Yaw zoˇ zoˇ lehˇ mehˬ

Aˬ dui yaw zoˇ zoˇ lehˇ ngehˬ naˇ, tsawˇ haˬ deuˬ siˬ nya mawꞈ dzehˬ laˇ˗awˇ, aˬ dui ngehˬ luꞈ˗eu gaˇ kawˆ˗ahˇ aˇ poeˬ taˬ baw˗eu jeˬ jiˇ pyeuꞈ meh. Aˬ dui aˬ joˆ˗ehˇ gʼeh˗eu tsawˇ haˬ pyeuꞈ˗awˇ aˬ joˆ˗ehˇ dehꞈ yaꞈ˗euˬ kʼawꞈ, yaw zoˇ zoˇ lehˇ gʼeh˗eu tsawˇ haˬ pyeuꞈ nya meh. (Loˇmaˆ 12:11) Aˬ joˆ˗ehˇ ya jahˇ˗eu nga?

Tiꞈ, aˬ dui tsaꞈ gaˬ luꞈ˗eu gaˇ kawˆ heu aˇ naˆ ni aˇ yeˇ huiˬ˗eu lehˇ shaˇ noeˬ. Aˬ dui “laˬ kʼaˬ cehˇ˗eu guiˬ lahˬ dawˬ mehˬ˗eu” aˇ yeˇ huiˬ dui dui˗eu gaˇ za˗euˬ ma. (Loˇmaˆ 10:15) Nyiꞈ, aˬ dui neh tsaꞈ gaˬ˗euˬ gaˇ kawˆ naˇ haˬ luꞈ˗eu deuˬ˗ahˇ gaˇ dahˇ aˬ joˆ˗ehˇ tsoeˬ nga lehˇ shaˇ noeˬ. Aˬ yawꞈ maꞈ gaˇ kawˆ heu ya gaˬ˗eu loˬ meh. (Loˇmaˆ 10:13, 14) Smˇ, yaw zoˇ zoˇ lehˇ ngehˬ, aˬ dui˗euˬ nui ma aˬ joˆ˗ehˇ gʼeh˗eu lehˇ myaˆ pyawˬ hawˇ˗eu luˆ jeˬ luˆ kawˆ neh bi siˬ.

Zaˬ lahˇ pyeuꞈ laˇ ni mˇ˗eu gaˇ˗ahˇ laˬ kʼaˬ cehˇ—Bym laˇ byehˆ laˇ ni leh jeh—Yaw zoˇ zoˇ lehˇ mehˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Niˇtaˬ Jeꞈ˗ahˇ mehˬ ngeh, aˬ jeˬ miˇ neh yaw zoˇ zoˇ lehˇ maˬ paˇ gʼeh˗euˬ nga?

• 

  Niˇtaˬ˗ahˇ yaw zoˇ zoˇ lehˇ mehˬ daˆ leꞈ nya ni caw ba nehˬ˗eu aˬ jeˬ nga?

• 

  Aˬ dui dzaw zaˬ deuˬ˗euˬ yaw muiˬ paw aˬ jeˬ miˇ neh haw paˬ˗ehˇ gʼeh˗eu nga?

• Aˬ dui neh yaw zoˇ zoˇ lehˇ mehˬ˗eu heu, dzaw zaˬ hawˇ˗eu nui deuˬ˗ahˇ aˬ joˆ˗ehˇ gaˇ dahˇ tsoeˬ˗eu nga?