Yeˬhawˇbaˬ caw ba˗eu jeˬ˗ahˇ ha geuꞈ˗awˇ guiˬ lahˬ shaˇ

Yeˬhawˇbaˬ tsawˇ haˬ˗euˬ nui ma laꞈ kʼoeˇ yaw tsaˬ yaw dawˇ˗euˬ siˬ yoeˬ bi huiˬ laˇ˗eu gʼaˬ pyeuꞈ meh. (1 Gawˇliˬtu 3:6-9) Teu miˇ neh Miˬyehˇ˗euˬ gaˇ mˇ byah nya˗eu gʼaˇ duˬ, aˬ dui hawˇ˗eu dzaw zaˬ deuˬ˗ahˇ Yeˬhawˇbaˬ neh ya bi caw ba˗eu meh.

Dzaw zaˬ deuˬ˗ahˇ lawˬ haw laˇ˗eu jeˬ hawˇ˗eu shaˬ zahˬ˗ahˇ kamˬ daˬ coeˇ ni caw ba nehˬ laꞈ lehˇ, aˬ dui Yeˬhawˇbaˬ˗ahˇ guiˬ lahˬ shaˇ nya meh. (Piˇliˇpiˆ 1:9, 10) Dzaw zaˬ deuˬ˗ahˇ aˬ joˆ˗ehˇ ya caw ba˗eu lehˇ muiˬ˗eu shawˇ˗eu yaw sahˇ neh bi caw ba˗eu gʼaˇ duˬ, yaw duˬ duˬ lehˇ guiˬ lahˬ shaˇ. (Luˇkaꞈ 11:13) Dzaw zaˬ deuˬ˗ahˇ guiˬ lahˬ aˬ joˆ˗ehˇ ya shaˇ˗eu lehˇ mehˬ nehˬ˗awˇ, Yeˬhawˇbaˬ˗ahˇ guiˬ lahˬ shaˇ lehˇ gʼaˬ biꞈ. Dzaw zaˬ nehˬ˗ehˇ guiˬ lahˬ shaˇ ngeh maˬ ehˇ, aˬ yawꞈ˗euˬ gʼaˇ duˬ shaˇ nehˬ ngeh maˬ ehˇ, aˬ yawꞈ˗euˬ tsawˇ myahˇ˗ahˇ ngehˬ keuˆ.

Zaˬ lahˇ pyeuꞈ laˇ ni mˇ˗eu gaˇ˗ahˇ laˬ kʼaˬ cehˇ—Yeˬhawˇbaˬ caw ba˗eu jeˬ˗ahˇ ha geuꞈ—Guiˬ lahˬ shaˇ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Niˇtaˬ Jeꞈ˗ahˇ Jaˇliꞈ mehˬ ngeh, aˬ jeˬ˗euˬ gaˇ kawˆ˗ahˇ ya tahˬ puˬ˗euˬ nga?

• 1 Gawˇliˬtu 3:6 laꞈ kʼoeˇ˗euˬ dawˬ, Niˇtaˬ˗ahˇ aˬ joˆ˗ehˇ caw ba˗euˬ nga?

• Niˇtaˬ neh noeˬ shaˬ kʼahˬ lahˇ˗euˬ gaˇ kawˆ, aˬ joˆ˗ehˇ muiˬ daˆ laˇ˗euˬ nga?