Jaˇliꞈ dzaw zaˬ˗ahˇ maˬ muiˬ maˬ dzaˬ˗eu nui ma deuˬ˗ahˇ byehˇ nya ni caw ba nehˬ

Yaw muiˬ yaw shawˇ shawˇ˗ehˇ dehꞈ˗eu deuˬ tehꞈ˗ehˇ Yeˬhawˇbaˬ nehˬ˗ehˇ gʼoeˇ nya˗eu meh. (1 Beˬtuˆluˆ 1:14-16) Jaˇliꞈ dzaw zaˬ deuˬ maˬ muiˬ maˬ dzaˬ˗eu nui ma deuˬ˗ahˇ byehˇ dzeh nya ngeh, aˬ yawꞈ maꞈ˗euˬ nymˇ jiˇ laꞈ kʼoeˇ laˬ kʼaˬ cehˇ dzehˬ laˇ˗awˇ, yaw muiˬ jawˇ saˇ doˆ˗eu uˬ taꞈ, pyuˇ˗euˬ gaˇ kawˆ jiˇ maˬ shaˬ nga lehˇ aˬ yawꞈ˗ahˇ siˬ leˇ˗eu meh.

Aˬ dui dzaw zaˬ deuˬ˗ahˇ Yeˬhawˇbaˬ˗euˬ zahˇ dawˬ˗ahˇ, yaw muiˬ˗ehˇ gʼoˆ shaw leˇ ni ya caw ba nehˬ˗awˇ, maˬ muiˬ˗eu nui ma deuˬ˗ahˇ byehˇ dzeh naˇ aˬ joˆ˗ehˇ gaˇ dahˇ tsoeˬ˗eu lehˇ siˬ leˇ ni jiˇ ya caw ba nehˬ˗eu meh. Aˬ yawꞈ˗ahˇ noeˬ jeˬ noeˬ kawˆ beˬ paˇ nya ni caw ba nehˬ. Toˆ˗ehˇ jahˇ naˇ, aˬ yawꞈ Yeˬhawˇbaˬ˗euˬ ehˇ dawˬ˗ahˇ mˇ caw mawꞈ laˇ˗eu meh. (Eˇpeˇsu 4:22-24) Yeˬhawˇbaˬ aˬ yawꞈ˗euˬ maˬ muiˬ˗eu nui ma˗ahˇ gʼaˬ leˇ ni caw ba nehˬ nya meh lehˇ jah coeˇ ni caw ba nehˬ. (Piˇliˇpiˆ 4:13) Tiˬ poˆ na maˬ muiˬ˗eu jeˬ mˇ kʼoꞈ iˇ mawꞈ ngeh, Yeˬhawˇbaˬ˗ahˇ guiˬ lahˬ aˬ joˆ˗ehˇ ya shaˇ˗eu lehˇ mehˬ nehˬ. Aˬ joˆ˗ehˇ gʼeh˗eu jeˬ˗ahˇ yahˇ paˬ nga lehˇ mawˇ leˇ ni caw ba nehˬ˗awˇ, maˬ muiˬ˗eu nui ma˗ahˇ byehˇ dzeh nya˗eu gʼaˇ duˬ, yaw muiˬ jeˬ poˆ mˇ lehˇ gʼaˬ biꞈ. Yeˬhawˇbaˬ caw ba˗eu laꞈ kʼoeˇ Jaˇliꞈ dzaw zaˬ deuˬ dehꞈ poˆ dehꞈ paˇ gaˇ ya mawˇ ngeh, aˬ dui laˬ kʼaˬ cehˇ˗eu meh.

Nawˬ˗euˬ Jaˇliꞈ dzaw zaˬ˗ahˇ maˬ muiˬ maˬ dzaˬ˗eu nui ma deuˬ˗ahˇ byehˇ nya ni caw ba nehˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Aˇ muˇ˗ahˇ sheuˬ gʼeh˗eu deuˬ hawˇ˗eu Niˇtaˬ, Jeꞈ˗ahˇ nui ma taˬ˗eu lehˇ aˬ joˆ˗ehˇ mˇ doˆ laꞈ˗euˬ nga?

• 

  Niˇtaˬ Jeꞈ˗ahˇ aˬ joˆ˗ehˇ caw ba˗euˬ nga?

• 

  Jeꞈ Yeˬhawˇbaˬ neh aˬ joˆ˗ehˇ bi caw ba˗euˬ nga?