Naˇ haˬ˗eu jeˬ zmˬ

“Laˬ kʼaˬ cehˇ˗eu Miˬyehˇ” Yeˬhawˇbaˬ aˬ dui˗ahˇ aˬ yawꞈ˗euˬ gaˇ˗ahˇ laˬ kʼaˬ tiˬ cehˇ bi mˇ mawꞈ˗eu meh. (1 Tiˆmoˇseˬ 1:11 Miˇ shuiꞈ dawˬ paˇ Jaˇliꞈ) Aˬ dui mehˬ˗eu paw huiˬ laˇ mahˇ laˬ naˇ laˬ kʼaˬ cehˇ dzehˬ laˇ˗eu meh. Naˇ haˬ˗eu jeˬ zmˬ˗eu heu naˇ, siˬ nya mawꞈ laˇ ni laˆ noeˬ nehˬ˗awˇ ngehˬ cawˬ dahˬ beh˗eu jiˇ yaw awˬ meh. Kʼoeˇ naˇ naˇ haˬ luꞈ˗eu deuˬ˗ahˇ shaˇ noeˬ shaˇ sawˇ leˇ ni jiˇ laˆ noeˬ nehˬ˗eu meh. (Maꞈtehˬ 22:41-45) Aˬ dui aˬ yawꞈ maꞈ˗ahˇ naˇ haˬ˗awˇ dawˬ kʼoꞈ biꞈ laꞈ gaˇ dawˬ naˇ, aˬ yawꞈ maꞈ˗ahˇ ‘Nawˇ ngaˬ˗euˬ gʼaˇ duˬ aˇ yeˇ huiˬ˗eu gʼaˬ pyeuꞈ meh’ lehˇ ehˇ nehˬ luꞈ gaˇ duˇ˗eu meh. (Yaˬkoˆ 1:19) Aˬ yawꞈ maꞈ˗euˬ dawˬ kʼoꞈ˗ahˇ haw ngeh, aˬ yawꞈ maꞈ nehˬ˗ehˇ aˬ jeˬ˗euˬ gaˇ kawˆ ya ngehˬ˗eu lehˇ siˬ laˇ˗eu meh.

Zaˬ lahˇ pyeuꞈ laˇ ni mˇ˗eu gaˇ˗ahˇ laˬ kʼaˬ cehˇ—Bym laˇ byehˆ laˇ ni leh jeh—Naˇ haˬ˗eu jeˬ zmˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Jeꞈ laꞈ kʼoeˇ yaw muiˬ aˬ jeˬ ahˇ˗eu nga?

• 

  Niˇtaˬ Jeꞈ˗ahˇ caw ba mawꞈ˗eu lehˇ bi mawˇ˗eu gʼaˇ duˬ, aˬ jeˬ naˇ haˬ˗euˬ nga?

• 

  Niˇtaˬ Jeꞈ˗ahˇ siˬ nya mawꞈ laˇ ni laˆ noeˬ nehˬ˗eu gʼaˇ duˬ, aˬ jeˬ naˇ haˬ˗euˬ nga?

• 

  Niˇtaˬ Jeꞈ˗ahˇ bi shaˇ noeˬ bi shaˇ sawˇ˗eu gʼaˇ duˬ, aˬ jeˬ naˇ haˬ˗euˬ nga?