Yawˬ ha˗euˬ Jaˇliꞈ dzaw zaˬ˗ahˇ yawˬ haˇ yawˬ ha Jaˇliꞈ pyehˆ tseˇ ni caw ba nehˬ

Dzaw zaˬ deuˬ Yeˬhawˇbaˬ˗ahˇ siˬ nya laˇ˗awˇ, noeˬ dahˇ doe laˇ˗euˬ Ka li zaˬ pyeuꞈ laˇ ni caw ba˗eu gʼaˇ duˬ, Jaˇliꞈ mehˬ˗eu gʼaˬ˗ahˇ neh ya siˬ˗eu jeˬ tehꞈ˗ehˇ maˬ gʼaˬ˗a siˬ. (Maꞈtehˬ 5:3; Heˬbyehˇ 5:12–6:2) Aˬ yawꞈ maꞈ jiˇ yawˬ haˇ yawˬ ha Jaˇliꞈ aˬ joˆ˗ehˇ ya pyehˆ tseˇ˗eu lehˇ ya siˬ nya meh.

Dzaw zaˬ deuˬ˗ahˇ mehˬ dahˬ beh ngeh poˆ neh, Jaˇliꞈ dzaw˗eu gʼaˇ duˬ aˬ joˆ˗ehˇ ya lehˬ hmˬ˗eu lehˇ mehˬ nehˬ˗awˇ, Jaˇliꞈ maˬ dzaw mi naˆ˗ehˇ teu loꞈ˗ehˇ jahˇ lehˇ gʼaˬ biꞈ. (mwb18.03 6) Dzaw zaˬ˗ahˇ Jaˇliꞈ maˬ pyehˆ tseˇ mi naˆ˗ehˇ guiˬ lahˬ shaˇ lehˇ ehˇ nehˬ˗awˇ, gʼoeˇsaiˇ laꞈ kʼoeˇ poˆ tseˇ˗eu keu ka hawˇ˗eu aˇ maꞈ aˇ muˇ˗euˬ ehˆ zmˬ nya ni mehˬ nehˬ. Kʼoeˇ naˇ, JW tiˬbiˬ hawˇ˗eu jw.org gʼoeˇsaiˇ˗ahˇ yaw shuiꞈ aˬ jeˬ jaˆ nga lehˇ haw nya ni jiˇ ya mehˬ nehˬ˗eu meh. Kʼoeˇ uˬ taꞈ, aˬ yawꞈ maꞈ˗ahˇ Jaˇliꞈ yawˬ nah na luꞈ gui˗awˇ, mehˬ bawˬ˗euˬ gʼaˇ duˬ lehˬ hmˬ˗eu uˬ taꞈ, yawˬ ha siˬ nya mawꞈ˗eu gaˇ kawˆ˗ahˇ poˆ tseˇ˗awˇ, aˬ yawˬ neh ya gui˗euˬ gaˇ kawˆ˗ahˇ shaˇ noeˬ shaˇ sawˇ lehˇ jiˇ gʼaˬ biꞈ nya˗eu meh.

Yawˬ ha˗euˬ Jaˇliꞈ dzaw zaˬ˗ahˇ yawˬ haˇ yawˬ ha Jaˇliꞈ pyehˆ tseˇ ni caw ba nehˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Niˇtaˬ Jeꞈ˗ahˇ Jaˇliꞈ dzaw˗eu heu naˇ, dawˬ kʼoꞈ˗ahˇ ya siˬ nya˗eu tehꞈ maˬ ngeuˇ˗a lehˇ aˬ joˆ˗ehˇ bi siˬ leˇ˗euˬ nga?

• 

  Maˬ sheuˬ dahˬ dzaˬ˗euˬ deuˬ, maˬ ya jawˇ taꞈ˗a lehˇ Yeˬhawˇbaˬ neh ehˇ˗euˬ dawˬ teu tsaˬ ngaˇ˗a lehˇ, Jeꞈ˗ahˇ siˬ leˇ ni caw ba nehˬ˗eu aˬ jeˬ nga?

• 

  Shaˇ noeˬ shaˇ sawˇ˗eu heu naˇ, aˇ yeˇ huiˬ˗eu lehˇ Jeꞈ aˬ joˆ˗ehˇ siˬ nya laˇ˗euˬ nga?