Yeˬhawˇbaˬ˗euˬ ziꞈ dah ni g’eh-eu nui gaˬ-ahˇ dzaw geuꞈ

Yeˬhawˇbaˬ naˇ ziꞈ dah ni g’eh-eu nui gaˬ mˇ mawˇ-eu jeˬ nehˬ-ehˇ taꞈ leˇ-awˇ, aˬ dui dzaw geuꞈ paˬ-ehˇ g’eh-eu k’aˇ muiˬ-eu g’aˬ pyeuꞈ meh. (Ja ceuˬ 103:11) Nui gaˬ heu naˇ, tiˬ kʼehˇ laˇ kʼehˬ gaˬ-eu nui gaˬ maˬ ngeuˇ-a, aˬ myah luꞈ ziꞈ dah ni g’eh-eu nui gaˬ mˇ mawˇ gaˇ ehˇ mawꞈ˗eu meh. Yeˬhawˇbaˬ naˇ, aˬ yawꞈ-euˬ tsawˇ haˬ deuˬ-ahˇ heu loꞈ-ehˇ gaˬ-eu nui gaˬ yaw myaˬ paw neh mˇ mawˇ˗euˬ meh. Yaw jeˬ ma jeˬ Iˇjiˇtuˆ miˇ kʼahˬ-ahˇ neh aˬ yawꞈ-euˬ tsawˇ haˬ deuˬ sheuˬ doˆ-awˇ, aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ le keuˆ nya ni sheuˬ ahˇ leꞈ-euˬ meh. (Ja ceuˬ 105:42-44) Yeˬhawˇbaˬ aˬ yawꞈ maꞈ-euˬ g’aˇ duˬ guiˇ deuˆ dah nehˬ-awˇ, aˬ yawꞈ maꞈ iˬ baˇ mˇ ngeh jiˇ gʼawˬ mya poˆ iˬ baˇ pyehˬ nehˬ˗euˬ meh. (Ja ceuˬ 107:19, 20) Aˬ dui ‘Miˬyehˇ˗euˬ maˬ tsehˆ leˇ˗eu gʼoeˇ˗eu gaˬ˗eu jeˬ˗ahˇ shaˇ noeˬ’ ngeh, aˬ yawꞈ˗ahˇ dzaw geuꞈ mawꞈ˗eu ma.—Ja ceuˬ 107:43.

‘Miˬyehˇ˗euˬ maˬ tsehˆ leˇ˗eu gʼoeˇ˗eu gaˬ˗eu jeˬ˗ahˇ shaˇ noeˬ’ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Aˬ dui ziꞈ dah ni gʼeh-eu nui gaˬ aˬ joˆ˗ehˇ mˇ mawˇ nya-eu nga?

  nawˬ˗euˬ dawˬ k’oꞈ

• Ziꞈ dah ni gʼeh-eu nui gaˬ mˇ mawˇ-eu heu naˇ, aˬ dui geuꞈ mawꞈ-eu jeˬ-ahˇ byehˇ dzeh-euˬ jeˬ nehˬ˗ehˇ aˬ joˆ˗ehˇ taꞈ-eu nga?

  nawˬ˗euˬ dawˬ k’oꞈ