Dzaw deuˆ 11

Yaw zoˇ zoˇ lehˇ ngehˬ

Loˇmaˆ 12:11

Aˇ yeˇ huiˬ˗eu jeˬ: Naˇ haˬ luꞈ˗eu deuˬ˗ahˇ laˆ noeˬ˗eu gʼaˇ duˬ, yaw dehꞈ dehꞈ lehˇ ngehˬ.

Gaˇ kawˆ deuˬ aˬ dui˗euˬ nui ma laꞈ kʼoeˇ jeˬ hu dawˆ ahˇ taˬ. Aˬ dui lehˬ hmˬ ngeh, gaˇ kawˆ teu aˇ naˆ ni aˇ yeˇ huiˬ nga lehˇ shaˇ noeˬ shaˇ sawˇ. Gaˇ kawˆ teu˗ahˇ nui ma laꞈ kʼoeˇ neh ngehˬ˗eu gʼaˇ duˬ, yaw muiˬ˗ehˇ ya siˬ nya taˬ.
Naˇ haˬ luꞈ˗eu deuˬ˗ahˇ noeˬ keuˆ. Aˬ dui mehˬ˗awˇ gui˗eu jeˬ aˬ yawꞈ maꞈ˗ahˇ aˬ joˆ˗ehˇ gaˇ dahˇ tsoeˬ nga lehˇ shaˇ noeˬ shaˇ sawˇ. Gaˇ kawˆ teu aˬ yawꞈ maꞈ˗euˬ nui ma˗ahˇ aˬ joˆ˗ehˇ bi ahˇ leˇ paˬ nga lehˇ shaˇ noeˬ.
Nui ma laꞈ kʼoeˇ neh ngehˬ. Yaw dehꞈ dehꞈ lehˇ ngehˬ. Aˬ dui˗euˬ nui ma aˬ joˆ˗ehˇ gʼeh˗eu lehˇ, myaˆ pyawˬ hawˇ˗eu luˆ jeˬ luˆ kawˆ˗ahˇ neh bi siˬ.

Naˇ haˬ luꞈ˗eu deuˬ˗euˬ myaˆ˗ahˇ maˬ bi bahˬ gʼa˗eu gʼaˇ duˬ, aˬ yawꞈ yaw oeˇ loꞈ˗ehˇ tehꞈ˗ehˇ maˬ luˆ maˬ laˆ ni, gaˇ dahˇ tsoeˬ leˇ paˬ˗ehˇ tehꞈ˗ehˇ ya luˆ. Aˇ yeˇ huiˬ˗eu tsahˇ˗ahˇ mehˬ˗awˇ aˬ yawꞈ maꞈ˗ahˇ laˆ noeˬ˗eu gʼaˇ duˬ, yaw zoˇ zoˇ lehˇ ngehˬ. Ehˇ kʼawꞈ, aˬ yawꞈ maꞈ˗ahˇ gʼaˬ doeˇ doeˇ leˇ ni aˇ dzehˬ˗ehˇ taˬ zoˇ dzeuˇ.