Ka li zaˬ˗euˬ dehꞈ ziˇ
Aˬ da aˬ ma deuˬ˗oˇ nawˬ˗euˬ zaˬ Miˬyehˇ˗euˬ zaˬ siˬ nui gahˇ za ni caw ba nehˬ
Aˬ da aˬ ma deuˬ zaˬ deuˬ Miˬyehˇ˗euˬ zaˬ siˬ nui gahˇ za ni caw ba nehˬ nya˗eu muiˬ dzehˬ˗eu jeˬ naˇ, mehˬ bawˬ˗ahˇ neh gaˇ dahˇ tsoeˬ˗eu jeˬ za ni caw ba nehˬ˗eu heu meh. Zaˬ deuˬ ya mawˇ˗eu jeˬ, ya gaˬ˗eu jeˬ, dawˬ kʼoꞈ biꞈ˗eu jeˬ, heu deuˬ naˇ aˬ yawꞈ maꞈ˗ahˇ Yeˬhawˇbaˬ˗ahˇ siˬ nya dzehˬ laˇ˗awˇ, gʼoeˇ˗eu cawˬ pyeuꞈ laˇ ni caw ba nehˬ nya˗eu meh. (Dawˬmehˬmehˬ˗eu 31:12, 13) Nawˇ aˬ da aˬ ma pyeuꞈ naˇ zaˬ deuˬ mehˬ bawˬ˗ahˇ neh, gaˇ dahˇ tsoeˬ˗eu jeˬ tiˬ byah tiˬ loꞈ za ni aˬ joˆ˗ehˇ caw ba nehˬ nya˗eu nga?
Bawˬ dzaˬ nymˇ˗ahˇ leh jeh˗awˇ iˇ.—Ja ceuˬ 22:22
Mehˇ nmˇ deuˬ nehˬ˗ehˇ mehˬ bawˬ maˬ jahˇ mi naˆ˗ehˇ maˬ ngeuˇ naˇ mehˬ bawˬ jiˇ ngeh ngehˬ cawˬ.—Heˬbyehˇ 10:25
Nymˇ jiˇ laꞈ kʼoeˇ˗euˬ yawˬ gʼaˬ na luꞈ mehˬ bawˬ jahˇ gaˇ zmˬ˗eu jeˬ˗ahˇ paˇ dmˬ paw neh maˬ ehˇ, diˇjiˬtawꞈ paw neh maˬ ehˇ jaˆ ni leh jeh
Zaˬ deuˬ˗ahˇ yawˬ ha˗euˬ nui noeˬ neh dawˬ kʼoꞈ biꞈ nya ni caw ba nehˬ.—Maꞈtehˬ 21:15, 16
Mehˬ bawˬ hawˇ˗eu mehˬ˗eu jeˬ nehˬ˗ehˇ taꞈ leˇ˗awˇ yaw muiˬ paw dzeˇ dzaˬ˗ahˇ ngehˬ keuˆ
Zaˬ deuˬ˗ahˇ aˇ muˇ laꞈ kʼoeˇ mˇ˗eu gaˇ deuˬ˗ahˇ mˇ nya ni caw ba nehˬ. Yaw jeˬ ma jeˬ, Bawˬdzaˬ nymˇ laˆ luiˆ laˆ buˇ˗eu, aˇ kʼoꞈ kʼawˆ laˇ˗euˬ mehˇ nmˇ tiˬ gʼaˬ gʼaˬ nehˬ˗ehˇ ngehˬ cawˬ˗eu
• Zaˬ deuˬ˗ahˇ Yeˬhawˇbaˬ nehˬ˗ehˇ gʼoeˇ leˇ nya ni caw ba nehˬ˗eu heu naˇ, yaw awˬ maˬ ngeuˇ˗eu miˇ neh tiˬ poˆ na nawˬ˗ahˇ gʼaˬ baˬ laˇ nya˗eu meh. Ehˇ kʼawꞈ Yeˬhawˇbaˬ nawˬ˗ahˇ caw ba˗eu yaw duˬ baw meh.—Iˇsaˬyaˇ 40:29.
Yeˬhawˇbaˬ˗euˬ gʼaˬ˗ahˇ gʼoe˗eu aˬ da aˬ ma deuˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.
Gʼaˬ doeˇ doeˇ˗eu jeˬ heu naˇ, Zehˇ hawˇ˗eu Leˇaˬ˗ahˇ aˬ joˆ˗ehˇ deuˬ˗eu nga?
Aˬ da aˬ ma deuˬ aˬ jeˬ miˇ neh Yeˬhawˇbaˬ˗ahˇ gʼaˬ ya shaˇ˗eu nga?
Zehˇ hawˇ˗eu Leˇaˬ, Yeˬhawˇbaˬ˗ahˇ aˬ joˆ˗ehˇ gʼoe˗euˬ nga?