Dzaw deuˆ 10

Teˇ saˇ zmˬ jeˬ zmˬ kawˆ

Dawˬdaˬ 8:4, 7

Aˇ yeˇ huiˬ˗eu jeˬ: Naˇ haˬ luꞈ˗eu deuˬ˗euˬ nui ma˗ahˇ zaw leˇ ni yaw maˇ maˇ˗ehˇ mehˬ˗eu gʼaˇ duˬ, teˇ saˇ ngehˬ kʼaˆ hawˇ˗eu aˬ za za˗ehˇ ngehˬ˗eu jeˬ˗ahˇ maˬ ehˇ, teˇ saˇ yaw goˇ yaw awˆ˗ahˇ maˬ ehˇ, ngehˬ kawˇ˗eu hawˇ˗eu a lawˆ lawˆ˗ehˇ ngehˬ˗eu jeˬ˗ahˇ maˬ ehˇ, zmˬ˗awˇ mehˬ.

Mˇ paˬ˗ehˇ gʼeh˗eu jeˬ:

Ngehˬ kʼaˆ˗eu hawˇ˗eu aˬ za za˗ehˇ ngehˬ˗eu. Aˇ yeˇ huiˬ˗eu tsahˇ˗ahˇ ngehˬ keuˆ˗eu gʼaˇ duˬ maˬ ehˇ, naˇ haˬ luꞈ˗eu deuˬ˗ahˇ laˆ noeˬ˗eu gʼaˇ duˬ maˬ ehˇ, Jaˇliꞈ laꞈ kʼoeˇ˗euˬ yaˇ kʼaˬ daˇ˗eu dawˬ˗ahˇ gui ngeh maˬ ehˇ, teˇ saˇ ngehˬ kʼaˆ˗awˇ, naˇ haˬ luꞈ˗eu deuˬ nui ma ahˇ ni, kʼahˬ lahˇ laˇ paˬ˗ehˇ gʼeh˗eu jeˬ hawˇ˗eu guˆ laˇ paˬ˗ehˇ gʼeh˗eu jeˬ˗ahˇ ngehˬ keuˆ ngeh˗aˬ, aˬ za za˗ehˇ ngehˬ.

Naˇ haˬ luꞈ˗eu deuˬ˗ahˇ aˬ yawꞈ maꞈ˗ahˇ ehˇ luꞈ nya lehˇ maˬ bi noeˬ˗eu gʼaˇ duˬ, teˇ saˇ tiˬ kʼehˬ maˬ taˬ maˬ ya ngehˬ kʼaˆ˗a. Aˬ yawꞈ maꞈ˗euˬ nui ma aˬ dui jawˇ gaˇ maˬ bi jaˆ ni, mehˬ luꞈ˗eu gaˇ kawˆ˗ahˇ bi jaˆ˗eu gʼaˇ duˬ, teˇ saˇ aˇ dzehˬ dzeuˇ ni taˬ gʼeu.
Teˇ saˇ yaw goˇ yaw awˆ. Yaw dehꞈ dehꞈ˗ehˇ ngehˬ ngeh maˬ ehˇ, yaw huiˬ yaw tiˇ, dawˬ peh gaˇ mahˇ gaˇ kawˆ˗ahˇ ngehˬ keuˆ ngeh maˬ ehˇ, teˇ saˇ yaw goˇ zmˬ. Nui ma nyiˇ nui ma cawˆ˗eu gaˇ kawˆ˗ahˇ ngehˬ keuˆ ngeh naˇ, teˇ saˇ yaw awˆ zmˬ.
Ngehˬ kawˇ˗eu hawˇ˗eu a lawˆ lawˆ˗ehˇ ngehˬ˗eu. Nui ma cehˇ tahˬ tahˬ laˇ paˬ˗ehˇ gʼeh˗eu gaˇ kawˆ˗ahˇ ngehˬ ngeh, ngehˬ kawˇ. Kʼoeˇ naˇ, aˇ yeˇ huiˬ˗eu tsahˇ˗ahˇ ngehˬ keuˆ ngeh, a lawˆ lawˆ˗ehˇ ngehˬ.

Naˇ haˬ luꞈ˗eu deuˬ maˬ bi tsawˬ guˆ iˇ˗eu gʼaˇ duˬ, teˇ saˇ duiˬ lehˇ aˇ dzehˬ dzeuˇ ni taˬ laˆ paˇ. Yaw maˇ maˇ˗ehˇ ngehˬ˗awˇ, aˬ yawꞈ maꞈ bi gʼoˆ shaw˗eu gʼaˇ duˬ, aˇ dzehˬ˗ehˇ taˬ ngehˬ kawˇ.