Nawˇ noeˬ taˬ nya miˇ˗a loˇ?

Nawˇ heu kʼoꞈ˗euˬ Loꞈ˗eu nymˇgoˇ˗ahˇ yaw muiˬ˗ehˇ ya gui maˬ loˇ? Naˇ haˬ˗eu jeˬ heu deuˬ˗euˬ dawˬ kʼoꞈ˗ahˇ biꞈ nya miˇ˗a laˬ lehˇ haw ma.

Yeˬhawˇbaˬ mehˇ nmˇ zaˬ miˬ aˬ buˇ deuˬ˗ahˇ aˬ joˆ˗ehˇ mˇ nehˬ˗eu nga?

Yeˬhawˇbaˬ aˬ buˇ deuˬ˗ahˇ maˬ ehˇ, aˬ li deuˬ˗ahˇ maˬ ehˇ, myaˆ pyawˬ huiˬ nyiˇ maˬ tseˇ ni mˇ nehˬ˗eu meh. Aˬ yawꞈ aˬ buˇ deuˬ˗ahˇ naˇ haˬ nehˬ˗awˇ, nui ma laꞈ kʼoeˇ pyeuꞈ luꞈ˗eu jeˬ hawˇ˗eu shaˬ zahˬ deuˬ˗ahˇ yaw muiˬ˗ehˇ ngehˬ gʼeh nehˬ˗eu meh. Nui ma taˬ˗awˇ, gaˇ bi mˇ˗eu meh.—w24.01, pp. 15-16.

Eˇpeˇsu 5:7-ahˇ “kʼoeˇ loꞈ˗ehˇ gʼeh˗eu tsawˇ haˬ deuˬ˗ahˇ gʼawˬ tsehˆ tsehˆ˗awˬ” lehˇ ehˇ˗eu dawˬ˗ahˇ aˬ joˆ˗ehˇ mˇ caw nya˗eu nga?

Gʼaˬ kʼehˇ Pawˇluˆ aˬ dui˗ahˇ Yeˬhawˇbaˬ˗euˬ tsaˬ˗eu dawˇ˗eu zahˇ˗ahˇ maˬ bi mˇ caw ni laˆ tsoeˬ laˇ˗eu deuˬ nehˬ˗ehˇ cawˬ taˬ cawˬ lehˇ saˇ tiˇ biꞈ˗eu meh. Tsawˇ haˬ mawˇ do mawˇ˗eu deuˬ˗ahˇ tehꞈ˗ehˇ maˬ ngeuˇ˗eu, Soˇsho miˇdiˬ˗yaˬ˗ahˇ neh cawˬ cawˬ˗eu deuˬ˗ahˇ jiˇ ehˇ˗eu meh.—w24.03, pp. 22-23.

Aˬ dui aˬ joˆ˗ehˇ gʼeh˗eu jaˬ myawꞈ myawꞈ˗eu gaˇ kawˆ˗ahˇ ya yahˇ˗eu nga?

Maˇ diˇ ngeuˇ ngaˇ laˬ lehˇ maˬ pyehˆ tseˇ duˬ ni shaˬ leꞈ˗euˬ gaˇ kawˆ, Yeˬhawˇbaˬ˗euˬ tsawˇ haˬ deuˬ nehˬ˗ehˇ taꞈ leˇ˗awˇ maˬ ngeuˇ˗eu jeˬ˗ehˇ ngehˬ taˬ˗euˬ Iˇmeˬ˗oˬ, aˬ dui tsaꞈ gaˬ ngeh nui ma ahˇ˗eu jahˇ geuꞈ˗eu Miˬyehˇ˗ahˇ puiˬ˗eu deuˬ, heu deuˬ˗ahˇ ya yahˇ.—w24.04, p. 12.

