Nui ma˗ahˇ zaw leˇ ni mehˬ

Miˬyehˇ˗euˬ ehˇ dawˬ˗ahˇ naˇ haˬ˗eu heu naˇ nui ma laꞈ kʼoeˇ neh ya bi doˆ le˗eu meh. (Dawˬdaˬ 3:1) Teu miˇ neh, aˬ dui Jaˇliꞈ mehˬ ngeh, naˇ haˬ luꞈ˗eu deuˬ˗euˬ nui ma˗ahˇ zaw leˇ ni ya leh jeh˗eu meh. Aˬ joˆ˗ehˇ ya jahˇ˗eu nga?

Dzaw zaˬ deuˬ˗ahˇ Jaˇliꞈ laꞈ kʼoeˇ˗euˬ yaw tsaˬ yaw dawˇ tehꞈ˗ehˇ taˬ mehˬ. Yeˬhawˇbaˬ nehˬ˗ehˇ gʼoeˇ leˇ ni, aˬ yawꞈ maꞈ˗euˬ dehꞈ ziˇ laꞈ kʼoeˇ zmˬ˗iˇ nya ni caw ba nehˬ˗awˇ, Jaˇliꞈ laꞈ kʼoeˇ˗euˬ zahˇ dawˬ heu naˇ Miˬyehˇ˗euˬ gaˬ˗eu jeˬ, muiˬ˗eu jeˬ hawˇ˗eu yaw tsaˬ yaw dawˇ jeˬ˗ahˇ aˬ joˆ˗ehˇ bi mawˇ laˇ nga lehˇ siˬ leˇ ni caw ba nehˬ. Dzaw zaˬ gʼaˬ˗ahˇ aˬ yawꞈ neh ya dzaw˗euˬ jeˬ˗ahˇ aˬ joˆ˗ehˇ noeˬ nya lehˇ noeˬ leˇ ni naˇ haˬ. Maˬ tsaˬ˗eu nui noeˬ hawˇ˗eu mˇ˗eu jeˬ˗ahˇ laˆ poˆ laˆ paˇ naˇ, aˬ joˆ˗ehˇ gaˇ dahˇ tsoeˬ nga lehˇ siˬ leˇ ni caw ba nehˬ. Dzaw zaˬ gʼaˬ Yeˬhawˇbaˬ˗ahˇ nui ma laꞈ kʼoeˇ neh gaˬ gaˇ ya mawˇ ngeh, aˬ dui Miˬyehˇ gaˇ mˇ˗eu laˬ kʼaˬ cehˇ dzehˬ laˇ˗eu meh.

Zaˬ lahˇ pyeuꞈ laˇ ni mˇ˗eu gaˇ˗ahˇ laˬ kʼaˬ cehˇ—Bym laˇ byehˆ laˇ ni leh jeh—Nui ma˗ahˇ zaw leˇ ni mehˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Niˇtaˬ, Jeꞈ˗ahˇ aˬ jeˬ miˇ neh jawˇ nah dzeuˇ tiˬ nah˗ahˇ ngehˬ cawˬ˗euˬ gaˇ kawˆ˗ahˇ aˬ joˆ˗ehˇ noeˬ nya lehˇ naˇ haˬ˗euˬ nga?

• 

  Niˇtaˬ, Jeꞈ˗ahˇ Yeˬhawˇbaˬ Jaˇliꞈ laꞈ kʼoeˇ zahˇ bi jaˆ˗eu heu naˇ, Miˬyehˇ Jeꞈ˗ahˇ gaˬ˗eu lehˇ mawˇ leˇ ni aˬ joˆ˗ehˇ caw ba˗euˬ nga?

• 

  Jeꞈ Yeˬhawˇbaˬ˗ahˇ gaˬ˗eu lehˇ mˇ doˆ laꞈ nya˗eu aˬ jeˬ jeˇ jaˆ nga lehˇ siˬ leˇ ni, Niˇtaˬ aˬ joˆ˗ehˇ caw ba nehˬ˗euˬ nga?