bo saˆ nya ni aˬ joˆ˗ehˇ caw ba nehˬ˗euˬ nga?
Baˬ˗lehˬ hawˇ˗eu Lawˇleˬ
Mˬdzehˬ
Hehˇpiˬ Leˇ˗oˬ
Dzaw˗eu gaˇ kawˆ heu nawˬ˗ahˇ aˬ joˆ˗ehˇ caw ba nehˬ laꞈ nya?