Sahˬ paˬ Sawˇlaˬmoˬ, Sawˇdoˬ hawˇ˗eu Gawˇmawˇlaˆ meuˬ zaˬ deuˬ, Noˇaˬ˗euˬ saˇ ka˗ahˇ iˇ cuꞈ dahˬ sehꞈ jiˇ˗euˬ deuˬ, heu deuˬ˗ahˇ Yeˬhawˇbaˬ yaˇ kʼaˬ daˇ˗eu jeˬ nehˬ˗ehˇ taꞈ leˇ˗awˇ, aˬ dui aˬ jeˬ siˬ nya˗awˇ aˬ jeˬ maˬ siˬ nya˗eu nga?

Yeˬhawˇbaˬ tsawˇ haˬ teu deuˬ˗ahˇ mˬ maˬ maˬ byaˆ zaˇ ziˇ laˆ cawˆ˗eu lehˇ daˇ˗euˬ nga laˬ lehˇ aˬ dui maˬ siˬ nya˗a. Ehˇ kʼawꞈ Yeˬhawˇbaˬ yawˬ jeˬ na luꞈ˗ahˇ yaw muiˬ˗ehˇ siˬ nya˗awˇ, aˬ dui˗ahˇ gʼawˬ shaˬ gaˬ dui dui˗eu lehˇ aˬ dui siˬ nya˗eu ma.—w24.05, pp. 3-4.

Yeˬhawˇbaˬ˗ahˇ “lo guˇ” lehˇ sheu cehˆ taˬ˗euˬ heu naˇ, aˬ dui˗ahˇ aˬ jeˬ˗ahˇ bi jah ziꞈ˗eu nga? (Dawˬmehˬmehˬ˗eu 32:4)

Yeˬhawˇbaˬ aˬ dui˗euˬ cehˆ zaꞈ duˬ pyeuꞈ. Aˬ yawꞈ saˇ jaˇ ziꞈ˗eu miˇ neh aˬ geu ngeh kʼawꞈ gʼoe nya. Yeˬhawˇbaˬ ziꞈ dah ni gʼeh˗eu miˇ neh aˬ yawꞈ˗euˬ seuˆ dzeuꞈ aˇ gʼehˇ deuˬ hawˇ˗eu noeˬ taˬ˗euˬ jeˬ tiˬ jawˇ˗i maˬ poˆ maˬ paˇ laˇ˗a.—w24.06, pp. 26-28.

Aˇ muˇ yaw shuiꞈ˗ahˇ jawˇ˗eu daˬ laˇ ni caw ba nehˬ˗eu jeˬ naˇ aˬ jeˬ nga?

Yeˬhawˇbaˬ˗ahˇ gʼoe, gaˇ hu˗euˬ gaˇ mˇ zaˬ deuˬ˗ahˇ caw ba nehˬ˗euˬ loꞈ˗ehˇ nawˬ˗ahˇ jiˇ caw ba nehˬ nya. Nymˬ˗mˇ jawˇ luꞈ˗eu aˇ muˇ hawˇ˗eu yaw beh jawˇ˗euˬ aˇ muˇ nehˬ˗ehˇ taˬ sheu cehˆ. Mehˇ nmˇ deuˬ nehˬ˗ehˇ cawˬ cawˬ˗awˇ, aˇ muˇ nehˬ˗ehˇ gm leˇ. Cawˬ yaw shuiꞈ poˆ.—w24.07, pp. 26-28.

Maꞈtehˬ yaw huiˬ 25 laꞈ kʼoeˇ˗euˬ yaw jeˬ ma jeˬ gaˇ kawˆ smˬ kawˆ˗ahˇ neh aˬ jeˬ ya siˬ˗euˬ nga?

Yawˇ hawˇ˗eu ciꞈ myehꞈ˗euˬ yaw jeˬ ma jeˬ gaˇ kawˆ naˇ, saˇ jaˇ ziꞈ˗eu gaˇ kawˆ˗ahˇ bi siˬ. Noeˬ dahˇ doe˗eu aˬ buˇ zaˬ guˬ hawˇ˗eu laiꞈ˗eu aˬ buˇ zaˬ guˬ˗euˬ yaw jeˬ ma jeˬ gaˇ kawˆ naˇ, lehˬ hmˬ dah taˬ˗awˇ yaw beuˇ beuˇ˗ehˇ jawˇ˗eu gaˇ kawˆ˗ahˇ bi siˬ. Shuiˇ maˇ byaˆ˗euˬ gaˇ kawˆ yaw jeˬ ma jeˬ naˇ, gaˇ˗ahˇ leh jeh˗awˇ mˇ˗eu gaˇ kawˆ˗ahˇ bi siˬ.—w24.09, pp. 20-24.

