Jaˇliꞈ dzaw zaˬ deuˬ˗ahˇ Yeˬhawˇbaˬ nehˬ˗ehˇ cawˬ cawˬ nya ni caw ba nehˬ

Yeˬhawˇbaˬ aˬ dui˗ahˇ aˬ yawꞈ˗euˬ gaˇ mˇ˗eu heu naˇ, aˬ yawꞈ˗ahˇ gaˬ˗eu baˬ da neh mˇ˗eu jeˬ bi pyeuꞈ mawꞈ˗eu meh. (Maꞈtehˬ 22:37, 38) Miˬyehˇ˗ahˇ gaˬ˗eu jeˬ heu, Jaˇliꞈ dzaw zaˬ deuˬ˗ahˇ dehꞈ poˆ dehꞈ paˇ nya ni caw ba nehˬ˗awˇ, lawˬ haw laˇ˗eu jeˬ˗ahˇ ya tahˬ puˬ ngeh saˇ jaˇ ziꞈ daˆ leꞈ nya ni jiˇ caw ba nehˬ˗eu meh. (1 Yoˇhaˬ 5:3) Kʼoeˇ uˬ taꞈ, aˬ yawꞈ maꞈ˗ahˇ iˇ cuꞈ shawˇ ni laˆ noeˬ nehˬ˗eu jeˬ jiˇ nui gaˬ heu pyeuꞈ meh.

Dzaw zaˬ deuˬ˗ahˇ Miˬyehˇ aˬ yawꞈ˗ahˇ gaˬ meh lehˇ mawˇ leˇ ni caw ba nehˬ. “Gaˇ kawˆ heu Yeˬhawˇbaˬ nehˬ˗ehˇ taˆ leˇ˗awˇ, nawˬ˗ahˇ aˬ jeˬ mehˬ˗eu nga?” Maˬ ngeuˇ naˇ, “Gaˇ kawˆ heu Yeˬhawˇbaˬ nawˬ˗ahˇ gaˬ˗eu lehˇ aˬ joˆ˗ehˇ bi mawˇ laˇ˗eu nga?” lehˇ aˬ yawꞈ˗ahˇ naˇ haˬ nya meh. Yeˬhawˇbaˬ aˬ yawꞈ˗ahˇ aˬ joˆ˗ehˇ caw ba luꞈ˗eu nga lehˇ mawˇ leˇ ni jiˇ caw ba nehˬ. (2 Laˬsaˬbaˬ 16:9) Aˬ dui˗euˬ shaˇ dawˬ˗ahˇ Yeˬhawˇbaˬ aˬ joˆ˗ehˇ naˇ haˬ nehˬ laꞈ˗euˬ lehˇ aˬ yawꞈ˗ahˇ ja nehˬ˗awˇ, aˬ yawꞈ˗euˬ shaˇ dawˬ˗ahˇ jiˇ Yeˬhawˇbaˬ aˬ joˆ˗ehˇ naˇ haˬ nehˬ luꞈ˗eu nga lehˇ shaˇ noeˬ haw lehˇ ehˇ nehˬ. Jaˇliꞈ dzaw zaˬ deuˬ Yeˬhawˇbaˬ aˬ yawꞈ˗ahˇ gaˬ ngaˇ˗a lehˇ jah˗awˇ, aˬ yawꞈ jiˇ ni Yeˬhawˇbaˬ˗ahˇ gaˬ˗eu uˬ taꞈ, Yeˬhawˇbaˬ nehˬ˗ehˇ cawˬ cawˬ mawꞈ ngaˇ lehˇ nawˇ ya mawˇ ngeh, laˬ kʼaˬ cehˇ˗eu yaw duˬ baw meh.

Nawˬ˗euˬ Jaˇliꞈ dzaw zaˬ˗ahˇ Yeˬhawˇbaˬ nehˬ˗ehˇ cawˬ cawˬ nya ni caw ba nehˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Jeꞈ aˬ jeˬ˗euˬ gaˇ kawˆ˗ahˇ ya tahˬ puˬ˗euˬ nga?

• 

  Niˇtaˬ Jeꞈ˗ahˇ aˬ joˆ˗ehˇ caw ba nehˬ˗euˬ nga?

• 

  Jeꞈ gaˇ kawˆ teu˗ahˇ aˬ joˆ˗ehˇ laˆ piˇ nya˗euˬ nga?