Sawˇlaˬmoˬ˗euˬ uˬ duˬ tahˬ nymˇ nymˇ ma˗ahˇ uˇ leˇ˗eu gʼoˆ kʼehˬ aˇ naˆ ni goˇ˗eu nga?

2 Laˬsaˬbaˬ 3:4-ahˇ aˬ cawˬ˗euˬ Jaˇliꞈ˗ahˇ, uˇ leˇ˗eu gʼoˆ kʼehˬ heu “120 sawˬ goˇ˗eu” meh lehˇ ehˇ taˬ˗euˬ meh. Teu naˇ 53 miˬteuˬ goˇ gaˇ ehˇ˗eu meh. Ehˇ kʼawꞈ jah coeˇ˗eu tiˬ dmˬ na˗ahˇ uˇ leˇ˗eu gʼoˆ kʼehˬ “yaw goˇ paw 20 sawˬ” (9 miˬteuˬ) byah˗eu meh lehˇ ehˇ taˬ˗euˬ meh. Teu naˇ uˬ duˬ duˬ nymˇ nymˇ ma˗euˬ kaˇ pyawˇ yaw tuˇ nehˬ˗ehˇ tsaˬ leˇ gaˇ duˇ˗eu meh.—w24.10, p. 31.

Aˇ muˇ˗ahˇ caw ba˗eu deuˬ ‘miˬ zaˬ tiˬ gʼaˬ tehꞈ˗ehˇ ya baw’ lehˇ ehˇ˗eu heu naˇ, aˬ jeˬ˗ahˇ ehˇ˗eu nga? (1 Tiˆmoˇseˬ 3:12)

Miˬ zaˬ tiˬ gʼaˬ tehꞈ˗ehˇ ya baw gaˇ ehˇ˗eu meh. Maˬ dehꞈ bahˬ maˬ dehꞈ muˆ˗eu uˬ taꞈ, aˬ cawˬ˗euˬ aˬ buˇ deuˬ nehˬ˗ehˇ maˬ ngehˬ cawˬ niˇ gʼa ni ya gʼeh˗eu meh.—w24.11, p. 19.

Yoˇhaˬ 6:53 laꞈ kʼoeˇ˗euˬ dawˬ heu naˇ, Yeˬsuˇ˗euˬ ciꞈ hawˬ dzaˬ byawˇ lawˇ ngeh nehˬ˗ehˇ taꞈ˗eu gaˇ kawˆ maˬ ngeuˇ˗eu lehˇ aˬ jeˬ miˇ neh ehˇ nya˗eu nga?

Yoˇhaˬ 6:53-ahˇ Yeˬsuˇ aˬ yawꞈ˗euˬ shaˬ jiˇ hawˇ˗eu shiˬ dzaˬ lehˇ ehˇ˗euˬ meh. Dawˬ teu A.D. 32-ahˇ Gaˬliˬlehˇ miˇ kʼahˬ˗ahˇ aˬ yawꞈ˗ahˇ nui jah maˬ ahˇ˗eu Yuˇdaˆ tsawˇ haˬ deuˬ˗ahˇ ehˇ nehˬ˗euˬ jeˬ pyeuꞈ meh. Ehˇ kʼawꞈ Yeˬsuˇ˗euˬ ciꞈ hawˬ dzaˬ byawˇ naˇ, Yeˬluˇsaˬlehˬ˗ahˇ A.D. 33-ahˇ jahˇ˗awˇ, aˬ yawꞈ nehˬ˗ehˇ mˬ taˆ ya uˆ lahˇ leˇ˗eu deuˬ˗ahˇ ehˇ nehˬ˗euˬ jeˬ pyeuꞈ meh.—w24.12, pp. 10-11.